تعليم الببغاء الكلام في اقل من اسبوع ؟!!!

[السوسي]

ايش الاخبار

[almer]

الظاهر ان الطريقة فشلت

لكن بقولكم سالفة
هذا واحد اعرفه يسولف لى عن تجربته يقول:
ما خليت شريط مسجل ولا جهاز تصفير او جهاز تشغيل ام بى ثرى بالسوق ما اشتريته
قعدت ويا الطير كذا شهر وانا اردد عليه كلمة كاسكو ابى بس ينطقها وما ابى شى من الدنيا
حتى اذا صار دوامى اوصى اخوى يكمل عنى ويجابل الطير ...يقول صرنا نداوم شفتات على الطير اتوقع ان تكرار كلمة كاسكو جدام الطير وصل للمليون وهذا اقل توقع لووووول
المهم فشل والطير طلع اطرم وصاحبنا ترك الطير بالبيت يحطله اكل وماى ومخليه ولا عاد يهتم فيه
ولولا العشرة والعيش والملح كان باعه بارخص الاثمان اخوانه الصغار طلبوه خله لاتبيعه وحتى امه قالت له لاتبيعه خلاص تعودنا عليه مع انها بالبداية كانت ضد تواجد الطير بالبيت ..

ترك الطير وصار يدور طير يتكلم جاهز وكانت الاسعار غالية وقتها كان انفلونزا الطيور ومالقا شى سعره معقول ترك الموضوع كله واهمل الطير مثل ما قلت لكم اللهم اكل وماى والتنظيف يمكن كل عشر ايام مره وحتى الاكل يقول ساعات انسى الطير 24 ساعه بدون اكل .. طلع من خاطره الطير

وفجأه
وبدون مقدمات
وبعد مرور اكثر من 6 شهور على تواجد الطير بالبيت
يقول كنت قاعد بالصاله ولا اسمع اختى الصغيره تنادى امى
ألتفت يمين يسار وشفت اختى من خلال الزجاج بالحوش تلعب
اشوفها بالحوش والصوت جاى من الصاله اللى بالدور الثانى شلون جذى !!!
صعدت على طول فوق للصاله الثانية ولقيت الطير اهو اللى ينادى
ويقلد صوت اختى الصغيره ويقول تصدق للحين ما قال كلمة كاسكو
وهذى سالفته مع الطير وكيفية نطقه لاول كلمة وصار اسم الطير مومو
لانه اول كلمة قالها ماما فصار اسمه مومو لوووول

القصه انتهت

فى صديق اشترى كاسكو ومتعلم يقول كلمة وحده (يالصعيدى)
وكل ما شاف صاحبنا قاله يالصعيدى بالبداية مستانس على الطير
وكل ما قال الكلمة يضحكون ويستانسون لكن الحين صديقنا متضايق
يقول صارت معيارتى بالبيت الصعيدى لووووووووووووووووووول
شلون اخلى الطير ينسى هالكلمه ؟؟!!!! شلووووووون
اللى يعرف يعطينا فكره خل انقلها للصعيدى لوووووووووووووووووووووووووووول