كتني 3

[توفي وكتني]

السلام عليكم ورحمة الله وبركاته

مرحبا بكم في الجزء الثالث


بعد المغرب جلسنا مع بعض جلسة عائلية
مضمونها كيفية الاعتناء بالسمك+مشاورات على اسم
البس الجديد و(اتفق القوم على ألاّ يتفقوا)
وصلت الأمور لحد ان الأغلبية وافقت على
اسم massari.....(قلّت الأسامي في العالم)
ولكن ولله الحمد نتج الاسمkitney
وفي جلسة الانس هذي خالتي قالت لي: صوريه وارسليه لخالتك2
وفعلا حصل..
والرد كان: وع!!!!!!!!!!!!....رغم انها من محبي القطط ولكن الحق ينقال كتني كان فعلا ...شين.
وقتها كان عندي هامستر اسمها توفي
كنت مدلعتها آخر دلع
اصرت خالتي انها توري كتني
لتوفي
Kya museebat hai
طبعا توفي ماتتصور ان في احد ياخذ
مكانها....وقفت وفتحت عيونها عالأخر وكان باين
عليها الغضب وعلى هذا الحال وقت طويل (تخيلتها
تقول: هيه انت يابو اربع رجول...مضيع بيتكم؟)
بعدين راضيتها ببقدونس....ومشى الحال...فاتفقنا انا وخالتي بما ان بكرة الخميس, نروح نودي
كتني للبيطري..الفحص والتطعيم..
مشكلة المشاكل لين الحين مانعرف متدرب على
حمامه اكرمكم الله والا فين ماتجين احطك؟!!!!
فقررت لانوم بعد اليوم لازم اسهر لين الصبح
واذا قام أي احد اسلمه الshift النهاري
والاستراتيجية تقضي بأنه كل ماشعرت بأن كتني متضايق
اوديه حمامه كذا 3 الى 4 مرات يحفظ مكانه وهكذا لمستلم وردية النهار...
تلك الليلة ماخليت منبه ماشربته ...شاي ....بيبسي....بيبسي
....شاي.....بيبسي.
وكتني مايشوفني اشرب شي الا وازعجني عليه ...ياخي وش تبغى
توك ماكل..واروح احطله حليب والا موية ..قرّب اذان الفجرالساعة 3وربع وانا ماشوف قدامي..واردد ياليل مااطولك...اللي بيقوم بدري مره يقوم الساعة 11....ومع اذان الفجر
حصلت المعجزة...
سمعت صوت خربشة ورحت اتاكد لقيت كتني راح حمامه اكرمكم الله
من دون ماادربه عليه قطوي ذكي ...(خنقتني العبرة)
واستنتجت من هذا انه عمره شهرين كاملين
وان صغر جسمه يعود الى سوء التغذية..
وماتذكر متى نمت وكيف نمت حتى..
بعد صلاة العصر طلعنا لموعدنا..ووصلنا للعيادة البيطرية بعدما كسّر
رووسنا في السيارة مياو مياااااااااو...اااااااو...اااااو...نصف ساعة ومتواصل....محرّج...
دخلنا العياده بسم الله..الطبيب بدأ يفحص وكتني معصب.
الطبيب: شو حلو هالتايقر!!!من فين جبتوه؟؟؟؟شو اسمه؟؟؟
خالتي:كتني......الطبيب: شو معناه؟؟ خالتي : ماله معنى ....
وبدا يدخل الابرة في عضل الكتف وصرخ كتني ذيك الصرخة المدوية
الطبيب: خلاص حبيبي خلاص... زعلناك؟ آسفين ....عم توجعك؟ معليش
آسفين...
خالتي: الله يعافيك عطه شي يهدّيه او ينومه لأنه خايف من السيارة...
وعطاه مضاد حيوي وقال مافيه شي وتعالوا بكرة عشان التطعيمة الثانية...
رجعنا البيت وهو نايم وطول نايم ....لكن نتيجة هذا النوم غوغائية شديدة
ودمار شامل....

ترقبوا في الجزء الرابع ( الغوغائية+المفاوضات+الدمار الشامل)....


فائدة اليوم


اتمنى اني ماطولت عليكم واتمنى تعجبكم