اشترك في نشرتنا البريدية ليصلك كل جديد

MR.coOol · 28-06-2007, 10:57 AM

هلا شخباركم حبيت اقولكم ذكرياتي الحلوه مع القطط وانا عايش في البحرين..

في يوم من الايام حصلت على قط سياااااامي 100 % وكان ذكر وحصلته هديه ..

المهم في يوم من الايام تحت الامطار الغزيرة والجو البارد

شفت قطه شيرازية رووووعه وكانت بروحها في البرد وفي المطر وكانت حامل خذيتها وديتها البيت وفي نفس اليوم ولدت ههههههه وكان زوجها الله العالم مادري ايش نوعه ..

المهم جابت اطفال يهبلون واطفال كبرو وانا وزعتهم على ربعي وبعضهم بعتهم ..

واحين تم عندي القط السيامي الرائع لون الكابتشينو الي يغطي ويها لون الجوكليت الرائع ويغطي ايضا اطراف ريوله لون الجوكليت وباقي جسمه لون الكابتشينو ..

تزوج القط السيامي بالشيرازية ..

وبعدين الشرازية جابت اربع اطفال منه ..

كانووو يهبلون ثنينه طلعو على ابوهم سيامي نفس اللون بالضبط جوكليت على كابتشينو بس عندهم ريش على امهم يهبلووون ..

وثالث طلع لونه ذهبي على برتقالي اللون الناسع وذو الريش الكثيف روووعه ..
ورابع طلع على الام ريشه كان في غايه روعه ريشه رصاصي فاتح على غامق مثل لون الفرو ..

المهم العيال كبرووو وصارو ياكلون كثير وكل يوم ابدلهم لهم كمية من الرمل كمية كبيرة لان مايعوق الرمل ويتلعوز .. وياكلون وااااايد.. صار عمرهم تقريبا 4 شهور ..

المهم جات امي كل يوم تحن على راسي تقولي طلعهم طلعهم طلعهم ..

بعدين عرضتهم للبيع ..

تخيلووو شروو الذهبيه والرصاصيه

وكل من يجوف الي لونه مثل القط السيامي كابتشينو على جوكليت يقولون لي ذي مو حلو يخوف لون وجه غامق .. ومحد شراهم ..

مايعرفون معنى سيامي ... وخصوصا اهني في البحرين .. مايدرون السيامي اغلى نوع من القطط ..

تدرون شسويت فيهم وزعتهم بلاش الثنينة الي بقو على ربعي .. كان عندي (( كنز واهديه كنزي ببلاش ))
وطبعا الام شيرازية هربت وتم عندي ابوهم سيامي كان حزين وكله يمي ينام وكان عجيب عمري ماشتكيت منه شي .. وكله يمي 24 ساعه ..

في يوم من الايام رديت البيت اجوف القط الي ابوهم محد اقول حق امي

وين القط

تقولي عطيت اخوك يوديه حق رفيجه الي بالكويت يبيعه وانا عصبببببببت

تخيلوووو قصتي ماتقهر الواحد ..

بطت جبدي امي .. واحين انا ماقدر احصل قط مثل هالقط .. واسعارهم كله غاليه اذا برع البحرين ..

وهاذي قصتي الحزينه مع قطاوتي وانا متحسف على ضياع قطاوتي احين

Candy Man · 28-06-2007, 11:07 AM

ميرسي علمشاركة الحلوة
حبيت صحح شوية معلومات : )
1- السيامي مو اغلى نوع قطط بلعكس ...
وغريب
2- الشيرازي اذا تزوج سيامي سمعت انو اولادن بتطلع كتير بشعة متل القطط البلدية ... وبيطلع فيها اعاقات مرات ...
على كلن ميرسي على قصتك ...
الله يوفقك ويعوضك باحسن منن ...

الوحيدة · 28-06-2007, 11:23 AM

الله يعوضك بقط احسن واحلى وافضل واجمل وارهب وازين من قطك الي اخذه اخوك

غزل · 28-06-2007, 12:14 PM

صج صعبه لما الشخص يتعلق بحيوان معين وبعدين يتفاجئ أنه خلاص راح عنه

حتى لو جبت قطط ثانية ما بيكونون بنفس محبه هالقط

وبعدين بس عندي ملاحظة بسيطة لا تزعل مني اوكي القط عنده شعر مو ريش