قطتي بحاله هستيريه

[قطتي روز]

بسم الله الرحمن الرحيم



السلام عليكم ورحمة الله وبركاته


اخواني انا من يومين كتبت موضوع ان قطتي ولدت المهم سوت لها مكان وجو خاص لاجل ترتاح وجبت لها خيمه صغيره من محل العاب وحطيت سرير ارضي للكتينز بحواف وشريت بطانيات بيبي صغار لاجل احطها بالسرير يعني مكان دلغ ومهيأ ..

المهم اليوم جيت ببدل البطانيه بطانيه ثانيه لاجل اغسل الاولى المهم الجديده البطانيه فيها شعر متين قربت لها قطوتي وقعدت تقفز فوووووق قفزات خوف وحاله هستيريه مادري ليه يوم شمت البطانيه جاها خوف مو طبيعي مع اني المس اطفالها وعادي وتلاعبني ماتسوي شي تثق فيني اليوم سوت حاله تخوف وتركض تعض اطفالها وتهرب فيهم وجرحتني يوم جيت بهديها ..


المهم رجعت البطانيه القديمه وجلست بهدوء وحاولت اخكيها وامسحها واخليها تقرب للكيتنز لين تثق المهم تطمنت بنسبه قليله وجلست وياهم

الحين صارت تشم جميع المكان خايفه فيها خوف ولو تحركت فزعت خوف مادري ش اسوي فيها ارجووووووووووكم علموني انا خايفه غليها لانها اهي خايفه واذا شافتني تموء لي واقرب واحكها وتحك جسمها فيني واكلتها بيدي لكن لازالت خايفه هالكلام من مغرب امس الين الحين

[MAMAMy]

ممكن تكون خافت على الكيتنز
علشان شمت ريحة غير ريحتهم
طمنها و اكلها علشان تطمن و هيه نايمه ادعك فيها البطانية علشان تأخذ ريحتها
و حطهالها تلعب بيها لحد ما تتعود عليها
بعدها حطها عادي

[شاهستا]

يمكن خافت من البطانيه ؟

بلاش البطانيه دى لان فى قطط بتخاف من اشكال او ملمس معين

استخدمى اى بطانيه تانيه وقوليلنا هيحصل ايه ؟

ومتقلقيش

[قطتي روز]

رجعت لها القديمه اللي كنت ناويه اغسلها اصلا نظيفه مافيها شي بس انا من زيادة الحرص كنت بغسلها

المهم انها تحاول الان تهدأ لكن لو سمعت اي حركه ( تتحرك بسرعه ) لازال فيها زي صدمة الخوف

ياربي اهي مره تثق فينا بس مادري ليه خايفه هالمره بشكل كبير

[شاهستا]

معلشى متحاوليش تعملى اى حاجه غير الى متعوده عليه

ابعدى عنها اى حاجه بتخوفها او بتقلقها وان شاء الله خير

[باغيرا]

وعليكم السلام ورحمة الله وبركاته
اهلا وسهلا فيكي
الان اتركي لها الطانية القديمة ولاتغيري لها لانها حاليا في حالة عصبية ( الله يهدي بالها^^ )
والان اتركيها شوي مع الكيتنز حقونها ولا احد يقرب عليها ولاتزعجونها عشان ترتاح وتشعر بالامان
وان شاء الله اذا تركتوها فترة مع الكتينز لوحدها رح ترتاح وتطمن وترجع مثل اولا ولا عاد تحطي لها
البطانية المرعبة هذه ^^