عايز طريقه اكل لكلب عمره شهر

[Musab Pro]

مبرروووك اخوي مسي يتربى في عزك يالغالي .

انا باعطيك الزبدة باذن الله بس ركز معاي شوي .

في سن شهر المفروض ان الكلب يرضع من امه و يبدأ ياكل شوي .. يحتاج كميه كبيره

من الفيتامينات والكالسيوم الاشياء اللي موجوده فقط في حليب الام .

اعطه ٣ او ٤ وجبات اقل شي لان هذي مرحله تأسيسيه مهمه يا غالينا .

الجدول الغذائي كالتالي :


الصباح :
دراي فوود للجراء من سن بوبيز الى عشر اشهر او ١٥ .. يخلط مع حليب قليل الدسم دافئ .

فوائده : حجم الحبه صغير وفيه نسبة رطوبة تجعله سهل الاكل والهضم ..

فيه كمية البروتينات المطلوبه في هالسن وهي كمية مدروسه من قبل خبراء .

فيه كمية سعرات حراريه ممتازه تجعل الجرو نشيط في الصباح وجاهز للتدريب واللعب .

هذي صوره له



الوجبه الثانيه :

ممكن تكون اي من الاطعمه هذي .. رز ، لحم ، دجاج قطع صغيره بدون عضم ، كبده ، مكرونه ، نقانق

بيض مطبوخ ، خضار .

طبعا كلها تكون مطبوخه جيدا وعليك بالخلط .. مثلا خضار وقطع دجاج .

رز وقطع لحم .. بيض و قطع نقانق

الوجبه الثالثه : دراي فوود و حليب مثل الوجبه الاولى .

انشالله ان هذا الجدول الغذائي يكون اقتصادي ومفيد جدا وباذن الله راح تلاحظ العافيه على جروك

نصيحتي لك اخي الكريم الاهتمام بالجرو .. تأمين بيت نضيف وامن ودافئ

قضاء وقت معه لزيادة العلاقه واللعب معه بالكره لزيادة التركيز ولا تتركه وحيد في هذا السن .

خذ الجرو لبيطري ليفحصه وضع مع البيطري خطه للتطعيمات وحبوب الديدان والتزم بها .

اتمنى اني وفقت في توصيل المعلومه

تقبل تحياتي