فرخ الدره كدا طبيعي؟ + طريقه اطعام الفرخ؟
السلام عليكم ..
اليوم شريت فرخ دره غير مفطوم .. حتى الريش بعد ما اكتمل ..
طبعا قرات اكثر من موضوع عن العنايه بالفروخ .. وفرتله جو دافي .. وحاولت اني اخليه على طول بالكرتون عشان مايتغير عليه الجو ..
بس انا ملاحظ عليه اول ماجبته دايما ينزل راسه على تحت ويروح في الزوايا او عند رجولي اذا كنت جالس جنبه .. وقبل شويه حاولت اشوفه لقيته نايم بس كان رامي نفسه على نشارة الخشب كانه ميت "يعني كان فارد رقبته على النشارة وراسه عليها"
هل كذا الفرخ طبيعي ولا لا ؟؟
الشي الثاني وقت ماحاولت ااكله سيريلاك بالابره صراحه ماعرفت كيف ؟
انا سويتله ملعقه صغيره سيريلات "قمح مع فواكه" يمكن اللي اكله نص الكميه والباقيه كله يطلع من طرف فمه ..
يعني انا ابا اعرف الحين ااكله بالابره ولا ادخل الابره بعد لسانه واخلي الاكل ينزل على بطنه على طول ؟؟ >>>>> ترى اول مره اجيب فرخ سامحوني ما اعرف ويش اسوي
طيب وبالنسبه للكميه ايش رايكم طيب "ملعقه صغيره" سريلاك ؟ وكل كم ااكله ؟؟
اسف عالاطاله ..
|