اشترك في نشرتنا البريدية ليصلك كل جديد

ابو محمــد · 02-10-2009, 11:05 PM

مشكورين جميعا بدون استثناء وانشاء الله نشوف تجاربكم .

o9Liii · 03-10-2009, 12:16 AM

اقتباس:

المشاركة الأصلية كتبت بواسطة ابو محمــد

اخوي خالد اسمح لي احذف الشماغ اجلالا وفخرا بهذا التفكير الرائع وبصراحه حمستني اسوي طريقه الملعقه والى الاماااااام يا بطل.

يعطيك ربي ألف عافيه أبو محمد

ما نجي إلا قطره في بحرك طال عمرك

أشكرك على اطراءك يا غالي

ashoog · 04-10-2009, 09:18 PM

اقتباس:

المشاركة الأصلية كتبت بواسطة o9Liii

عدنا لكم اليوم بلعبه جديدة

كرات الصوف

المستلزمات كالتالي

خيط صوف لون واحد أو عدة ألوان + مقص

صورة توضح خيوط الصوف المطلوبه

نلف كمية لا بأس بها من الصوف

تقريباً بسمك اصبعين كما هو موضح في الصورة

تنقل خيط الصوف الملفوف على أصابعك

وتطلب من أي أحد أن يساعدك في ربطها في المنتصف ويجب أن تكون العقده محكمة (يعني اعقدها مرتين)

لتصبح كما هو موضح في الصوره

ثم نقص الصوف الملفوف كما هو موضح في الصورة

لتصبح بهذا الشكل

ولخبطها بيدك شوي وبتصير كذا

واربطها على الإستاند وسوف يقوم ببغائك بسحب الخيوط واحد ورا الثاني لين تخلص

وأخيرا هذولا حبايبي كوكو وأليكس مبسوطين باللعبه

اتمنا تكون اعجبتكم اللعبه وترقبو القادم بإذن الله غداً

تقبلو تحياتي

أخوكم خالد

ماشاء الله علبه مررررره حلوه
بسويها لببغاتي الاموره

بدوية ماركة · 05-10-2009, 02:34 AM

العااااااااااااب روعه وطريقة صنعها سهله
ان شاء الله اجربهااااااااا قريبا جدا

جزاك الله خيررررر
وبانتظار طرق اكثر واجمل

عآآشق الهآمستر · 05-10-2009, 02:55 AM

سويت طريقة الصوف بس مانفع): و سويت لعبة من صنعي بس ماعندي صور بس ابشرحها بالتفصيل الممل

معليش وللمعلومية العبة من اختراعي وتفكير لحد ينقلها إلأا بذكـر اسم المنتدى معليش ياخوان بس هذي افكار
المهم نبدأ
الاحتيـاجـات
1-مرمى كورة سلة الدائرة..شل الحبال إلي عليها ولازم يكون حجمهآ صغير

2-حبلين من الصوف على طول الاصبع

3-معلاق

الخــطوات
1- خذ مرمى كورة سلة خذ المعلاق حاول تربط بين الاثنين يعني هي تكون دائرة وبدايته يكون مب دائرة خطين او عمودين مستقيمين ثمين تبدا الدائرة هذولي العمودين خذ السيم ولفه عليهم كم من لفه 5-4 مرات ويكون كذا المرمى مايتحرك واجد وينهبل الببغـاء و علشآن يقدر يثبت الببغاء زين.

2-يكون كذا المرمى جاهز تأخذ حبلي الصوف إلي طولها طول اصبع وحاول ماتكثر واربطها على القفص من فوق علشآن يقدر يقعد عليها الببغاء او يعضها؟انا ببغائي جديد ويعضها

..انتهيت..بس ياخوان ترآهـا ما ادري لو يحصل اي شييء بس خبروني إذا واحد زينها تكفون
وترآهـآ تصلح كـ مرجيحـة

تحيتي وياليتكـم تسونهـا

ابو محمــد · 05-10-2009, 05:58 AM

عاشق يعطيك العافيه ع الشرح الممل ,,
لكن اذا في صور يكون افضل عشان الاعضاء يستيفيدون اكثر,,
مشكور ع الافكار الجهنميه.

لا انسى مشكورين ع المرور بدون استثناء.

عاشق الكاسيكو 11 · 05-10-2009, 09:41 AM

يعطيك خمسين مليار عافيه

تسلم على الموضوع الي منك يا عسل

ashoog · 05-10-2009, 10:14 AM

مرحبا لجميع الاعضاء وخاصه بو محمد صاحب الموضوع
درتي الجميله دائما توقف في زاويه القفص
وتعطينا ظهرها من خوفها الشديد
قلت لازم احط لها حاجه في هالزاويه
منها لعبه ومنها تلهيها عن الزاويه
و اخترعت لعبه حلوه وبجد انا مخترعتها لحد يسرقها مني

الادوات بسيطه جدا
خيوط صوف بألوان زاهيه مع مقص طبعا بس نسيت اصوره هههه

نقص خيط طووويل ونثنيه على بعضه ويصير عندنا خيطين مثل هالصوره

ونبتدي نلف بداية الخيط و نهايه الخيط نلف نلف نلف نلف وبعدين نربط الطرفين لين يصير مثل هالشكل

ملاحظه على هالصوره اذا تبغون الخيط يكون عريض بعد ماتلفونه لف تثنونه على بعض وهو راح ينلف على بعضه و اذا تبغونه اعرض اثنوه على بعض مره ثانيه و ربطو الطرفين مثل الصوره السابقه
في الصوره السابقه انا ثنيت الخيط مرتين وطلع لي بهذا العرض.
يلا نكمل ..
نسوي نفس الخطوات مع خيط بلون اخر ونحاول ندخل الخيطين مع بعض بشكل سلسله
وهذي طريقتها بالصور
الخيوط بتكون مثل الحلقه ناخذ الخيط الاول وندخله تحت الخيط الثاني مثل الصوره

ونسحبه بشوي شوي ونخلي الربع و نرجع الخيط لفوق مثل الصوره

ونسحب ربع الخيط اللي تحت لفوق عشان ينربط مع الخيط الثاني

لازم نشد عشان يكون مربوط عدل وهذا الشكل النهائي

وحطيته في القفص عند الزاويه اللي دائما يوقف فيها ببغائي الحلو

اتمنى ان الشرح بسيط و مفهوم واي استفسار انا حاضره ...

الرجاء ذكر المصدر اللي هو انا ashoog من منتديات تو زوو