~][ ساعدوني في مشروعي الصغير ][~

[MooKaa]

تصميم رائع ماشاء الله

وبما نني من محبي الحسون اقترح عليك وضع زوجين او ثلاثة مع المجموعة

وبالتوفيق

[عاشق الطيور a t]

ماشالله عليك فكرررررة رووووووووووعه والله يوفقك يارب


وسبق وعملت كذا

ولكن الله قدر وسافرت ووصيت لكن ماعندك احد


المممووووهم اخوووي
ممكن

رأي


انت مو مخاي شئ يوقفو عليه الطيور غير الاغصاان


ولكن انا في حركة مسويها رائعه جداً

وهي انو تحط عصااااايتين متوازيه وتعلقها محل اللي وشوف للي مكان والله مررررررررررة ضورررروري

الله يوفقك يارب

[طير الهوى]

،،

اللهـ يجزاكم خير ويعطيكم العافيهـ ..

تسلم أخوي عاشق الطيور على اقتراحك ..

وطبعا ً هذا كلهـ كلام .. لكن وقت التنفيذ وبعد التنفيذ .. راح تطلع أشياء صغيرهـ ماحسبت حسابها .. مثل مسألة العصيان اللي قلت انت عنها ^.^ لكن ان شاء اللهـ ماتكون هالأشياء كثيرهـ ..

رحت سعّرت الشلالات الجداريهـ .. والحمدللهـ إني رحت لأكثر من محل .. لما طلع المهندس للفيلا عطاني سعر 220 للمتر وبعد المكاسر قال 200 علشان نبدأ الشغل .. قلت يصير بيننا اتصال ان شاء اللهـ وبعد التسعير لقيت ناس يصلحون المتر بـ 140 وناس قالت لي 120 ريال للمتر .. وانا هذا السعر يرضيني .. لكن برضو بشوف لو لقيت بـ 100 ريال للمتر .. وبكذا الحمدللهـ قلّت تكلفة المشروع اللي كنت راسمها ..

ورحت سألت عن الرذاذ وجربتهـ .. طلع مايروّش الطيور .. ولا حتى يمكن تجي قطرة ماء على ريشهم .. لكن فقط يلطف الجو ويعطيهـ رطوبهـ .. لأن بعض الأخوان قالوا لا تفرض على الطيور الاستحمام .. ولو تسبحت أحد الإناث اللي تحتها بيض .. بيمرج ويفسد البيض .. لكن طلع رذاذ بسيط جدا فقط مهمتهـ تلطيف وترطيب الجو والمكان ..

انا اللي خلاني الآن أتعلق بمسألة الرذاذ .. ان الشلالات الجداريهـ طلعت تمسك الحرارهـ .. وهذا اللي مابيهـ .. ولازم أبرد عليها بالماء عبر الرذاذ ..

لكن برضو طلع الرذاذ يحتاج إلى مضخات وبعض الأمور .. لكن بإذن اللهـ راح تمشي الأمور على أحسن مايرام ..

أخذت صور للموقع قبل البدء بالعمل .. وبإذن اللهـ سيتم تصوير مراحل العمل أولاً بأول .. وسيتم تجديد الموضوع بعد كل تغيّر إن شاء اللهـ ..

شاكر لكم ومقدر

،،

[طحلوزة]

موفق بإذن الله

[مصيري]

ما شاء الله

[SILVER LOVER]

اخوي طير الهوى , اهنيك صراحتاً

وهذا نفس تفكيري مع زيادة ممتازه

انا فكرت مثل التفكير , بغرفه خارجه عشة مقسومه إلى قسمين

قسم لي وقسم للوالد , طبعا قسمي الخاص راح يكون فيه طير واحد وهو ببغائي

اما بالنسبه للوالد فبيجيب كناريات وبيحطها بلحالها , ان شاء الله

انا اذا نويت انتاج فبقسم حق الببغاء لربع ربع واحط الببغاء في ربع والي ابي انتج منه ربع

عندي ملاحظة لو تخلي الابواب او الشبوك من خشب طبيعي مقوى بيكون افضل !

لأن اذا بتحط حديد بالصيف بيكون حار وبالشتاء بيكون بارد , الخشب بيكون بارد ولاكن ليس كبر الحديد

وهو افضل نفسيا وجسديا وبيكون اصح للطير

على العموم الله يوفك واي استفسار انا حاظر

[طير الهوى]

،،

هلا بالغالين ..

