كاسكو .. ارجوا المساعدة . مرفق صورة

[tamer shawky]

السلام عليكم جميعا .. الرجاء المساعدة فى الاتى ...
عندى كاسكو عمرة سنة - تقريبا - و هو عندى من ٦ شهور .. الحال تمام معاه فى التعامل . و لكن مشكلتى الجديدة هى فى الاكل .. الطير عندى عودتة بعض طول وقت على اكل الحبوب المنقوعة او المغلية( فول + ترمس + فاصولية + حمص ) كل يوم الصبح حتى الساعة ٣ او ٤ عصرا - حبوب مغلية . و بعدين اقدم حب الشمسي. و خلال اليوم بقدم لو الجوز ( عين الجمل ) و كذلك الفصوليا الخضراء و الفول الاخضر ( الخضراوات و الجوز بكمية قليلة من يدى )
مهتم بغسيل طبق الماء .
المهم انة من يومين اصبحت وجبتة قليلة جدا . الحبوب المغلية او المنقوعة لا ياكلها. و الحب الشمسي كمان ( ممكن ياكل ١٠ حبيات فقط ) و مهتم اكتر و منتظر الخضراوات و الجوز ( مكسرات عين الجمل ) .. الطير نشيط و بيلعب و بيحاول يتكلم. و لكن كمية أكلة مش كويسة . و اشعر ان جسمة بدا فى النحافة .
مخلفات الطير طبيعية. و لكن اليوم شكل مخلفات الطير تختلف قليلا . فعند اخراجة اليوم قام بعمل حمام على شكل سائل ابيض لزج( لونة ابيض و ليس مثل لون الماء ) وكذلك مخلفات بالون الطبيعي.
فانا عاوز اعرف ايه المشكلة ؟ ليه اكلة بقى قليل جدا ؟ و هل شكل المخلفات البيضاء بتدل على مشكلة معينة ؟ ما العمل لجعل الطير ياكل كويس مرة اخرى ؟

سؤال اخر ... انا طول فترتى مع الطير عمرى ما عطيت فيتامينات او املاح ( مكملات غذائية ) فهل الافضل و من الضرورى اعطاءة ؟
و لو الاجابة نعم .. فممكن اسم مثل هذة الفيتامينات و الاملاح على ان تكون ادوية بشرية لان لا يوجد ادوية بيطرية فى المدينى الى انا مقيم فيها .

مع ذكر الاسماء البيطرية كمان و انا ححاول شرائها من مدينة اخرى .

مع ذكر الجرعات من فضلكم و مدة القورص .

بارك الله فيكم جميعا و اسف على الاطالة .





ا