✿[ اسئل هنا عن الهامستر ]✿

[qqlllpp]

انا فصلت همستراتي من 4 ايام واليوم رجعتهم مع بعض لاكنهم يتضاربون شو ضرابه الا مذابح شو اسويلهم اخافهم يموتون مالعض

[misca]

qqlllpp

هامستراتك سوريين او روسيين ؟

[qqlllpp]

روسيين

[رعوود]

اخوي يمكن


صار معاك

نفس الي صار معاي

فصلتهم ويوم رجعتهم تهاوشو


احسن شي


تحطهم بقفص واحد

وتفصل بينهم


بحيث

يشوفون بعض

ويشمون ريحة بعض

بدون ما يضربون بعض

وبعد اسبوع

ادخل الانثى عن الذكر

[اريج الرمحي]

شكرا للرد على سؤالي ولكني ازيد حيرة مع هذا الهامستر وعلى فكرة هامستري هو نفس الهامستر الي في الصورة..ولكن اليوم صار معي شيء مزعج لاني اخذته للدوام معي وحاولت اني الاعبه عن طريق المسح على وبره ولكنه عضني وتسبب بجرح في اصبعي وانا اعمل طبيبة في احدى العيادات فمن شدت خوفي اخذت مطاعيم خوفا من من أي تسمم، انا حزينه لانه لم يستوعبني بعد ،لذلك كنت قد قرأت ان الاطعام باليد وسيلة لتقرب الى الهامستر ولكن سؤالي هو كم مرة علي اطعامه فأنا أضع له انواع كثيرة من الطعام والاحظ انه لا يأكل كم أنه كثير التبرز وهذا ما جعلني انفر منه ومن ملاعبته ........كما انه عصبي ويبدأ احيانا بالصراخ حين احاول مسكه

---------------------

اه نسيت ان اقول ان ما في خط على ظهره

[رعوود]

اختي


اريج


ممكن يكون روسي البينو كامبلس

وممكن يكون سوري


اذا تقدرين تحطين صورته يكون احسن



وبالنسبه لترويضه

انتي اول كم يوم
ادخل يدك القفص

بدون ما تحركينها

عشان يعرف ريحتك ويعرف انك ما راح توذينه


ومن بعدها

ابدئي باطعامه باليد
وبعدها شيليه


وان شاء الله تتوفقين

[Withered Rose]

مرحبا فيج أريج في منتديات توزوو ..

الهامستر لما نغير مكانه أو ناخذه إلى مكان آخر و حتى نبدل قفصه طبيعي إنه يتوتر و اهو يعض لأنه خايف و هذا موضوع راح يفيدج و الهامستر مع مرور الوقت راح تكسبينه ..
http://www.2zoo.com/vb/showthread.php?t=6977

[qqlllpp]

مشكور رعوود عالرد وبجرب هالطريقه


واضن ان هامستر الاخت اريج الرمحي سوري لانها قالت عضها وجرحها
انا جربت اربي السوري وعضني وطلع دم بس الروسي الحين اربيه يعض بس ما احس بعضه ولا يعلم فاليد

ارجو تصححونلي هالمعلومه اذا كانت غلط

----------------

وحده من هامستراتي زاد حجمها وايد يعني يوم اشوفها جمب جوزها الاحض انها كبرت فهل هذي سمنه ولا ىثار حمل لانها بس من مده قريبه صارلها هذا الشي واحس بها قلت حركتها

[Miss lexus girl]

.. تشكــرات على الموضوع ^_^

الهمستر اللي عندي..

أمس جربت أدل يدي.. العلبة

طبعا هو حاليا محطوط حوض سك بلاستك النوع اللي فوق فيه بلاستك مخرم ويتبطل بالوسط..!!


من أدخل يدي من فوق.. يقعد يصاارخ.. حتى ما ألمسه. مرة قربت صبعي من فروه نقز نقزة..

هذي أول شي..

عقب ساعة وشي خليته يهدأ.. دخلت يدي مس ظفري بهدود وعضه بس شكلها خفيفة لأن ماصاده شي. بس خفته ينكسر قريب العيد :d

المهم بعدين بالليل تجرأت حطيت أصابعي.. كن هدئ قلت بخليه اذا قرب.. وفعلا تقرب وعظنــي..

صح ظروسه صغيروونة.. بس جنها غجة إبرة ضغطت على صبعي وقطر شوي دم..
فهل هالشي خطير..؟؟ وشسوي له إذا قام كل يعضني؟؟

للعلم انا مسكت قطعه جزرة صغيرونة وهو مسكها الطرف الثاني.. قبل ما يعضني يمكن بساعتين..


وشي ثاني.. ساعات أشوف يدور بالعلبة وعيونه مغمضة..!!

