الزوبريم .. مين جربو وايش النتيجه !

[roba_abid]

السلام عليكم ورحمة الله وبركاته
مساء الورد جميعا ...

ياحلوين انا ليا خمس ايام بحط للببغاء زوبريم للاسف انو ماياكل منها ولا شئ
ولا حتى يفكر يمسكها او انو يجرب انو يمكسها
والله انو كلفني كتير عشان طلبت الاكل دا من برا وطلع ماياكل
كلهم قالو انو عشانو شئ جديد ولسه يبغالو وقت
لا انا اعرف ببغائي واعرف الببغانات عموما لو بس تحاول تمسكو او انو يكون عندهم فضول
بس دا اول مااحط صحن الاكل عندو وفيلو زوبيرم يكبو ويعصب
واللي لاحطتو الزوبريم فيلو ريحة معطره هيا مو وحشه بس عاديه بس انو ماعجبت حمودي الببغاء حقي
وسار يعطس كتير لو الاكل دا موجود عندو .. للعلم اني طبعا طلبت الاكل المخصص للكاسكو
امس بالليل خلاص قررت مااحطلو من الزوبريم الحمدلله الين دحين ولا عطسه وطبيعي
معقوله الزوبريم اللي الكل ينصحو كدا !! كتير قالو انو حالات كتيره اتحسنت مع الزوبريم
ومين جرب الزوبريم ! قولولنا تجاربكم

[hani 66]

اكثر شخص يقدر يفيدك عن الزوبريم هو خبير الطيور الناطقه حسين مندني ويقدر يفيدك بمرض الطير ان شاء الله

برسلك حسابه بالانستقرام وراسليه بالدايركت او كومنت تحت اي منشور جديد .. راجعي الخاص

[roba_abid]

المشاركة الأصلية كتبت بواسطة hani 66

اكثر شخص يقدر يفيدك عن الزوبريم هو خبير الطيور الناطقه حسين مندني ويقدر يفيدك بمرض الطير ان شاء الله

برسلك حسابه بالانستقرام وراسليه بالدايركت او كومنت تحت اي منشور جديد .. راجعي الخاص

الله يسعدك اخويا
ومرره شكرا لك وشكرا على الحساب مع اني اعرفو بس ماجا في بالي اكلمو
بس حكلمو ان شاء الله ربي يعطيك العافيه ويرزقك الجنه ..

[ابوسهيل]

مرحبا بالاخت ربى ... ممكن يكون المرض ماخلاه يتقبل الطعام الجديد
ولا حفزه لاستكشافه
وممكن يحتاج وقت حتى يعتاد عليه خصوصا انه كبير في العمر ماشاء الله
ويمكن ماقد مر عليه قبل كذا
افضل تكملي الوصفة العلاجية اللي اعطاك اياها الاخ سكر ولما يتحسن
ضعي له كميات بسيطة ويفضل تعطيه بيدك حتى يتذوقها لو جازت له راح يقبل عليها
وانصحك لا تجبريه على طعام الزوبريم عن طريق تجويعه على الاقل الى ان يتماثل للشفاء
وفالك التوفيق