انطفت الكهربه و اسماكي النهريه كلهم ماتو ........

[redshark]

اخواني في المنتدى وكل الاخوه انا زعلان منكم
كله قال خيرها في غيرها والبعض قال دي فرصه عشان نجرب انواع تانيه

ياجماعه لازم نعرف ان دي روح وان طالما ربيناهم يبقي هما امانه عندنا فلازم نرتب كل شيء

اولا يا اخي لازم تعرف ان انقطاع الكهرباء ده شيء وارد

ومعني ان السمك مات في نفس اليوم ده راجع لسبيبن

اولا : ان المياه عندك قديمه وانك مش بتغير ربع الحوض كل شهر وده لازم وراح اشرحلك التغيير لازم ازاي ومدته

ثانيا : ازدحام الححوض بالسمك وعدم وجود مرشحات طبيعيه زي النبتات الطبيعيه

اما عن تغيير الحوض فافضل نظام ( تغيير شهري و نص سنوي و وسنوي )

أ - التغيير الشهري بنسحب فيه ربع مية الحوض ونعوضه بميه جديده مباشرة دون اضافة مزيل الكلور

ب - التغيير النص سنوي بنشيل نص مية الحوض وبرضه بدون اضافة مزيل كلور

ج- التغيير السنوي وده بيتطلب مننا الحرص وخطواته كلاتي

بنرفع ربع مية الحوض العلوية ونراعي انها تكون نضيفة ونضعها في اناء ونرفع السمك فيها ونوصل انبوب الاوكسجين ليها

وبنرفع الزرع الطبيعي بعد كده معاها او في زرع

وبعدين نرف الديكورات والفلتر والسخان ونغسلهم بمياه سخنه وبملح وبعدين نفضي كل المياه الموجوده في الحوض وبعد كده نغسل الحصى بميه سخنه وملح وبعدين مياه حلوه
وبعد كده نملى نص الحوض وبعدين نحط الديكورات ونحط مزيل كلور وبعدين نعاير من الميه الجديده مع الميه القديمه الي فيها السمك لحد ما نفرغ المياه القديمه كلها ونرجع السمك والزرع

ملحوظه : في كل الاحوال لازم نفصل السخان والماتور واي توصيلات كهرابائيه قبل التغيير
وكمان في التغيير الشهري والنص سنوي سحب الميه بيكون من الجزء السفلي عشان نسحب
اي مخلفات نتروجينيه وعضويه ونجدد الجزء السفلي من المياه وجزاكم الله خيرا