ماذا تعرف عن الرينج وورم (القراع)

[mfarouk27]

والله مش لواحدك اللي خايفة ده أنا كنت جايب قط من حوالي 15 يوم و كان عنده برد علشان كدهماقدرتش أحميه و فضل عندي إسبوع و كمان إتجوز قطة من قططي و بعدين إضطريت إني أحميه و أنا بنشفه لقيت عنده أجزاء خاليه من الشعر و كمان فيها حبوب لونها أحمر الكلام ده كان الساعة 7 صباحاً ضوء الفلورسنت فضلت في رعب لايكون عدى قطة من القطط اللي عندي و كنت هاتجنن و بالليل وديته للدكتور كشف عليه بالجهاز (الفلورسنت) و قاللي إنه سليم و مفيش فيه حاجه و قاللي معلومات مهمة جداً جداً
أولاً ":- فيه فرق بين إن الشعر يكون خفيييييييييييييييييييييييف جداً و بين إن مايكونش فيه شعر أساساً لما بيكون الشعر خفيف ده بيكون ناتج عن تكتلات الشعر لإنها لما بتزيد جداً والقطة بتهرش في المكان ده أو حتى بتتخانق مع قطه تانية ممكن التكتلات ديه تقع و بالتالي الشعر بيبقى خفيف جداااااااااااااً في المناطق ديه.
ثانياً:- مرض الرينج وورم بيخف لوحده بس المشكلة إنه على ما يخف بيكون عدى أماكن تانية في القط و كمان بيكون عدى المحيطين بيه سواء كانوا بشر أو حيوانات.ثالثاً:-حكاية إن الجهاز ده بيكشف عن نوعين إتنين من الفطريات حسب كلام الدكتور إن ده كلام غلط و على كلامه إن الجهاز ده بيكشف على وجود الفطريات من عدمه لكن مابيحددش إيه هو نوع الفطر .ياريت يا جماعة لو حد بيتابع مع بيطري يسأله على الحاجات ديه و يأكدلنا صحة المعلومات ديه.