يعني هو مريض ولا طبيعي؟؟ وساعات يمشي مبطلة عادي


ومثل ماقلت هو بحوض صغير والنشار تقريبا 2 و 3 سم..

أمس شفته يحفر ويحرك بالنشارة.. لين جمعها كلها جهة..صار نص الحوض نشارة ونصه خالي..!

وللعلم ترى حطيت لي شوي كلينكس.. ليما أشتري ناشةر..

بعد جمعه جهة النشارة.. وسوا له مثل الحفرة بالوسط ينام فيها

هل هذا تصرف طبيعي.. على أساس الحو صغير وللحين مافيه بيت؟؟


شي ثاني بالنسبة لحركته.. اليوم الفجر ماقدرت أنام من ربشته.. يدور بالحوض

ويتعلق بالبلاستك اللي فوق ويعضضه ويطيح ويرد يقوم..

للعلم تراه يسوي هالحكة يوم أشيله من على الأرض وأحط القفص ع الكوميدينة..

مادري شفيه.. وهل بيظل مزعج جذي ولا بيخف مع الوقت والتعود؟؟


آخر سؤال.. أقدر أخليه كم يوم في هالحوظ؟؟

لأن أبي أتطمن إنه تعود ومابيموت..

ما أبي أشتري له قفص وأغراظ وأكل ونشارة.. عقب يموت

فأقدر أخليه جذي ثلاث أربع أيام بهالحوض وهالنشارة. وأعطيه خضار لين أتطمن عقب أجيب له الأشياء؟؟

ولا في خطر عليه؟؟

وهذي أسئلتي للحين لول..

والسموحة ع االاطالة ..

[Withered Rose]

qqlllpp

وحده من هامستراتي زاد حجمها وايد يعني يوم اشوفها جمب جوزها الاحض انها كبرت فهل هذي سمنه ولا ىثار حمل لانها بس من مده قريبه صارلها هذا الشي واحس بها قلت حركتها

إذا السمنة مرتكزة في بطنها و صاير المكان صلب قليلاً و مدور إحتمال إنها حامل .. حاول مراقبة سلوكها مثل تصير عدوانية قليلاً تجاه الذكر و تحاول إبعاده عن العش و زيادة تخزين الطعام و تكوين عش للولاده ؟؟!
و إن شاء الله تكون حامل


Miss lexus girl

مرة قربت صبعي من فروه نقز نقزة..

إي تصير وايد إذا كانت الحركة مفاجأة تقدرين تتحاشينها انج شوي شوي بالبطيئ قربي إيدج منه اهوا بدوره راح يكتشفها و يشمها و حاولي تلتقطينه بالعدال ..

صح ظروسه صغيروونة.. بس جنها غجة إبرة ضغطت على صبعي وقطر شوي دم..
فهل هالشي خطير..؟؟ وشسوي له إذا قام كل يعضني؟؟

لا مو خطير عادي ، بس بالبداية جذيه يصيرون الهامسترات إدعل بس اهو ما عض إلا و هو خايف ممكن يكون ما أحد لعب معاه من قبل و خاف من أول مرة بس بعدين يصير اوكي ..
هذا موضوع إن شاء الله بيفيد http://www.2zoo.com/vb/showthread.php?t=6977

وشي ثاني.. ساعات أشوف يدور بالعلبة وعيونه مغمضة..!!

يعني هو مريض ولا طبيعي؟؟ وساعات يمشي مبطلة عادي

إي يغمض و هو يركض لأنه مندمج بالركض لول و لاحظتها تصير بالهامستر السوري أما الروسي يبطل عيونه ..

أمس شفته يحفر ويحرك بالنشارة.. لين جمعها كلها جهة..صار نص الحوض نشارة ونصه خالي..!

النص اللي فيه النشارة أهو العش حاول تعطينه شي ثاني إذا كان برد مثل المناديل الورقية و الأقمشه الصوفية أو القطنية المقطعة ..

ويتعلق بالبلاستك اللي فوق ويعضضه ويطيح ويرد يقوم..

للعلم تراه يسوي هالحكة يوم أشيله من على الأرض وأحط القفص ع الكوميدينة..

مادري شفيه.. وهل بيظل مزعج جذي ولا بيخف مع الوقت والتعود؟؟

ما فهمت عدل والله بس إحتمال إنه يقرض البلاستك عشان أسنانه عطيه قطعة خشب زين له ..

فأقدر أخليه جذي ثلاث أربع أيام بهالحوض وهالنشارة. وأعطيه خضار لين أتطمن عقب أجيب له الأشياء؟؟

ولا في خطر عليه؟؟

كل ما استعيلتي أفضل له لأن الحوض يتعبه أما إذا كانت العجلة موجوده ممكن تخلينه لحد ما تشترين له القفص ..


تربية موفقة Miss lexus girl