شريت .. كاسكو من اسبوعين .. ارجو المساعدة !.! .<< يوجد صور

[turky2010]

السلام عليكم ورحمة الله وبركاته
.
.
مساكم / صبحكم الله بالخير جميعا
...

انا عضو جديد في منتداكم اللي مسجل فيه من قبل ما اشتري ببغائي الجديد..
واللي خلاني اكون احد اعضاء المنتدى هو :
أعضاءة ومشرفيه المحترمين والمهتمين .. الله يعطيهم العافية ولا يهون الأعضاء كافة

..
ما ابي اطول عليكم وراح ادخل في صلب الموضوع:

انا اشتريت كاسكو افريقي محجل من اسبوعين تقريبا !.
الطير ماشاء الله عليه اليف لكن باقي فيه خوف بسيط .. طبعا عمره مايزيد عن 8 اشهر
واللي خلاني اطرح موضوعي هذا .. عدة اسباب .
منها:

ان رجله اليمين الللي فيها الحجل تقريبا خاليه من الريش.. وبقعه صغيره في صدرة..
وصراحه عجزت اعرف السبب ..
وديته لطبيب بيطري وقال يحتاج فيتامين وصرف لي واحد 3 مرات باليوم لمدة اسبوع ( مع الماء )
هذا هو
.
.



لكن عدى الأسبوع و لحد الأن ماشفت اي تحسن ..
وهذة صورتين له ..
.
.



( وللمعلومية الطير ماينتف ريشة ) ..
..





...................... هذا شي ..........
... الشي الثاني :
حاولت معاه بشتى الطرق اني احك راسة لكن مرة رافض ويتهرب مني ...
....... هذه المشاكل اللي صارة لي معاه
وآسف ع الإطاله .. لكن عندي كم سؤال حلوين ..<< تراك زودتها يابو الشباب .

1: متى وقت تغيير الريش اللي سمعت عنه ..
2: كم مرة اقدر اروشه علما بأني ما روشته إلا مرة وحده وبالقوة لأنه خايف جدا << طبعا بالرش لأن الجو بارد
3: هل اقدر اشيل الحجل لأني حاس انه مضايقة كم مرة اشوفه يعضض فيه .

............

اتمنى الإفادة من اصحاب الخبرة .. ولكم مني جزيل الشكر ..
اخوكم ( تركي) .. <<> آسف جدا ع الإطاله

[الكاكي]

هذا الرابط يفيدك

http://www.2zoo.com/vb/showthread.ph...D3%C7%D3%ED%E5

[turky2010]

يعطيك العافية اخوي الكاكي ..
اشكرك لأهتمامك

لكن انا ودي اعرف هل هي حساسيه .. ؟
لأنو لون الجلد زي ماشفت عادي ..
..
وياريت القى اجابات لباقي الأسئلة..

[الكاكي]

انا اشوف انها حساسيه
الاستحمام3 مرات بالاسبوع بالصيف
يكتفى بالرش بالشتاء
والبعد عن التيارات البارده انتبه
نتف الزغب طبيعي
اما الحجل اذا ماعندك نية بيع ما فيه مشكلة بشيلته
المسح على الرأس والصعود على اليد ( ترويض )
هذا رابط

http://www.2zoo.com/vb/showthread.php?t=100354

[turky2010]

يعطيك العافية اخوي الكاكي ..
ما قصرت يابعدي

مشكور على المرور ..

[بووسلطان]

اخوي افيد ك بحاجة الله يجزاك خير واضح ان الحجل مركب والدليل انه طيرك يخاف والمحجل اصلا كله اليف فكيف طيرك يخاف منك واذا كان طيرك يجعر فهذا مية بالمية الحجل مركب لان المحجل مايجعر الا اذا خاف من شئ وحاجة ثانية الحجل ضيق جدا على رجل طيرك ياليت تنتبه لطيرك هذا اللي واضح لي بالصورة وبالنسبة للريش لاتقطع عنه الفيتامينات احرص انك تحط له فيتامينات كل يوم لمدة ثلاث شهور على الاقل وسبح الطير كل ثلاثة ايام تقريبا بالاسبوع

[بووسلطان]

اذا عندك صور اوضح للحجل لانه كانه ضيق على طيرك

[turky2010]

حياك اخوي بوو سلطان ..

الحجل انا اشووف انه عادي .. لكن ان شاء الله اصورة بوضوح شوي وانزلها بالموضوع ..

شاكر لإهتمامك ..

يتبع...

[turky2010]

آسف ع التأخير .. اخوي بوو سلطان..
هذه الصور .
.
.







وان شاء الله تكون الصور واضحه . .
وياريت توضح لي سالفة الحجل المركب . لأنها شاغلتني شوي

انتظر ردك.. ولا يهون الأخوان

[مشاعل الكويت]

انا عن رايي الشخصي .... المتواضع

ما اعتقد حساسيه

لو حساسيه كان اكلت جسمه كله

لكن هذا الطير عنده مكانين بس

روح حق الطبيب وقوله ما فاد معاي العلاج

وخله يفحص برازه ( اجلكم الله ) ويفحص معدته