أستفسارات حول الكاسكو

[NEMESI-S]

السلام عليكم ورحمة الله وبركاته


كيف حالكم شباب أنا عندي طير كاسكو شاريه الوالد قبل 4 شهور

خذية الطير طبعا الوالد حسبه فرخ بس بعد ما سألت بعض الخبراء قالولي الي عندك تجاوز 3 سنوات لأن عيونه مصفره .

الطير أول ما ستلمته يجعر وكلش مو أليف أنا تخميناتي أن هذا مو تفريخ بلدي شكله مصيود من أفريقيا.

المهم دربته أنا 4 شهور والحمدالله صرنا نلعب صيد مصيد بالبيت

المشكله المصتعصي علي هي مشكلة ان ما يتكلم حولت أعلمه بس (عمك أصمخ )...

أنا كل العب بلاستيشن 3 يجي الاخ عندي ويصعد على كتفي ويقعد يرجني بتصفيره البايخ الي مافيه ذرة فن

المشكله الثانيه وهي أني اول ماخذيته كان يطير فكلمن أقرب منه ينحاش فظطرية أقص ريشه
وبعد فتره طلعته بالحوش حسبالي ما يقدر يطير والاخ شكل دارس فيزياء اول ماجة نسمة هوه نحاش وبصدفه صدتة الله سلم وعرفة اي شجرة انحاشلة المهم مرة الايام وروضناه

بعد ما روضته أنا أبيه الحين يطير عشان يقدر يجيني بسهوله الغريبه علما أني قاص ريشه قبل 3شهور ألى أن ريشه لحد الحين ما طال ولا شبر .

اليوم والله جد كسر خاطري صعد على كتفي ويبي يرجع للقفص عن طريق الخطوط الجويه
بس للأسف حدث خلل فلأقلاع...
وتشوفه مسكين يحاول يطير ووهو واقف فكتفي جد كسر خاطري

المشكله الثالثة المنتدى حمسني وودي أفرخ طير الكاسكو ولاكن سمعت من الشباب الاليف مايفرخلك لأ يوجد طريقه أخليه يفرخ يعني اعزله 4 شهور ورجعه مر ثاني وخلية يفرخلي ولا خلاص راحت علي لازم اجيب غيره؟

وأسف على الاطاله

مترقب تجاوبكم