مشكلة مع طيري له اسبوع

[أم صدى]

شكرا اخوي يمكن اكون مستعجله
بس اليوم فتحت له راس القفص اخترش في البيت اخرتها مسكته بالبطانية جلس يعافر ويزاعق ما تنفع معاه حركة يد قدامه ويد تحك راسه نفس اليد امسك منقاره واحكه
ي الخير غمست اصبعي بعسل ولحسه وبدا يهجد
احس بكره بيسوي نفس الشي وبعده بدا ما يجعر في وجهي اذا طليت في وجهه
تسلمون انتم اعطيتوني ثقه في نفسي كبيره

[أم صدى]

صحيح قريت ان الطير اذ بدأ يطرقع بمنقاره معناته بدأ يتوالف
صح أم لا؟

[أم صدى]

لا يفوتكم
اكلته بعود وأكل
تطور
مع الوقت بياكل من يدي

[كاسكـــو]

استمري على فعلك راح يتوالف ان شاء الله مافي ببغااء بالعالم مايتوالف

بس بقول لك المده الافتراضيه اللي يحتاجها الببغاء عشان يصير اليف

هي من شهرين الى اربع شهور وممكن تزود شوي على حسب مجهودك وخبرتك

والعمر مو مهم يعني سواء صغير ولا كبير كلها تتدرب وتتوالف وتتكلم صح ان الصغير اسهل بس عادي مو ذات اهميه

[أم صدى]

شكرا اخوي وزين انك بينت لي انه يبي له اربع شهور
وان كانت على الخبره انا زيروا خبره بس احب الطيوراتذكر كان عندي واحد ما كان ياكل من يدي بس احك راسه من ورا ء القفص
بس ما كنت ادري ان ممكن اني ادربه وكنت صغيره
شكرا لك وفقك الله

[أم صدى]

طيب هل هناك تطعيمات أو علاجات لازم أسويها له

[كاسكـــو]

المشاركة الأصلية كتبت بواسطة أم صدى

طيب هل هناك تطعيمات أو علاجات لازم أسويها له

تبين الجد انا اربي ببغاوات من سنوات عديده

ماعمري عطيتها تطعيمات ولاشي والحمد لله ماصار شي سليمه المهم اهتم بنظافه كل شي ماء+أكل+قفص

والعلاجات نستعملها في حال انه مرض الطير فقط

[fawzi]

الطير يحتاج الى وقت كي يتاقلم على المكان ويتعرف على االاشياء الي حوله ومشكله الافريقي انه حساس لاي شيء من حوله حذر ومتذمر لدرجه كبيره الصبر هو مفتاح الفرج وشوي شوي ان شاء الله راح يوالف ويثق بالناس الي حوله لانه مو مثل الامازوني سهل التدريب والترويض .......اما عن التطعيما ت يوجد تطعيم للطيور مرتين في السنه كل سته اشهر لاكن مافي احد يطبق ونصيحه اهم شيء الماء مايكون من الحنفيه اقصد الماء العادي لاتعطينه دائما الماء يكون نقي ماء صحه افضل شيء

[أم صدى]

شكرا لكم الله يجزاكم خير
انا طيري اليوم حملته بالبطانية بصعوبه
و جلس هادي بس يوم حس اني خففت البطانية قعد يرافس وقدر يحرر نفسه ورجعته للقفص
أكيد يبي لي وقت
ويرفض ياكل من يدي طبعا ب لما احط الاكل في عودد ياكل ويقرص العود شوي

[fawzi]

استمري على الطريقه وان شاء الله راح ياكل طبيعي بس نصيحه لاتستخدمي البطانيه