الححقوني انا وقطوتي

[هيبه اسد]

القطوه انثى

ومشكورين
اي والله طحت يامستر اااااااااخ

[roosario55]

أستاذي إنت ولا طحت ولا شي!! إعتني شوية بالقطة و إن شاء الله حتلائيها بئيت تمام بس إنت طول بالك والله كل الكلام دا عادي بس خليك صبوور معاها.
لو إنت خلاص حاسس إنك مش عايزها لو تقدر ترجعها لصاحب المحل أو للسوق وديها, بس القطة اللي تجيبها هاتها بعمر 3 شهور بتكون مناسبة و تكون أنثى.

[الصولجان]

وسع صدرك كذا اول الايام
بعدين خلاص راح تتعود هي عليك ! بخصوص الأسهال أنا انصحك توديها للي شريتها منه تقوله وش السالفه!!
وكله مسألة كم يوم وتنحل إنشالله

[هيبه اسد]

مرحبا

مشكووووورين ماقصرتو
طيب:
بالنسبه للاكل كم الكميه الي اعطيها

وكيف انضف حمامها الله يكرمكم

وانا صورت لكم الاكل والاغراض الي معها

شوفوها وقولو رايكم وخاصه الاكل..

ماشاءالله

هذاي الفرشه

هذا حمامها

هذا صحن الامل والماء+القطو

هذا الرمل..وش رايكم في نوعيته؟


تحياااااااااتي

نسيت بعد هاذي الي تشيل الرمل مدري وش تسمونها

وشكراااااااا

[CaTTy]

كفيت ووفيت بالاغراض اخوي كوكاتو

بس شامو ماقلتلنا شريت او لا ؟

اذا ماشريت روح اشتر بيبي جونسون وفيه بعد شامبو من الصيدليه عندي اسمه اذا تبيه

مره بالشهر تسبحها منه ولا سمح الله كان فيها جرب او شي بيروح بساعته

وبالنسبه لسؤالك :

بالنسبه للاكل كم الكميه الي اعطيها

والله على حسب اذا بتمشي عالمعلبات عطها مره باليوم قفشه ( ملعقه طعام ) وحده او ثنتين كوجبة عشاء .. وعطها من غداكم دجاج قطعه لها بصحن وحط عليه روب ( زبادي ) لانها فيها اسهال .. وبعد لو تعطيها روب بالعسل يكون افضل بيمسك بطنها او لبنه .. على حسب الموجود عندك .. ولا تعطيها حليب او جبن هالفتره

وبعدين تقدر تعطيها حليب خالي الدسم

ويفضل انك تشتري دراي فود ( نفس شكل البسكوت ) تحصله عند اكل القطاوة بكرتون او بكيس .. تحطه لها بصحن 24 ساعه وطبعا بصحن ثاني ماي ..



وكيف انضف حمامها الله يكرمكم


على حسب التراب اللي انت شريته .. فيه نوعيه لما تسوي فيه القطوه شي بعد مده بيتجمع على شكل كتله .. تشيلها بأي شغله وتقطها بالزباله اللي برا البيت ( نفس حفاظات الجهال )

وبعدين تحط بالحوض تراب زياده على حسب الكميه اللي انشالت منه ..

وجذي كل مره

واي خدمه حاظرين

[هيبه اسد]

مشكوره يااختي ماقصرتي

نوع الرمل هو بالصوره صورته مدري هو نفسه ولا لا

مشكوره مره ثانيه

[قطو_Q8te]

ماقصرت كاتي
بس بالنسبه لهالتراب كمبتدء بتربية القطط رح تنزعج منه حيل لانه يخزن الروائح وصعب تنظيفه
حاول تاخذ حبيبات كريستال
في ماركة تدي كات وهذا صورته




وفي هذا وايد زين لاريحه ولاشي
موجود للكويتيين بستي سنتر ومركز سلطان =)

[shanti]

عند تغير المكان او الاشخاص او مواعيد الطعام او درجه حراره المكان يحدث بعض الارتباك النفسي للقطط كحدوث الاسهال او ان تختبئ بمكان ما او تهاجم فكل ذلك طبيعي للقطط وخاصه التى تجاوزت عمر الثلاث اشهر حيث انها تكون قد اصبحت ملمه بما حولها وتتعامل بحذر فتشعر والريبه فلا تقلق يا عزيزي ,, فعاده تاخذ فتره لكي تتاقلم وعاده لاتتجاوز مده اسبوعين


بخصوص نوعيه الشامبوهات الخاصه بالقطط ... متوفر الكثير منه بالاسواق

شامبو النيوزيرال جيد لمعالجه الفطريات فقط ولكني لا انصحك باستخدامه دائما حيث انه يعمل على تجفيف الطبقه الدهنيه للجلد مما ينتج عنه امراض التحسس وسقوط الشعر

بخصوص فرشه الرمل فكما ذكرت بالصوره هي المراد استخدامها لقضاء حاجه القطه وعليك تنظيفها بشكل يومي بين حين واخر بواسطه الاسكوب او مجرود الرمل حتى لا تتعفن

اتمنى لك التوفيق والسعاده مع رفيقه دربك الجديده .....

[هيبه اسد]

تسلم اخوي مامون

بالنسبه للحمام اهي تقضي حاجتها فيه والحين له 2 يوم ماغيرته
يعني اذا تبرزت هل علطول انضفه
وشكرا

[CaTTy]

اخووي اللي عندي اسمه catsan ultra

واهو يمتص الريحة بعد يعني برايي انا افضله اكثر من حبيبات الكريستال

وبنفس الوقت اقتصادي ماتحتاج انك تقط اللي بالحوض كله بعد ما تقضي القطوه حاجتها فيه

كل اللي عليك انك تشيل الكتل المتجمعه بمغرفه وتقطها بكيس وبالزباله براا البيت

وهذي صورته صج انها مو نفس اللي شريته بس يشبهه وهذي صورة القطوه اللي عالغلاف





والعفووو اخواني


وبالنسبه لسؤالك:

بالنسبه للحمام اهي تقضي حاجتها فيه والحين له 2 يوم ماغيرته
يعني اذا تبرزت هل علطول انضفه

المفروض اول بأول تغيرلها ترابها او مثل ماسبق وقلتلك عن نوعية ترابي وتجمع الكتله المفروض تشيلها اول باول ولا تخليها 24 ساعه .. فما بالك بيومين عاد ؟؟