سلسلة خبراتنا : اللعب

[SleepyMiracle]

مرحبا

بصراحة دمدم هذا خطير وعليه حركات

انا بسكوتي يموووت في شي اسمه رجولي (اقصد رجولي انا)
من لما يشوفني امش على طول يجي يركض وينط عليها ويعضض فيها (يازين عضاته)
وثاني شي يحبه هو الكيبورد .. والله ما اعرف اسوي شي في اللابتوب بسببه
يلعب على الكيبورد وينجن لما يسمع صوت طلع من الكيبورد
في شغلات هو سواها في كمبيوتري انا ما كنا عارفه اي زر اضغط علشان تستوي

وثالث شي يحبه هو بطاقة الدوام حقتي >>>> ادري تقولون وش هالاشياء الغريبة اللي متعلق فيها

بس لو تشوفونه شلون يلعب فيها لعب ودكم تشيلونه وتاكلونه من حلاته

لا ونسيت اقول لكم انه يحب لعبة الاستغماية
ينخش تحت السرير ويطلع لي نص راسه ويطالعني بنص عين
ولما انتبه له على طول يركض ركض دااااخل السرير
و احيانا يجي يركض وراي ولما الف فجأة تلقينه من زود الحماس انه يبي يهرب مني يوقف على رجلينه ويقفز لورا و انا ساعتها دوروني من الضحك

طبعا هذي حركات اسبوعين لأنه عندي من اسبوعين

وممكن تشوفون صورته في توقيعي