بليز احد يفيدني ؟؟؟؟؟؟؟؟؟

[arnob]

السلام عليكم ورحمة الله وبركاته ..

امس نزلت موضوع ان كلبي كسول وفيه سهال ولا يلعب
المهم اني على طول وديته البيطري طلعت حرارته مرتفعه واعطاه ابره حقت الحراره وحق التهاب وشي بالفم حق السهال .. المهم قالي البيطري ترا الكلب مو مطعم قلت الا الي اشتريته منه قالي مطعم انتبهي تطعمينه قال ايه هو مايدري لانه شاحنه من الاردن مدري مصر ويقلون له مطعم حتا شوفي بطاقة التطعيم حقته معطينه ابره حقت 3 شهور وهو لسا شهرين يعني لو معطينه الابره هاذي الكلب صار فيه شي وغير كذا كاتبين لونه اسود وابيض وهو اساسا بني وابيض قلت انا هو قالي ان بس اللون غلطانين فيه والجنس حاطين ذكر وهو اساسا انثى . قال البيطري خلاص جيبيه بعد مايشفى يومين كذا نطعمه حق الخماسي التعطيم الاول لان واضح وصدقيني مو مطعم ابد قلت انا طيب لو انه مطعم صدق وطعمناه مره ثانيه اخاف يموت قال لا مايأثر !!

هاه وش رايكم ؟؟

[الهولي]

وعليكم السلام ورحمة الله وبركاته
دايم الجراء تقع في مشكلة التطعيمات
والتأخير عنها هو احد الاسباب الرئسية لأصابته بالمرض البارفو
حتى في بعض الاحيان يكون الجرو مطعم لكن صابه المرض
لان التخزين لتطعيمات كان فاشل
تقدر تطعم الجرو حتى لو كان مطعم قبل ايام مافي مشكلة
اهم شي يتأكد البيطري ان مافي اعراض البارفو
لان اذا كان في اعراض المرض وأخذ التطعيم
راح يصاب بالمرض نفس

[arnob]

الحين الكلبه صارت انشط من امس بس تحب تنام عشاني ما العب مععها كثير ؟
وبعدين فجئه بعد الاكل احس بطنها زي الي يتحرك كذا يروح فوق وتحت كانها نبضه قويه وبعد شوي لقيتها مستفرغه نفس الاكل حتا مو مهضوم ومعه شي ابيض ؟؟؟؟؟؟؟ وش فيها؟ ((

[arnob]

احد يرسلي رقم بيطري كويس في الرياض ع الخاص بليييز

[arnob]

وديتها البيطري قال انها ماكله شي مو كويس عشان كذا استفرغت دام الاسهال وانتو بكرامه بدا يوقف
بس الحين بعد ما اخدت الابر حق الاستفراغ وخافض الحراره وشي للامعاء رجعت البيت ماتبي تاكل شربت مويا واستفرغته وبعدين شربت مره ثانيه طلع الاستفراغ بني كذا فيه بلغم شوي ولا كلت يمكن من الساعه 11 الظهر اخاف تمووت ؟؟والحين الحمدلله حراراتها انخفضت من 39 ل37 بس اخاف انها انخفضت عشانها ما تاكل ولا عادي ؟؟
وغير كذا بس نايييمه وكانت تنسدح ولحين زي الي تتكور وتنام
بلييز احد يقولي وش اسووووووووووووووووووووووووووووووووووووووووووووووووووووووووووووووووي