الحقوني :((

[Say]

ساعدوني بخصوص الفطريات ..

السلام عليكم

قطتي لها اسبوعين او 3 تقريبا بدأت فيها الفطريات فوق الاذن وجنب الاذن الثاني

المهم بدأت بمعالجتها بالبيتادين اول شي وكان لون الجلد وردي وبعد اسبوع تقريبا صار لونه اسود وبدأت احط مرهم لاميزيل بعد ماقلي الدكتور عليه وصار اسود زياده واحس المنطقه اللي جنب السواد بدا يصير لونها وردي وبدا يخف فيها الشعر انا خايفه تزيد فيها الفطريات اليوم اشتريت بخاخ لاميزيل وبخيت على الاذن كله هل هذي الطريقه صحيحه او لا يعني بخيت الفطريات وماحواليها .. وبعد عشر دقايق احط بيتادين .. بس انا خايفه الحين تشرع فيها الفطريات وتزيد ايش اسوي

والمشكله قطتي عندها كيتن والكيتن ملصقين فيها 24 ساعه واذا ابعدتهم عنها يصيحون وتصيح امهم فما اقدر امنعهم منها ايش اسوي عشان ماينعدون منها (

ساعدوني الله يخليكم (

[Octopus]

كم عمر القطة الام و الكيتن

[شاهستا]

اهلا بيكى

ياريت تبصى كوه اذن أقطه فى حاجأت سودة كنير ولا لا

[Say]

عمرها سنه وشهرين تقريبا والكيتن شهرين ونص

لا الحمدلله مافيه شي داخل اذنها بس فوق الاذن وجنب الاذن الثانيه

[فاتـــو]

اهلين ياقمر

العلاجات اللي انتي جايبها ممتازه لكن الطريقة خاطئه

اولا لازم القطه تتروش مريتن بالاسبوع بشامبو فافو

وتدهنين الاماكن المصابه بمطهر بيتادين الاخضر

وبعدين تحطين مرهم بنزانيل او لامزيل

وبعد مايمتص الجلد كل من المطهر والمرهم ترشين بالبخاخ اللي معك

هذي الطريقه مرتين في اليوم

استمري لين تلاحظين ظهور قشور سوداء وهذي دلائل بدايه الشفاء بأذن الله

بس ممنوع البخاخ او الشامبو اثناء الاستحمام بدخل جوه الاذن

العلاج يكون خارجي فقط

حاولي تبعدين الصغار من الاماكن المصابه قدر الامكان

وان شاء الله تكون الفطريات هذي نوع غير معدي

ماتشوف شر ..

[Octopus]

صح كلام فاتو حاولي تبعدين الكيتن و ملاحظة الكيتن مالك في عمر الفطام و خليهم يعتمدون على نفسهم لان الفطام في القطط يبدا من سن شهرين الى ثلاث شهور

[Say]

الله يسعدك يافاتو ان شاء الله بمشي على طريقتك ويارب يارب تتشافى قطتي وماينعدوا اولادها ياارب ..

شكرا لك ولكل من شارك

[فاتـــو]

الله يسلمك ياقمر

لاتنسين تطمنينــا