ممكن Withered Rose أو أي خبير

[خالدو11]

طيب اش أحسن الروسي ولا السوري ؟؟؟؟؟

[خالدو11]

شوفوا أنا أقول مو سوري عشان السوري ما يحب الجماعات أنا حاط الذكر والأنثى مع بعض باعكس ما يتضاربون يلعبون مع بعض وعمرهم شهرين

[رعوود]

اخوي الروسي اغلب الناس تقول انه افضل من السوري وانا منهم



لكن هي تعتمد على الشخص نفسه





وهم ما يتضاربون يمكن لانهم صغار او فترة التزاوج

[خالدو11]

طيب جزاك الله خير

[رعوود]

والجميع ان شاء الله واي سؤال انا حاضر

[Miss lexus girl]

.. مثــل ما قــال رعوود

مافي هولندي.. كل النوعين روسي وسوري.. وفي صيني بس مو متواجد بأسواقنا

بس لأن السوير ألوانه وأشكــاله وايـــد.. يطلعون له مسمسيات مختلفة هولندي أندونوسي وإلخ

وبالنسبة لتربيته.. بس يبيله عنايــة أكثر من الروسي من ناحية التنظيف والفصل وإلخ ..

[خالدو11]

أنا ما أبغى أفصلهم خليهم ما عندي إلا قفص واحد والدليل إنهم يحبون بعض لمن أخرج الحرمة برة القفص الرجال يعضني وما يتضاربون ومشكورين

أنا ما ارضى إلا بكلامWithered Rose لو قالت نفس كلامكم صح ومشكورين

[خالدو11]

والله ما قصرت أخوي رعوود بس ممكن تعطوني دليل تربية السوري

[الفراشـــــة]

اخوي خالد ان شاء الله تجي ويذر و ترد عليك ..

بس قبل ما تيي خلني أرد عليك ..

الله يسلمك ..

بالنسبة للأكلات هو ياكل نفس اللي ياكله الروسي ..

خس و تفاح و بذووور جافة ( بذور ذرة و حب شمسي و حب طيور ) و انا شريت الطعام الجاف

من محل بيع الهمستر و حتى النشارة نشريتها من هناك ..

خلهم الحين مع بعض و إذا شفتهم متعافسين افصلهم ..

و اتبع طريقة الفصل كل 94 ساعة ( أقل من اربعة ايام بساعتين ) ..

و رد رجعهم القفص عقب هالمدة .. و لين ما صارت حامل .. رد كرر الطريقة ..

نظف القفص اسبوعياااااااا بالماء و المطهرات اللي بتوصفها لك دكتورتنا ..

انا اليوم نظفت القفص بس بمااااااااي

كان نظيف مرررة .. صار لهم عندي بس اسبوع

و لما بتنظف القفص يا اخي .. لا تزيل الطعام المخزن كله .. و لا تزيل النشارة كلها ..

خل اشوي هنااااااااك

عشان همستراتك ما يخترعون من الريحة الجديدة للقفص و يحسبون انهم بمكان ثاني

احنا يبيهم يتعودون !

و طبعا ..

( و الله انا اقول هالكلام مو من عندي .. من عند ويذررر لأني قرأت قسم القوارض بكبره قبل

ما أشتري همستر )

و الأفضل لو حبيت تلاعبهم تروحون لهم في المساء ..

و لين بغيت يتعودون عليك لا تغصب عليهم تمسكهم من الحين ..

بس قرب ايدك ببطء عشان يشم ريحتها و يتعود عليها .. و أكله بايدك قرب ايدك و فيها الاكل

و هو بيشم الأكل وبيجي لك .. ( الخسسس و القرنبيييط ) أكلهم هالأكلات بايدك تراهم

بسرعة ينجذبون حق هالصنفييييين ..

و مع الوقت بيتعودون على ريحة ايدك .. لا تقرب ايدك نحوهم بسرعة ترى يختبلون و يهربون ..

و لما تصير الأم حامل عطها حليب بدون دسم .. و جبن غير مملح و بدون دسم او قليل الدسم ..

( ما اعرف اذا كان قليل او بدون ) يقولون جبن شيزدل مكتوب عليه للرشااااااااااااااااااقة !

و في أواخر أيام الحمل أفصل الذكررر عنهاااااا و خلها هادئة و لا تطلعها من القفص لا تاكل اولادها !

و لا تزعجهم بالصبح او النهااااار حافظ على الهدوء هههههههه .

اتوقع ان معظم هالأشياء انت عارفها ..

و دامك عارفها يعني اكيد بتقدررر تخلي الهامستر يعيش عندك أطول فترة ممكنة ..

و ان شاء الله تجي هاللي ما ادري شنو اسمها ويذر ما ادري شنو و ترد عليك ( ما حفظت اسمها الله يسلمك ) ..

تحياتي لك

[الفراشـــــة]

على فكرة اذا بتفصلهم .. ما عندك قفص

خذ لك سحارة مالت فواكه ( هههههههههه ) أو سلة أو شيء من هذا القبيل ( تغني عن القفص )

و حط داخلها كارتون عطرر كبيير و حط داخله اشويه نشارة ( يغني عن البيت ) .. و حط مــاي في

وعاء ثقيل عشان

ما ينكت .. و تكون سويت بيت مؤقت بس ( انا حاطة عجلة يا زعم عجلة محد مفتكر فيها و وجودها

او عدم وجودها واحد و يقولون انها من الأساسيات بعد !!!! )

تحيـــــــــــاتي