ارجو عدم الاستهانه بموضوعي .. للاهميه

[شاكر ناصر]

السلام عليكم ورحمة الله وبركاته

اخواني الافاضل

كل عام وانتم بخير

اخواني انا عندي استفسار هام وبسيط جداً

اشتريت طير هولندي طبعاً من اللي تنتج بالمزارع وهو فرخ واليف جداً

بس من افتح القفص يطلع ويجيني ويجلس يعضعض الموكيت والمساند وملابسي

ويحاول يدخل في الاركان كانه حاس في برد ويوم اجي اشيله مايرضى

ارجو الافاده هل هالعاده شي طبيعي والا يعاني من شي

[الفيصل22]

اتوقع مستغرب المكان مثل ما صار معاي

اخوي انا نفس حالتك وتوني شاري لي طير

وكنت اشوفه يطلع على الايد عند راعيه ولا يعض مجرد انه يلعب مع اصابع اليد

لكن لما جبته كأنه تغير

اليوم اعلنت التحدي معاه

جبت عصا وقربته من رجوله وقام يعضها واقوله (عيب) واذا تركها اقوله ( فوق ) بتكرار

لحد ماطلع فوق العصا بعدها خليت يدي فوق مستوى العصا يعني اعلى منها درجة وقلت له فوق وتردد ثم طلع على ايدي ثم حطيت ايدي الثانية وقلت له فوق وطلع وقمت ابدل له الايادي ويطلع معاها

جيت بمسح على ظهره وراسه وانا اردد (راسك) وفتح فمه ثم قلت له (عيب) بتكرار ثم نزل لي راسه وتجاوب معاي

بعدها نزلته فوق القفص وعطيته يدي وقلت له فوق لكن رفض وكررت عملية العصاء تقريبا 3 مرات

بعدها طلبت منه يطلع من القفص مباشرة الى يدي واستجاب وقلت له راسك وعلى طول تجاوب معي

قلت بجرب انزله فوق القفص واطلب منه امسح عليه

والله الذي لا الله غيره وسبحان اللي خلق له العقل مجرد ما قلت له راسك جاني ونزل جسمه لي ومسحت عليه وانا مو مصدق اللي يصير قدامي بعدها قلت له فوق وعلى طول رفع رجله

نزلته على السجاد في الصالة واتجه بسرعة الى اهلي رحت قدامه بس مو اماه مباشرة لا على جنبه وانادي عليه تعال وفوق لحد ماغير اتجاهه لمي وطلع على ايدي وحسيت اني فعلا انجزت معاه شي

دخلته القفص وناديت عليه وقلت له راسك ورفض ووريته فول لكن رفضت اعطيه وكررت راسك وقرب لي راسه وبعد ما مسحت عليه رفع راسه ينتظر الفول السوداني

وانا برا القفص دخلت ايدي عند المويه وقريبه منه وقلت له فوق وتجاوب

قبل ادخل موضوعك بدقايق معدودة دخلت غرفتي وجبت الطير معاي علشان البرد لكن جته حاله جنونية لما دخل الغرفة الى درجة انه نزل راسه وسط عشاه وقام يحرث برجوله كأنه اضراب وزعل

جيته وقلت له عيب بتكرار وعطيته حبة فول سوداني وابعدت عنه رايح للكمبيوتر وانا انادي باسمه واقول عيب وشافني اني معاه في الغرفة ثم عقل وجلس يلعب في العابه

المقصود من كلامي

والله مالي في الطيور لكن اتصلت على واحد مختص في تدريب وترويض الطيور واعطاني حلول وجربت هالحل ونجحت ولله الحمد وهو انك اذا سوا شي غلط لا تحاول تصحح خطاه وانت ساكت

صحح خطاه وانت تردد عيب واذا سوى شي صح قوله شاطر واذا عندك احد خله يصفق له وامسح عليه صدقني راح يعرف ان هذا غلط وهذا صح

الاعضاء افهم مني واخبر لكن تكلمت بحكمي شاري الطير يوم الخميس الماضي يعني له ثلاث ايام والحمدلله قدرت اسيطر على عناده معاي

[أبو حلا]

هذا الطير يبغى يلعب وانت معطيه حريته مع نفسه عشان كذا يعض عض بكل شي

وبنفس الوقت يحاول يعضك عشانه خايف منك لونه فرخ صغير عطه يدك وخله يعض فيها مره وبعدها بيعرف انك ماراح تأذيه هذا لو كان فرخ الي عضته تجي بسيطه

اما لو كبير لا تطلعه من القفص العب معه من برا الشبك الين ما يحس منك بالامان

وان شالله اني اصبت

[شاكر ناصر]

جزاكم الله خير

[fawzi]

المشاركة الأصلية كتبت بواسطة شاكر ناصر

السلام عليكم ورحمة الله وبركاته

اخواني الافاضل

كل عام وانتم بخير

اخواني انا عندي استفسار هام وبسيط جداً

اشتريت طير هولندي طبعاً من اللي تنتج بالمزارع وهو فرخ واليف جداً

بس من افتح القفص يطلع ويجيني ويجلس يعضعض الموكيت والمساند وملابسي

ويحاول يدخل في الاركان كانه حاس في برد ويوم اجي اشيله مايرضى

ارجو الافاده هل هالعاده شي طبيعي والا يعاني من شي

اخوي الوضع طبيعي والطير لانه جديد على المكان ويحتاج صبر وطوله بال برضو يحتاج وقت كي يتعود على المكان

[medozoom]

هذا اخوي والله اعلم بحكم انه فرخ يبغى يلعب ويبغى يتحرك ويلعب بمنقاره وفر له العاب يلعب فيها وبالنسبه لطلوع اليد ادخل انته وياه مكان في البيت يكون سيراميك او رخام واحكره بالزاويه بس بدون تخويف وقوله اطلع ولما يطلع قوله شاطر شاطر ونزله وكررها وابتسم ترى الطيور تفهم

والله يبارك لك فيه

والله الله في التدفئه

تحياتي

[شاكر ناصر]

مشكور اخوي medozoom

على هالتشريف وهالنصاااائح الطيبه