عندك مشكله في الكمبيوتر .. ادخل واطرحها

[Q8 Sailer]

المشاركة الأصلية كتبت بواسطة yasserالكاسر

اخوي كلامك انقلش مرره يعني شوي شوي علي..ادخل ابدا وبعدين وش اسوي..؟ ياليت عربي ويعطيك العافيه اخوي تعبتك بس استحملني شوي..

اها انت الويندوز مالك عربي ؟ ..

المهم ماعليه ..

روح ابدأ

بعدين روح حق لوحة التحكم أو شيء بهذا المعنى ..

بعدين دور كلمه بما معناها .. الساعه,اللغه,الدوله <== شيء من هذا القبيل ..

بعدين اختار كلمه بما معناها .. تغيير لغة لوحة المفاتيح .. <== شيء بهذا المعنى ...

بعدين اضغط على لوحة المفاتيح واللغات .. تكون في الوسط فوق.. باعتقادي

بعدين اضغط على كلمة تغيير لوحة المفاتيح ... أو تغيير لغة لوحة المفاتيح .. <== شيء بهذا المعنى ..

راح يطلع لك مربع بالنص مكتوب فيه
الانجليزيه (الولايات المتحده)

أو انها تكون الانجليزيه (بريطانيا) <== أو كلمه تخص ببريطانيا ..

شوف تحتها مكتوب العربيه ؟

اذا مو مكتوب اضغط على كلمة (إضافه) تلقاها على الجنب

راح يطلع لك مربع فيه جميع اللغات تقريبا .. اختار العربيه (السعوديه العربيه)

واضغط على علامة الزائد اللي صوب كلمة لوحة المفاتيح <== أو شيء بهذا المعنى ..
واختار العربيه (101)

واضغط موافق
وبعدين تطبيق بعدين موافق

وان شاءالله بيضبط معك ..

اخي الكريم ممكن الخيارات اللي انا كاتبها لك باللغه العربيه تكون مختلفه عن اللي موجود عندك بالويندوز .. لأن الويندوز مالك عربي وانا ما عمري جربت الويندوز العربي .. لكن اتمنى ان الخيارات اللي كتبها لك تكون متقاربه أو نفس المعنى الموجود عندك .. اذا ما لقيت الخيار اللي انا كاتبه لك .. ممكن تلقاه بكلمه اخرى لكن نفس المعنى ..

وبانتظارك يا اخوي الكريم ..

[timber]

الله يعطيك الف الف الف عافية اخوي q8 sailer ما قصرت مع اخوانا وان شاء الله في ميزان حسناتك ..تحياتي

[Q8 Sailer]

المشاركة الأصلية كتبت بواسطة timber

الله يعطيك الف الف الف عافية اخوي q8 sailer ما قصرت مع اخوانا وان شاء الله في ميزان حسناتك ..تحياتي

الله يعافيك ياخوي الكريم حبيبي وانت ما قصرت بعد ساعدتني والله يجزاك خير وجعله ان شاءالله ربنا في ميزان حسناتنا

[اختها]

عدنا هيهيهي

واللهي لا اعلمُ ما العلهُ .. مره اختي والحين انا

نظام التشغيل : فيستا
طالع عندي مثلث اصفر على ايقونه الواير لس
المشكله : لا يتشغلُ كااع

[Q8 Sailer]

هههههههه نخلص من لابتوب اختج يجي لابتوبج

المهم جربي هذي الطريقه وان ما صارت ان شاءالله اعطيج حل ثاني ..

روحي حق ايقونة الوايرلس وضغطي عليها كليك يمين واختاري Repair

وانتظري حتى يخلص شغله ..

وان ما صار ان شاءالله في طرق ثانيه وكثيره لحلها

[اختها]

اي والله .. جفت شلون سخريه القدر

اسوي "Repair" ساعات يصير وساعاتٌ كـلا

واليوم الصبح مللـني كل شوي ويقطع "ولا علامه ظاهره على الايقونه" O_o

[Q8 Sailer]

تم ارسال الحل مره اخرى )

[$$modi$$]

سلام

انا عندي مشكله في اللابتوب بسبب اخوي

اخوي محه الوندوز الأصلي

و الحين خله وندوز مو اصلي فكل ربع ساعه او نص ساعه يتبند اللابتوب فالحين شنو اسوي

لازم اروح الوكاله و اخليهم يسوونه او في احد عنده الوندوز الأصلي و يعطيني؟؟

او في حل احسن؟؟

لأنه اذا بوديه الوكاله غالي

[Q8 Sailer]

اخوي .. حلك بسيط جدا باذن الرحمن سبحانه

اخوي شوف تحت اللابتوب (يعني اقلب اللابتوب) راح تشوف في مثل صوره مكتوب عليها Product key ويمها في سيريال .. أو مثل ارقام متسلسله بتكون واضحه .. واهي عباره عن سيريال نسخة الويندوز الاصلي الخاص حق لابتوبك ..

وعن طريقه تقدر تسوي فورمات للويندوز ولما يطلب منك ادخال السيريال .. ادخل السيريال اللي موجود اسفل اللابتوب ..

وان كان ماعندك سي دي الويندوز الخاص لإعادة التثبيت .. راسلني وان شاءالله بعلمك طريقه علشان تخلي الويندوز اصلي

لكن بالاول قولي انت شنو عندك نظام الويندوز ؟ اكس بي ام فيستا ؟؟

[أحلام قطه]

عندي مشكله في الإيميل

لما أحط عليه يعلق

وش المشكله

حملت إيميل جديد و سويت إيميل جديد

وش أسوي يارب يكون في حل