اشترك في نشرتنا البريدية ليصلك كل جديد

iCare · 10-08-2009, 06:19 PM

السلام عليكم

عندي ذكر كوكتيل/كروان عمره حول العشر سنوات .... و تقريباً له 8 سنوات من آخر انثى شافها بحياته ... " تقريباً 9 سنوات قضاها معي "
قبل 3 أسابيع اشتريت له انثى و وضعتها داخل قفصه , و خليته هو خارج القفص ... " أليف " .... في اول يوم كانت الانثى تلحق الذكر وين ما يروح تروح باتجاهه .... فلما يطلع فوق القفص تحاول تطلع هي لأ على نقطة تقدر توصل لها داخل القفص ... و لما ينزل هو تنزل هي لقاع القفص و تجي تجاهه , في البداية كان خايف من الانثى و يحاول يهرب منها .... و في الاسبوع الاول لاحظت انه تأقلم مع الوضع و صار ينزل للأنثى يظلون جنب بعض من على جانبي القفص ... و خاصة وقت نومهم .... في الاسبوع الثاني وضعت الزوج في قفص اكبر بحكم انهم متوالفين .... لكن ما أشوف أي علامة على التوالف ... أغلب الوقت اشوف كل واحد بجهة ... و بعض الأوقات اشوفهم واقفين جنب بعض .. لكن ما في اي تفاعل بين الاثنين أبداً ... يعني ولا مرة شفتهم يحكون بعض على عكس الزوج الثاني اللي عندي ... و ايضا ما شفتهم يتقاتلون مع بعض ...

شريت الانثى بغرض التفريخ , فهل من الممكن ان تفرخ مع ذكر ابو 10 سنوات ؟ مع العلم ان العمر للكوكتيل يوصل لـ 25 سنة او اكثر حتى ....... فما أعتقد ان الذكر شيب و وقف انتاجه ...
فهل هناك نصائح او توجيهات لإنجاح عملية التزاوج ؟ او استبدل الذكر بذكر ثاني ؟

الذكر بصحة ممتازة و ما فيه اي عيب ظاهر , فأنتظر توجيهات الخبراء ...

تحية