استفسار عن بعض مايقوم في كاسكو

[موسيقى]

السلام عليكم ورحمة الله وبركاته

طبعآ مايخفى عليكم الأمر انا ماعمري ربيت كاسكو ولكن تعاملت معه بصغري

انا قبل اربع ايام شريت لي كاسكو عمره بين 9-10 شهور

وقبل اشتريه اللهم لك الحمد خذت نظره كامله معلومات مفيده بنسبه للمبتدئين من هذا منتدى
وهذا سبب الي خلاني اشترك بالمنتدى هذا <تحيه طيبه مني للمنتدى وللمشتركين
وخاصتآ اصحاب الخبراء

موضوعي هو استفسار فقط لا اكثر واتمنى من خبراء يبهروني بالاجابه بمثل مابهروني قبل اشتري كاسكو بالمعلومات مفيده

الي عندي هادء مره ولكنه خواف كثير جعره من شريته ماجعر الا مره وخفيفه كمان
طبعآ من شريته حدي اغير له اكل وماي باليوم مرتين الى ثلاث مرات
هدفي ياخذ علي ويحس بالاطمئنان< بحكم تجربه بصغري طبعآ

من اليوم هذا بديت امسح ع راسه بكل هدوء <باقي عليه في شوي خوف
واعطيه اكل من يدي بس يرمي الاكل واحسه انو وده يعض أصابعي لاجاء ياخذ الحبوب
ويفداكم الكذب فيني خوف شوي

الي ابي من خبراء بالافاده بحكم اني ماعرف للكواسكو
دوم يقرص بمنقاره هل هذا طبيعي او لا
وهادء مره يعني مافي حركه زايده هل هذي طبيعيه او لا
وللاسف من شريته بخلال الاربع ايام ماله صوت ابد إالأ اليوم وانا احاول امسح براسه أصوات خفيفه فقط

بالمناسبه طير شاريه من محل طيور يعني كانو بمحكر كبير وفي مجموعه من كواسكو

والاستفسار ثاني من الاخوان الاعزاء
طبعآ وللمعلوميه للخبراء شقتي تخلى من بزارين
والحركه فيها مره خفيفه وهادئه
هل يحتاج بالوضع حالي اني احطه بمكان في حركه دائمه
وعندي بلبول تربيه هل ينصح اني احط اقفاصهم بنفس الغرفه او لا؟؟

أو وش وتنصحوني ي أصحاب الخبره
ولكم مني جزيل الشكر والتقدير

[j7roob]

اولا مبروك عليك الطير والله يخليه لك

بالنسبه للهدوء والخوف وعدم اصدار اصوات هذا الامر عادي جداً لان الطير توه جديد ولازم ياخذ على البيت واهله وان شاء الله خلال اسبوع او عشره ايام راح تسمع اللي يسرك

انصحك يكون الطير وخاصة الفتره هذي بالمكان اللي تتواجون فيه بكثره

بالنسبه للبلبول عادي تخليهم بغرفه وحده بس اهم شي تأكدي من صحة الطيور عشان ماتنتقل العدوى لا قدر الله

اتمنى اكون افدتك واتمنى يشاركون الاخوان باللي عندهم

دمتم بخير

[j7roob]

بالنسبه لحركة المنقار اشوف انها عاديه ومافيها مشكله بالعكس اشوف ان الطير اذا كان مرتاح يسوي الحركه هذي

[عشقي البلوفرنتد]

يسوي الحركه وقت النوم

يعني اذا كان بينام يحركها او مستعد للنوم

[موسيقى]

يسعد لي نهاركم واشكركم ع الافاده

الله يبارك فيك ويخليك ياقلبي وشاكرلك

نعم البلبول تربيه وبصحه ممتازه

واليوم احاول اعطيه تمر بس حسيته انو لاتذوق طعم يلفضها ببشاعه
برغم انو سمعت يحب شي طعمه تمري

اتمنى من الاخوا يفدوني شو افضل انواع الاكل المميز للكاسكو..؟؟

[alsindrella]

مبروك عليك الطير اولا
و بالنسبه لسؤالك عن وضع البلبل معه فى نفس الغرفه
انا سويتها لكن اصبح الطير مرتبط بالبلابل حدى و لا يطيق فراقها و لا يبغانى يبغاهم فقط
و اصبح يقلد اصواتهم و لا يتكلم الا كلمه ألو
فلا انصحك بها الشىء
و الخبراء يفيدونك اكتر لكن هذه تجربتى الشخصيه
تحياتى لك

[بلاك بيري]

ماشاءالله ما قصروا اخواني والف مبروك عليك اخوي

[j7roob]

اخوي
انصحك بقراءة المواضيع في القسم لانها جداً مفيده واغلبها عن تجارب

[موسيقى]

الله يبارك فيك ويخليكم
يا ALSINDRELLA وخوي بلاك بيري
ايوا نعم المثل يقول اسئل مجرب ولا تسئل طبيب عشان كذا
طرحت الاستشاره هنا

راح ابعد بلبول عن كاسكو

وبالعكس الكاسكو الي عندي مره هادئ
بس في خوف هذي مشكلته

وماني عارف كيف اخليه جريئ
وشي ثاني مو راضي ياخذ حبوب من يدي حتى لو جوعته شوي
مهما اعطيته حبوب من يدي يرميها

اما بخصوص العض الحمدلله علمته لمى اقوله عيب يوقف ويرفع راسه
الان احط له يدي حدا بس يعضض فيها بخفيف ولمى اقوله عيب
يوخر دغري

بس احب من اصحاب التجربه او الخبره
يفدوني بالطرق الي تخليه جريئ

ولكم مني جزيل الشكر والتقدير ع مروركم

[بلاك بيري]

نصيحتي خلي طيرك على الاستاند فتره بتزيد جرائته وخليه بمكان عام