الخوف

[salam96]

السلام عليكم
هلا , الموضوع مرتبط مع الموضوع توني .. (يرجى التأكد من اخر مواضيعي )

انا عندي كلب ((توني)) صار اقل ال40 يوم جايبه من الشارع و هو اليوم مهدد ان يقتل او ينكط بالشارع من جديد و هو ممكن اعز الكلاب على قلبي الان و المشكلة انا جايبه بحجة انه يحرس البيت من البشر مب الجلاب و هو يسوي العكس طبعا ... و الحين تقولون لي جيك اخر المواضيع او سوي بحث و انا اعرف و متاكد في كلام عن الموضوع بس انا ذي الايام عندي أسباب منها اقتراب الامتحانات الشهريه و عدم دحولي الكثيير للنت و ايضا بطئه و الاهل يبون يكطونه الاسبوع الجاي (( اللي هو بداية الامتحانات )) فما عندي وقت غير ذا اليوم و باجر ... و انا ما ابي ابرر روحي نتكلم عن القصة :
انا اول ما جبته لاحظت خوفه بس اللي زاد من ذا الخوف ولد الجيران ما يكدر يعدي عصريه الا يطك الجلب 5 صوندات و الامس ضربه بالمنطقة الحساسة و رجعه يدمي و حاولت احبس الجلب بربطه ((ما عندنا سياج كالمعروف)) فرجع الكلب جيراننا و طكاه و هو مشدودو و ما كدر يشرد هاذي المرة و انكسرت رجله كيف الحل و ذا جيراننا صديقي و بنفس صفي و دووم ندرس مع بض و اذا تبون الصج نفسيته نفسية قاتل و حتى حضر الرشاشة يقتله بس قال يبي يتمتع بقتله قبل الامتحانات يا أخوان الخطر محدق من كل الجوانب ما اعرف شو اسوي حاولت اخليه يهجم على الجيران من يجي يدرس معاي بس بدل لا يهجم شرد لأخر الشارع العام ,, ساعدوني. لا تبخلون و اتمنى اللي عنده ملاحظات سوي بحث و ما ادري شو يترك الموضوع .

اخوكم,
عبدالسلام