قطنا اتغير واتوحش علينا =( ...

[Sayo~nara]

بسم الله الرحمن الرحيم

السلام عليكم ورحمة الله وبركاته..

حصلت حاجة غريبة لقطنا المدلل .. بصراحة مرة احنا حزنيين عليه ومحنا عارفين هوا اشبو بالزبط..

قطنا مررررة دلوووع لاخر درجة وطيوب وحبوب ويحب اللعب ودايما نشيلو ونلعبو ونبوسه ومررة عادي بالرغم من انه شيرازي وما يحب احد يشيلو بس متعود علينا ومتعودين عليه مرة كأنو واحد منا .. حتى اوقات النوم ينام معانا ومتعود على المكيف ولما يبرد مرة يجي عندنا تحت اللحاف يتغطى معانا ..ولما يجوع يصحينا من النوم .. يعني مرة مرة متعود علينا ..

بس مو متعود يشوف قطط في حياتو ولما طلب التزواج واشترينا له قطة انثى .. طبعا تهجم عليه .. الانثى شكلها حامل لذلك عزلناها عنه وصرنا ما نخليه يشوفها الا من ورا الباب ..
ولما تهجم عليه اصلا ندافع عنه ونبعدها عنه .. حتى من كتر خوفنا عليه اختي اتدخلت في المضاربة ومانابها الا العض والخربشة من القطة الانثى .. بقيت اثار في يدها
الانثى مسالمة بس كانت تتضارب معاه واختي من كتر خوفها عليه لانه دلوووع مو متعود على هجوم وكدا ادخلت معاهم واتخربشت

المهم انا صرنا نخفف عليه من كتر مواءه عشان طالب التزواج .. صرنا نخرجه الحوش .. لكن سور الحوش عندنا منخفض شويتين .. وفي قط شارع ذكر يقدر ينقز .. وكم مرة شفناها كان بيتضارب معاه لكن كنا نلحقه ونطرد قط الشارع

في العادة احنا نخرجه لما نكون صاحيين وغالبا نخرجه في الليل لانو النهار حر وهو ما يحب يخرج في النهار عشان الحر

بس اللي حصل قبل امس اننا خرجناها وكلنا نمنا .. مافي احد انتبه له .. ولما صحيت اختي في الفجر ودخلتو .. اول ما فتحت الباب (طبعا احنا نخلي الباب مقفول عشان لا تجي بساس شوارع جوا عندنا ..)
اول ما فتحت الباب دخل على طول وصار يبخ وحالتو حالة .. شكلو اتضارب مع بس الشارع

لانو شعر جسمه اتساقطت منه زي الخصلة يعني كمية ليست بقليلة ><

المهم نفسه انسدت عن الاكل وصار بس ينام .. اصلا نام اليوم باكمله امس .. ودحين كل ما جينا نشيلو او ندلعو .. صار يصدر صوت كأنه بيهجم او كأنو شايف بسه بيهجم عليها وماصار يبغانا نشيلو ...
حتى لما امسح على راسه كالعادة ما يبغى ..
يبغى يجلس لوحده
وطول الوقت وجهه مبوز ومكشر .. مدري زعلان ولا تعبان ..

احنا ما عرفنا ايش حصل له بالزبط .. بس استنتجنا انه اتضارب مع قط الشارع لانو قط الشارع له يمكن اسبوع وهو كل يوم يجي عنده يقعد على السور =(

بس مرررة هو اتغير
ملاحظة وكمان امس طرش .. طراش سائل لونه يميل للاصفرار .. ><
الحمد لله طرش مرة وحدة .. ودحين بس يبغى ينام ومايبغانا نمسكه ..

معليش طولت عليكم وحكيتكم قصة حياة قطنا ><..
بس ابغى اعرف هوا ليه كدا اتغير .. وايش الحل معاه ..

[الخبيرة ناديا]

اهلين فيك حبيبتي

ماشاء الله واضح انه دلوع العيله .. الله يحفضه لكم

بخصوص قطك الذكر ..لابد انك تبحثين عن انثى صغيره في العمر وبالغه ولم تحمل من قبل

حتى تكون معاه في البيت.

دائما الذكور يصيبها اكتئاب شديد اذا لم تتزاوج ..

والاكتئاب يخلف عنده عدم الرغبه في الاكل والنوم الكثير والكسل وعدم الاهتمام بمالكيه.

بخصوص الاستفراغ ..ضروري تعطيه مضاد بيتاموكس ملئ قطاره كامله مره في اليوم ولمده خمس ايام

والله يشفيه لك