هل تستطيع ان تميز الهملاين (تفظلو بدخول)!!!

[Al-Tubaiykh]

سلام عليكم و رحمة الله وبركاته

كيف حالكم ان شاءالله بخير؟

حاب اني افتتح موضوعي بهذه القصه

اليوم كنت في محل لبيع القطط ودخلت مره المحل يايه تبي تشتري قط كانت مفتكره انه هملاين
و الريال قص عليها وقال انه هملاين لكن لمه شفته القط طلع مو هملاين عاد صارت سالفه طويله وانا قاعد اشرح للمره انه هذا القط مو هملاين

المهم

مثل هذا الموقف يحصل مع كثير من الناس لان الكثير من الناس ما ايعرف ايفرق بين الهملاين و القطط الشبيه من الفصائل الاخره

انا اليوم حاب اني انوه عن انه في قطط تشابه الهملاين لكن ماهي ابهملاين
هذه صور حق قطط تشبه الهملاين لكن ماهي بهملاين

Birman




اما الصور الحين الي راح اتشوفونها اهيه صور لقط الهملاي الاصيل



هذا وجه القط













طبعا في نوعين من الهملاين اهما اللون العسلي و اللون الرمادي بس احنى ما نبي انتعمق بهذا
الموضوع و يكفينى انه انعرف شكل الهملاين من القطط المشابه له

اتمنى انه اوضحت الصوره وعرفتو اشلون صاير شكل الهملاين عدل
وان شاء الله ما تنغشون والي ايقول لكم غير هذا الكلام ما عنده سالفه و ما يعرف في القطط

ويعطيكم العافيه

[رعوود]

اخوي تشكر على الشرح واحب ازيد بالمعلومات


انه فيه انواع ثانية غير البيرمان



تشابه الهملايا



مثل الراجدول ازرق الاطراف



والباليني





وانه فيه الوان كثير من الهملايا والانواع الثانية وفيه درجات

فالبعض ممكن يتلخبط خصوصا بين البيرمان والهملايا المون

لانهم يشابهون بعض طبعا هالكلام بالنسبة للفصائل المعروف طويلة الشعر

غير التهجينات

وبالتوفيق للجميع

[Al-Tubaiykh]

رعووود شكرا على الاضافه

والكلام كله صح وانا ذكرت Birman على سبيل المثال

والشكر موصول لكي على تكملة بعض الامثله على الفصائل المشابه للهملاين

[dr_mido]

واللهي موضوع تشكر عليه وتسلم الأيادي الي عملتو

واتقبل مروري

[قطة دلوعة]

[Al-Tubaiykh]

تسلم Dr على الرد الجميل

قواك الله

[Al-Tubaiykh]

دلوعه مشكوره على الرد

[Lonely Hunter]

تسلم على الملاحظه

فعلا في قطط تشبه الهملايا حيل و صعب انك اتفرق بينهم اذا ماكنت مربي قطط

بس بنظري الهملايا من الانواع السهله اللي تقدر اتفرق بينهم

اسهل من الانواع الثانيه اللي تحتاج ادقق بكل جزء و لون من الجسم على شان تتأكد من الفصيله

[نوني]

فعلا الاحظ الناس للحين تنغش بالانواع موضوع رائع تسلم الايادي

[catloverq8]

شكرا الطبيخ على الموضوع بس الألوان أكثر من 2
أما رعود فصح في أنواع ثانية يلخبطوا الناس بينها و بين الهيمالايا لكن انتبه مافي هيمالايا مون فيس نهائبا المون فيس يلغي صفات الهيمالايا و اللي عرضها الطبيخ بالصور
لازم الهيماريا تكون عيونها زرقاء و الأنف أفطس و في مستوى العين و كل ما كانت أصيلة كان الأنف أفطس أكثر و على خط واحد مع العيون و الفم على شكل رقم 8
طبعا ممكن شعره يكون قصير و يسمى حينها إكزوتيك هيمالايا أو شعره طويل و هو الهيمالايا العادي و من ألوانه
بلو بوينت و هو نادر
شوكليت بوينت و هو المنتشر
فاير بوينت
كريم بوينت
ليلاك بوينت
المهم ما يكون أنفه بارز أو تحت العيون كتير لأنه بيكون إما نوع ثاني أو غير أصلي و مهجن