رد: طيوري الاثنين طلعوا ذكور :s
عليكم السلام
-
وعليك مبارك ويجعلك من صوامه وقيامه
-
بالنسبه لتحديد الجنس لطير الدره اذا كان عمره اقل من سنه ونص صعب جدا حتى على الخبير جدا
وما تعرف جنس الطير الا بعد بلوغ سنه ونص
-
وبالنسبه للبيطري الي قص عليك لا تهتم
مو انت اول واحد يقص عليه البيطري ,, عالم ماتت طيور بسبب البياطره للأسف
ومادري ليش البيطري يعتبر كلمه لا اعلم عيب
يعني لازم يسوون انفسهم فاهمين بكل شي
-
وبالنسبه لتطعيم الذكر للذكر الاخر تحصل كثير ومو بطيور الدره فقط بكثير من انواع الطيور وهذا تصرف عادي
-
وبالنسبة لسؤوالك
لو خليت واحد لحاله بالقفص وما عنده احد يسليه اكيد بيتعب الطير ونفسيته بتتأثر
-
ااما اذا بتجلس معاه انت اوقات معينه باليوم وتسليه ما راح يطفش
-
او الحل الثاني
تشتريله انثى بنفس عمره وما يحتاج تسليه انت
-
بس انتبه لا يغشونك بالانثى مره ثانيه يقولون لك انثى ويطلع ذكر
واذا اشتريت الانثى ودخلتها على الذكر راقبهم كم يوم
لان احيانا يتقاتلون
--
ويفضل
اول ما تشتري الانثى تخليه بقفص لحالها قدام قفص الذكر وتخليهم يشوفون بعض يوم يومين حتى يتعرفون على بعض وبعدها اذا سمعتهم يصفرون لبعض
دخل الانثى على الذكر وراقبهم
موفق
|