اشترك في نشرتنا البريدية ليصلك كل جديد

د. إحتـراف · 18-03-2010, 09:07 PM

بسم الله الرحمن الرحيم

السلام عليكم ورحمه الله وبركاته

قد كثر هذا السؤال وهو { شريت ببغاء يجعر كل ماقربت منه ويعض وش الحل }

اخي العزيز الببغاء يحتاج التأقلم مع الجو مثل الانسان تماما

وهناك افتراضات لازم تحطها في عين الاعتبار اهمها :

1- يمكن يكون الطير واجه معامله سيئه قبل ماتشتريه .

2- يمكن يكون الطير نص توليف , يعني صاحبه الببغاء القديم حاول انه يروضه لكن لـ ضروف اضطر انه يبيعه

3- يمكن يكون الطير اول مره يتعامل مع البشر ( مصيود من الغابه الى السوق مباشره )

4 - يمكن يكون الطير جاء مع مجموعه من الببغاوات وكان واحد منها يحمل مرض معدي . هنا تعزله عن طيورك , وتبدا في تقدرم علاج له وبعدها نسوي الباقي

ذكرنا الان هذه الافتراضات , طيب والحل معها ؟

فيه حلول كثيره جداً , ابسطها واسهلها , وهذا الحل يساعدك في تسهيل الترويض

انك تجلس مع الببغاء بدون ماتعطيه بال , كأنه غر موجود ولمدة كافيه جدا اقلها اسبوعين واهمها ما تعطي الطير بال ماتكلمه ولا تلتف له ولا تطلعه من القفص , فقط تقدم له الماء والاكل وتناديه بأسمه وتجلس جنب الطير تكون قريب منه ومايكون فيه تلفزيون او راديو تكون انت تقرأ او معك جهازك وداخل النت .

اثناء جلوسك مع الببغاء وقت كافي الببغاء يتعرف عليك وانت ماتدري

في اليوم الاول الطير راح يكون هجومي , نلاحظ ان الطير هنا لو تحركت حركه بسيطه يجعر ويحاول يعض يعني يهجم ع طول .

في اليوم الثاني , نلاحظ ان الببغاء يكون يدافع عن نفسه وهنا فرق بين الدفاع والهجوم
يعني تشوف الطير لو قربت منه يدافع عن نفسه لو دخلت اصبعك داخل القفص ماراح يهجم عليك
بينتظر حتى تقترب منه ويبدأ في العض او الجعير .

ثالث يوم او رابع يوم نلاحظ ان الطير يبدأ يحاول في التعرف عليك , يراقب حركاتك جميعها ولو تقرب منه مايجعر او نقول تقل الجعره تكون بصوت خفيف وتكون بدون خوف وسبب الجعير هنا لـ التخويف فقط .

اليوم الخامس , الطير بدأ يقل الخوف عنده والتوتر تقرب منه تلاحظ وضعه طبيعي بؤبؤ العين طبيعي .

اليوم السادس او السابع , تلاحظ ان الطير يصفر ويدور في القفص , هل تعلم ما التفسير لهذه الحركات ؟
تفسيرها اهو ان الطير بدأ يشعر باتجاهك بالامان ويحاول لفت نظرك بهذه الحركات .

بعد محاولات الطير لـ لفت نظرك او انتباهك لا تعطيه اي وجه لمده يوم او يومين .

بعدها بيسهل عليك توليف الطير وهذا كله بعد طريقه وهي لا تعتمد على الجهد فقط تحتاج منك
الجلوس مع الطير ساعات طويله .

اذكر لكم قصه حصلت لي قبل عندما كنت في الصف الاول ثانوي .

كنت توني شريت طير افريقي مصيود عمره 7 شهور وبعدها بـ اسبوع اضطريت اني اسوي عمليه في الظهر وللاسف مانجحت وبعد كم شهر بسويها

المهم في االموضوع بعد خروجي من العمليه ماكنت اقدر اني اجلس على كرسي كل وقتي نايم على بطني , وهذا سبب اكتشافي هذه الطريقه

كل الي كنت اسويه اجيب الطير عندي وخليه في القفص وجنبي او بالاصح على السرير كان غرضي اني ما أولفه قلت استغل الوقت وأعلمه كم كلمه لاني بجلس حدود الشهر ونصف وانا نايم على بطني وما أقدر اوقف .

يا اخواني بعد الشهر والنصف الطير كان عنده مايقارب 4 كلمات ويصفر ونشيط داخل القفص

وبعدها صرت اوقف على رجولي واقدر اجلس على كرسي وقلت اولف الطير طلعته على الاستاند اقرب من الطير مايجعر ؟ امسح على راسه يجعر ويحاول يعض لكن عضه خفيفه جدا استغربت جدا

جات في بالي اسأله ليش الطير مايجعر مثل غيره ؟ ليش ما يطير عن الاستاند ينحاش عني ؟
ليش الطير عضته خفيفه ؟ وصلت الى ان الطير حس بالامان واني ماراح أسوي فيه شي طيب الطير كيف عرف هذي الاشياء ؟ وانا طول هالشهر والنص على الفراش وكل الي اسويه اقرب القفص عندي واكلمه وارجعه مره ثانيه مكانه .

عرفت انه الجلوس مع الطير هو السبب اهو عرف اني ما راح أذيه الطير , ولله الحمد ولفت الطير
لكن ماكان يطلع على اليد فقط اقدر اقرب منه امسح على راسه وجسمه بعدها صارت اموره تمام ويطلع على اليد وع الكتف .

اتمنى ان اكون افدتكم بهذه المعلومات

تقبلو حبي لكم

محب كاسكو · 18-03-2010, 09:12 PM

يعطيك الف عافيه والله موضوع مميز

وشكراً لك واستفدنا منك الكثير والشكر بحقك قليل

تقبل مروري اخوك محب كاسكو {ابوحواس}

هاي توز و · 18-03-2010, 09:44 PM

مشكور يابرفسور قليلة عليك الدكتورة

الجوهر · 18-03-2010, 09:55 PM

الاخ الكريم / د. إحتـراف

كلام جميل جدا وينم عن خبره ما شا الله تبارك الله عليك

صدقت اخي الطير يحتاج لطولة بال وصبر

الحقيقه تستهويني مواضيعك بارك الله فيك

دمت رائع كما انت وفقك الله اينما كنت

اخــــــوك / الجوهر