غلطت الشاطر بعشره (ياقهري)

[subaeiaa]

السلام عليكم ورحمة الله وبركاته ،،،

عندي جوز كوكتيل له معايه تقريباً شهرين وتمكنت والحمد لله من ترويضهم وتدريبهم وصاروا حلوين وحبوبين ومسلين .

وحبيت أمس اشتري أنثى كوكتيل جديده ورحت على محل الطيور ولقيت انثى عجبتني ونشبت في حلق البياع ونشفت ريقه لين باعها لي بـ 130ريال ، المهم اخذتها على البيت وجيت بطلعها من الكرتون واحطها في القفص (اخوكم نسي انها ماهي مدربه ومتعود على طيوره ومامسكها زين) وتفلت من يدي وتطير في البيت وبعدها مع الدرج وفيه فتحه في سقف الدرج وتطلع معاها ومعد شفتها بعدها إلى وهي تحم في السماء (ياقهري روحت) واطلع طيور من القفص وافلتهم في الحوش قلت يمكن تجي معاهم ومافي فايده (اختفت) وصرت حزين وبشكر مؤثر وباين عليه الحزن ، بس الطريف في الموضوع ان طيوري حست بحزني وطوال اليوم وهي تواسيني وتلاعبني وتونسني (أول مره تكون معي بهذي الطريقه الواضحه من الموده ) .

شكلي طولت عليكم كثير .

نصيحه الطيور الجديده حرصوا منها علشان لايصير مثل ماصار معي .

آسف على الإطاله .

أخوكم / السبيعي