مبتدئه في تربية الكلاب

[Mahomie]

السلام عليكم ورحمه الله وبركاته

ادخل في الموضوع على طول... انا عاشقة حيوانات وبقوه ربيت كلاب كثثيير وانا صغيره بس ما كنت ابحث واقرأ عنهم ابدا

يعني انا احط لهم من الغداء حقنا على جمب واعطيهم المهم اني لي فتره اكثر من سبع سنين ما ربيت اي كلابه
لان اكتشفتا انه حرام بالبيت والخ.. فاتعمقت بالقطط وبديت اربيهم واقراء عنهم الا ان طلع مرض الكورونا واهلي شالو القطط وباعوها المهم اني حاليا ابني استراحه وناويه بأذن الله احط فيها كلب واذا شفت ان صحته حلوه وربيته كويس وضمنت اني اعرف له بشتري ثاني بأذن الله

انا عندي اسأله كثييير بتعبكم معي اسفه
بس ما ودي اجيب كلب وانا ما اعرف له

طيب ببدأ بالاسأله ؛

1- قريت كثير ان صفار البيض كويس للكلابه ، طيب لازم اطبخ الصفار ولا اعطيه الكلب نيء ؟ واذا نيء كيف اعطيه ؟ احطه مع اكله او مع المويه ولا اعطيه الصفار لوحده وهو بيأكله؟

2- بما اني بحط الكلب بأستراحه لازم اجيب له ليتربوكس ولا عادي ادربه يعملها بأي تراب بالاستراحه؟

3- انا ابي كلب يكون حبوب ولعوب بس بنفس الوقت يحرس بس ما ابيه شرس ؟ حست رأسكم ادري ههه يعني ابيه يلعب معي و اقدر المسه وامشيه وكذا بس ابيه يحرس الاستراحه وانا مو وجوده ؟ بأي نوع من الكلابه تنصحوني ؟ انا مرره احب الجيرمن ونفسي بواحد بس احسه مو حق لعب ودلع ؟ ايش رأيكم ؟ وابي طرق تدريب على الاشياء اللي قلتها ؟

4- انا ماراح اكون بالاستراحه كل يوم بصير يوم اروح ويوم لا فا هل ينفع اني اسوي كميه اكل كبيره واحطها بالفريزر والعامل كل يوم يطلع كميه على قده و يحميها ويعطيه ؟ وايش الاكلات اللي ينفع تنحفظ لفتره طويله ؟ لو عندكم وصفات يكون احسن

5- مثل ما قلت ما راح اكون بالاستراحه كل يوم ، انا افكر اجيب جرو عمره ما بين ال4 الى 6 شهور عشان يكون لسى ما تدرب وادربه بنفسي ووعشان برضو يقدر يستحمل انه يقعد وحيد بعض الايام ، هل العمر اللي اخترته صحيح او لا؟ واذا لا فما هو العمر المناسب ؟

6- انا بحط حيوانات ثانيه مثل البط والدجاج بالاستراحه فما اقدر اخليه يمشي على كيفه طول الوقت هل ينفع اني اربطه بليش بس يكون طويل ؟ واخلي العامل يفك الكلب ساعتين يوميا يلعب ويدخل الحيوانات الثانيه؟ واذا ما ينفع فمالحل ؟

7- انا اعرف ان زيت كبد الحوت زين للقطط و اعرف فوائده للقطط والخ... هل له نفس النتيجه اذا اعطيته للكلب ؟

8- انا اعرف ان الدراي فود مو زين للقطط ويسبب تساقط شعر اذا اكثرت منه وهو مكمل غذائي لا اكثر ، هل هو نفس الشيء بالنسبه للكلاب ولا لا ؟ اتوقع اني بصير اجيب دراي فود واعطيه الكلب كتريتمنت اذا اطاعني وبرضو يصير مكمل غذائي ، هل الطريقه هذي صحيحه ؟

9- المعلبات برضو بالنسبه للقطط مو كويسه بس مو مضره بنفس الوقت تعتبر وجبه كامله لكن الاكثار منها مضر ، هل هو نفس الشيء بالنسبه للكلاب ولا لا ؟ واذا لا فاتمنى تشرحون لي


فضلاً وليش امرا انكم تحطون رقم السؤال جمب الجواب تبعه عشان ما يصير حوسه

شكرا مره واسفه اني تعبتكم معاي