بالنسبة للعشة .. اخاف احطها خشب وأحط فيها طيور كبيره .. ثم تبدأ تقضم بالخشب لين تهتري العشة .. هذا اذا ما قضموا فيها لين تكسرت وطاروا ولا انتبهت لهم ..

و طرى ببالي بعض الأفكار البسيطة .. فـ مثلا ً ودي أضع قواطع متحركة بين الأقسام الثلاثة .. بحيث اقدر ادمج وافصل بينهم بكل بساطه .. يعني لو حبيت ازيد عدد الطيور اشيل الفواصل و يصير بدل مايكون عندي 3 اقسام صغيره .. يكون عندي قسم واحد كبير .. واقدر استفيد منها بعزل الفروخ عن الطيور البالغه .. او عزل الاناث عن الذكور بغير موسم الانتاج .. ومتى مابغيت ادمجهم دمجتهم ^.^

وقاعد ارسم بعض الأفكار البسيطة لوضع دروج بأرضية القفص لتسهيل عملية تنظيف أرضية العشة .. وبحيث اكون اقدر امشي عليها بدون ما تتكسر .. وكذلك عدم تخريب سيراميك الحوش .. ^.^

تم تجهيز المكان بالكامل .. مواصير الماء تم تجهيزها لـ (غسيل العشة - تعبئة المشربيات - التبريد على الطيور - دعم النوافير بالماء) .. وتم تجهيز المخططات بالكامل .. بقى مرحلة البحث عن منفذ ممتاز .. ثم التنفيذ ان شاء الله ..

اللي مخليني مبرد شوي هالأيام ومو مستعجل بالشغل .. ودي يخف البرد شوي ويزين الجو .. لأنها عشة خارجية وماودي اتبهذل من بدايتها ^.^

الله يعين ويسهل .. دعواتكم ^.^

،،

[1Njood]

3/ هل تؤيد التربية الجماعية أم الفردية ؟ ولماذا برأيك ؟
الجماعيه ض1 لانهم يستانسون مع بعض ليش نحرمهم ض1

[عضو ماسي]

مشروع حلو

أتمنالك التوفيق

[Animal-5-Lover]

| هلا والله بالغالي

غبنا وجبنا الغنايم

<~ عآرف جاي آخر الناس

شكلك سويتها وخلصت وانا جاي الحين

يله مش مشكلة


الفكرة اعجبتني ، وتصميم العشة كمان

بالنسبة إذا بتربي طيور كبيرة ، المجاثم تكون متينة

مثال :-





ونبدأ بالأسئلة



1/ ماهي الصعوبات التي تؤخذ بعين الاعتبار ؟

أحب أذكرك بالجو ، يمكن انت مخطط لشي هذا او لا ، لكن لازم تاخذ إحتيآطآتك لكل شي
زي أبو نايف محميته كلها راحت ، بسس الامطار ..





2/ أين مواضع الضعف والخلل فيما سبق ؟

عن نفسي ، اقول انك تزود وقت رشاشات المويه ، يعني اكثر من 3 دقائق ، لانه ماء + رمل + فضلات الطيور = مسكن مناسب جدا للحشرات ،
وكمآن تحط اماكنها بعيد عن المعالف عشان ما تنزل فيه المويه ..



3/ هل تؤيد التربية الجماعية أم الفردية ؟ ولماذا برأيك ؟

وكمان عن نفسي ، الجماعية .. لان كثر التربيات الفردية تنتفي بالوفاة .. فالأغلب
الجماعية منها شكل للعشة ، واصوات ، وتعبك ما يروح عالفاضي




4/ هل هناك أي مقترحات أو إضافات ؟

نفس اللي فوق ..
ويآريت تضيف نوع اخر من الطيور ، صن كنيور .. راح تكمل العشة



مجرد آرآء ، اتمنى انها تلهمك في شي افضل ..



وهذي تجربتي السابقة

كانت مجرد تجربة ، لعمل مستقبلي ان شاء الله






كانت طيور اليفة وللزينة ، واصوات ومنظر للحديقة .. وبصراحة انا أنصح كل مربي انه يسوي عشة


أتمنآلك التوفيق .. وبدعيلك دائما


أخوك عبود

.