الطير مو راضي يطلع على اليد ايش المشكله

[جداااوي]

السلام عليكم ورحمة الله وبركاته
كيفكم يا احلى اعضاء
قبل كم يوم كتبت عن طيري الجديد
وهو دحين الحمدلله مره ولوف
بس مو راضي يطلع في اليد
ايش الحل
كيف اخليه يطلع فوق اليد لوحده
يسوي نفسه بيطلع بس شويه وينقز >>>>>>>>>> تقول نلعب لمسه
انتظر مشورتكم بالتفصيل تكفون



وتسلمو مقدما على التعليمات

[سكر]

يا أهلا بالجداوي.

وألف مبروك مرة ثانية على الببغاء.

فيه بعض الأشياء البسيطه اللي تأثر في طلوعه على اليد.

أولا انه يكون على الأرض أفضل من انه يكون في مكان ثاني, لأن الببغاء في البدايه ما يحب يكون على الأرض.

ثانياً ان القفص يكون بعيد أو ما يشوفه عشان ما يشغل باله وقت التدريب ويصير يفكر فيه.

ثالث شي ما يكون في مكان التدريب أي شي عالي و مغري للبغاء مثل كنب أو كرسي, لأن الببغاء بيصير شغله الشاغل كيف يهرب منك ويتسلق هذا الشي المغري, والأكثر أمان بالنسبة له.

رابعاً: وهو في الأرض تشيل مثلاً علبة مناديل من قدامه وتحطها في القفص (القفص يكون بعيد شوي)

وترجع تاخذ شي ثاني وتقول له اطلع وتحطه فوق القفص, والببغاء يشوف, عشان يفهم انك لم تقول اطلع يعني بيجي دوره وبيروح للقفص.

الخطوة الرابعه اذا ما نفعت اعتمد على الخطوات السابقة.

وحاول تجرب تطلعه على عصا طويلة شوي وتشيله من مكانه للقفص.

وترجعه مرة ثانية بعد دقيقتين, وتكرر هذي العملية حتى يتعود على المشوار بالعصا, وأهم نقطة انك تحاول تقلل من طول العصا في كل مرة وتمسكها من مكان أقرب لحد ما يصير يطلع على العصا ويدك قريبة منه (شبر مثلا).

واذا طلع على العصا, خليها مايله, بحيث تصير يدك أعلى مكان في العصا.

الببغاء تلقائياً بيطلع في المكان الأعلى اللي هي يدك.

بعدها افلت العصا وبتلاقيه على يدك بس خليها على مستوى صدرك عشان ما ينط على الأرض.


أتوقع خلال نصف ساعه تطلعه على يدك,,, بإذن الله.


تحياتي

[أبو ريـــــــــــــان]

ماشاءالله شرح وافي وكافي

يعطيك العافية ياسكر

[جداااوي]

يعطيك العافيه اخ سكر والله من جد انك كفو
ويسلمو على الشرح المفصل انا رح اسوي زي ما شرح واعطيك النتيجه اول بأول
ويسلمو على مرورك
يا اخ سكر وايا اخ ابو ريان

[امزوني وبس]

اخونا سكر ماقصر شرح وافي ومفيد بالتوفيق

ونتظر منك اخبار ساره بسرع وقت

[alaa_taw]

اخ جداوي انا رح احكيلك الطريقه الي استخدمتها مع الكاسكو الي عندي
الكاسكو الي عندي بري يعني ولا عمره شاف انسان
انا كنت احط ايدي داخل القفص وهو موجود فيه
كان اولها يجعر من ايدي وصرت احط اكله بايدي علشان ياكل منها
اول مره ما رضي ياكل وشلت كل الاكل الموجود بالقفص
وصار الكاسكو يضطر بيجي على ايدي وياكل منها
طبعا تغلبت معاه كتير بأول يوم
وثاني يوم بدأت المس منقاره باصبعي طبعا كان يخاف ويجعر وماكنت اتركه لحد ما المس منقاره
وبنفس اليوم بدأ يلمس ايدي برجله ويبعد وانا مخلي ايدي داخل القفص بعد ربع ساعه تقريبا
بدأ يطلع على ايدي وينزل بسرعه وبعد فترة قصير بدأ يطلع على ايدي ويضل واقف
وبعدها صرت اطلعه من القفص ويبقى واقف على ايدي

وان شاء الله قدرت اوصلك المعلومه وتستفيد منها

[عبادي والجو هادي]

انا بعطيك ملخص

و نافع

لازم يكون طيرك مقصوص الجناح

الي هو :

اول شيء جوعه لمده 2 ساعه

ثاني شيء رح لمكان ما فيه الا انت و الطير

ثالث شيء طلعه

رابع شيء حط يد تحت صدرة ويد تحد ذيله

واول ما يطلع على اليد ابعد عن القفص

وشوووف وادعلي لكن لا تخااااااااااف

[جداااوي]

مشكور اخواني على المعلومات
انا رح احاول وارد لكم خبر اول باول



اخ سكر انا حاول اليوم بالطريقه اللي انت قلتها
بس لما يوصل ويطلع على يدي
ينقز منها >>>>>>>> تقول متقرف

[سكر]

يمكن تقرب راسك منه وما تنتبه, حاول تبعد راسك عنه وخلي يدك ممدوده وحركاتك هاديه مرة.

وبعدين اذا شفته خايف كثير, لا تستعجل تطلعه على يدك.

طلعه على العصا ووديه للقفص وبعدين رجعه وكرر الحركه حتى يتعود على الحمل.

وبعد فترة من كثرة التكرار جرب تقربله يدك أكثر, بس في البدايه لا تستعجل.

وإذا كنت مصرر مررة, خلي القفص قريب عشان وقت ما يطلع توصله للقفص بسرعه بس خلي الترتيب كالتالي:

الببغاء ثم يدك ثم القفص, عشان يوصل للقفص لازم يطلع على يدك.

تحياتي

[جداااوي]

اخ سكر الطير مرره يكره شي اسمه قفص لانو اللي اخذته من عنده ما كان محطيه في قفص
كان على ستاند وانا اخليه على الاستاند من الصباح اللي المغرب>>>>>>>>صار دوام
بس اخوي سكر الطير مره ما يخاف من شي
حتى اقدر امسكه زي ما امسك الحمام