استفسار

[mumeto]

السلام عليكم
أنا هاوي جديد في تربية الاسماك حوضي عمره أسبوعين فقط بدأت أعمل الدورة البيولوجية
ب 3 سمكات 2 كوي وواحدة نيون تترا
واحدة من الكوي ماتت بعد 3 أيام
وبعدها بيومين جبت واحدة بلاك أورندا وبعدين جالها مرض النقطة البيضاء أو القطيفة مش عارف الاتنين شكل بعض في الأعراض والعلاج المهم باختصار جبت سخان ورفعت الحرارة وعالجت بالملح مع دواء الأنتي وايت سبوت
النهارده اليوم الثالث الحمد لله ماتت البلاك أورندا الصبح قدر الله وما شاء فعل
علما بأن النقط البيضا اختفت بعد أول مره حطيت العلاج بحوال 10 ساعات وامبارح كانت بدأت تتحرك طبيعي فى الحوض لكن الحمد لله قضاء وقدر
مشاكلي الآن هي كالتالي
1 - صعوبة تثبيت درجة الحرارة بسبب المكيف لأني لما بخرج من البيت بيكون المكيف مطفي وبالتالي بترتفع درجة الحرارة
2 - اكمل كورس العلاج ولا ايه انا زهقت من لون الحوض والسمكة المريضة ماتت وكمان اتكسر السخان النهارده في الحوض وكنت هموت بسبب الكهرباء لكن الحمد لله
فلو هكمل كورس العلاج هحتاج سخان جديد مع العلم ان حرارة المية نزلت بعد ما اتكسر السخان من 30 الي 28
وده ممكن يخلي الاصابة بالمرض تتجدد
3 - عندي زرع في الحوض مزروع في الإصص البلاستيك اللي بيتباع فيها حطيطله في الاسفنج بتاعه سماد مكون من البوتاسيوم والنيتروجين الكامل والفوسفور هل المركبات دي لها تأثير على الاسماك علما بان الموضوع ده من حوالي اسبوع
4 - دواء النقط البيضا بيقتل البكتيريا النافعة فى الحوض ولا لأ
5 - اخر حاجه سمكة الكوي دايما واخده جنب كده مش بتتحرك في كل الحوض
اعتذر على الاطاله بس انا بدأ يجيلي احباط وعايزكم تلحقوني