يا جماعه راح اييلي بت بول جرو ابي استفسر علشان لا اتوهق ؟؟

[بوعذاب]

السلام عليكم شلونكم
بقيت استفسر عن بيتبول جرو وانا جربت اربي كلب بيتبول بس واهو كبير
ومسالم .
لاكن الحين راح اييلي جرو او يرو من واهو صغير شلون لازم اعامله علشان يصير جذي :

1- مطيع وشرس لاكن على عايلتي واصدقائي عادي معاهم شلون اعوده
2- يلعب بحدود ( علشان جربت جلب عطيته ويه وألعب مع قام يعض عباله لعب )
3- شلون اخلي يعض العضاضه يمكن ما يحب شلون اعوده وهو صغير
4- هل يمكن انه يتنرفز مني يعني يهجم علي اذا سويت شي غلط
5- شلون ازيد حرارته يعني اذا شاف جلب يعصب وجذي


وشنو الاحسن حق الحراره والشراسه الذكر ولا الانثى


انشاء الله ما أثقل عليكم
تحياتي

[فايز]

بسم الله الرحمن الرحيم

- مطيع وشرس لاكن على عايلتي واصدقائي عادي معاهم شلون اعوده

بــ التدريب وتقدر تستعين بــ قسم تدريب الكلاب راح تحصل كل الي تبيه

- يلعب بحدود ( علشان جربت جلب عطيته ويه وألعب مع قام يعض عباله لعب )

طبعاً اخوي لازم تخلي بينك وبين كلبك حد يعني إذا تمادا طقه وعطه امر انه يوقف مثل (( ستاب , اوت )) وبعدها راح يوقف لعبه الدفش

- شلون اخلي يعض العضاضه يمكن ما يحب شلون اعوده وهو صغير

من هو صغير جيب له قماش وعلمه عليها خله يعضها وحفزه وواصل معاه حتى يكبر

- هل يمكن انه يتنرفز مني يعني يهجم علي اذا سويت شي غلط

نعم ممكن إذا انت ماكنت قائده يعني إذا سوا غلط عاقبله بـ عقاب خفيفه مثل طقه بسيطه في البوز ويبتدي معاقبته بعد عمر الــ 3 شهور ... يعني إذا سوا شي غلط ماعجبك عاقبه عقاب خفيفه وخلك انت المصيطر

- شلون ازيد حرارته يعني اذا شاف جلب يعصب وجذي

انا مانصحك لأن وقت التزاوج بيسوي بلاوي

وشنو الاحسن حق الحراره والشراسه الذكر ولا الانثى

الثنين , بس انا افضل الذكر

انشاء الله ما أثقل عليكم

مامن تثقيل وحياك الله في اي وقت

[dirty luck]

1- مطيع وشرس لاكن على عايلتي واصدقائي عادي معاهم شلون اعوده
تقدر اخوي تخليه من صغره ويه اصدقائك وعائلتك
2- يلعب بحدود ( علشان جربت جلب عطيته ويه وألعب مع قام يعض عباله لعب )
انا اقولك لا تعطيه وي اي اعضه من الصغر صوكه طرااق شيل ويه واسال مجرب ولا تسال طبيب ترى صار فيني جذي عطيته ويي عضني قض ايدي قض والله من صغره طرااق
3- شلون اخلي يعض العضاضه يمكن ما يحب شلون اعوده وهو صغير
ما عليك علمه من صغره وبيعرف
4- هل يمكن انه يتنرفز مني يعني يهجم علي اذا سويت شي غلط
اذا طقيته من الصغر وخوفته منك وصرت انت الاستاذ والمعلم مستحيل يعضك لو نمت بامه
5- شلون ازيد حرارته يعني اذا شاف جلب يعصب وجذي
لا تخليه يشوف جلاب من اهو صغير ولا ناااس ولا شي الى لي كمل 10 اشهر

وشنو الاحسن حق الحراره والشراسه الذكر ولا الانثى
والله يخوك على حسب يعني في عندنا بالبشر حريم اجراام لوول بويات وفيه شباب خكر صح لا عاد كيفك على حسب التعليم نفس الشي

[killer]

اخوي ديرتي لاك

بس حب اقولك عن انه مايجوف كلاب وناس لحد 10 شهور يصير جبان لانه ماعرف غير راعيه واهله
ويخاف من الناس الثانية هو لازم يجوف لكن بدون ما يأكلونه ويمزحون معاه

وبالنسبة اخوي عن التنرفز الكلب اذا انت سويت شي يزعجه تجوفة يعطيك انذار مثلا يكشر او يقوم عنك او يطالعك عاد انت افهمها اخوي لانه اذا طولت راح يعض

[mr.BaD_NeWs]

انا مع كلام اخوي فايز
مشالله عليه
بس انا عندي الانثى اقوى

[بوعذاب]

مشكوووووووورين والله ما قصرتو
وانشاءالله يصير خير