حضانة البيض عند الكوكاتيل

[CaTTy]

لووووول مستر ميمو شسوي اهم اللي طلعولي قرون

ابو الفروخ الرمادي

اللوتينو ما توافقت كلش معاه ولا تزوجته ولا مره بكل مره كان يقرب صوبها تطقه

وبالنسبه للي قلته انه صارت منافسه بعد ما ماتوا الفروخ

تهاوش اللوتينو مع الرمادي واهي كانت واقفه بعيد ... انا قعدت عندهم ليما ركدت الهوشه

اهم تهاوشوا وكانوا يروحون لها يتقربون منها وما عطت ولا واحد وجه

المهم شفت انه بالنهايه الرمادي خووف اللوتينو وخلاه ينسحب

وبعدها صار تزاوح بينها وبين الرمادي

وباضت وفسد البيض

والحين اهي بايضه بعد واظنه بيفسد لانه نفس المره اللي قبل ما فيه تعاون بينها وبين الرمادي بالحضانه

شلون الحين ؟ اشيل البيض من تحتها وارميه واشيل العش ولا شسوي ؟؟

سبق وقلتلي مره اعزل الذكر الثاني عنهم واللي اهو اللوتينو .. انا فعلا عزلته بس كسر خاطري ورجعته لهم بعد يوم

اول ما شلته عنهم وحطيته بروحه وبغرفه بروح بعد ... الرمادي قام يصفر مادري فرح او حزن

واللوتينو يرد عليه بتصفير بعد

ولوو انهم كل واحد بغرفه غير

ورحت ورجعته لهم بعد يوم

[Mr. MeMo]

الاخت الكريمه كاتي


مسويه افلام و مسلسلات مع طيورك

اقترح عليك بعمل الاتي:

الذكر اللاتينو تخلصي منه ( بيعيه - اهديه )

الذكر الرمادي لن يدخل العش و يرقد على البيض بما انه
هنالك ذكر اخر في القفص

الخطوه الثانيه

و هي ازاله العش و البيض حيث ان البيض قد فسد
و ارحه الطيور لمده لاتقل عن شهر و من ثم اعيدي
و توصي في التغذيه

و الله يوفقك

[CaTTy]

عادي عادي اعتبره مسلسل مدبلج ماراح يخلص

اوكي بمشي على نصيحتك وبعزله لاني صراحه ماقدر استغني عنه

وبشيل العش عنهم


بس اخر سؤال

انا ودي اشتري انثى كوكتيل لـ اللوتينو

ينفع اشتريها وبعدين احطها اهي وياه بالقفص مع الرمادي وزوجته ؟

ولا ما يصير ؟؟


وشكراااا مقدما اخ مستر ميمو تعبتك معاي

[THE END]

بسم الله الرحمن الرحيم

ساجيب عنك يا مستر ميمو بعد اذنك بالطبع

** ** ** ** **

اقول

لا يفضل ابدا وضع اكثر من زوج في قفص واحد

خصوصا وانه قد نشب خلاف بين اللوتينو والرمادي

نصيحتي لك

لاتضعي اكثر من زوج في قفص واحد لتجنب العراك وما يصاحبه من خلاف على العش و تكسير البيض...

* * * * * *

وبالله التوفيق

:: دمت بود ::

[CaTTy]

شكراا اخوي The end

وانا سألت هالسؤال لانه القفص كبير متر وشوي يتسع لاكثر من عش

ومشكور من جديد على متابعتك للموضوع

[THE END]

بسم الله الرحمن الرحيم

العفو فكلنا اخوه في الله

اذا كنت تريدين طيورك للانتاج فمهما كان حجم القفص لايهم

اذا كنت مصره على هذا القفص فيجب عليك مايلي :::--

1- اذا شريتي الانثى للوتينو ضعيهما في قفص منفصل لوحدهما حتى يتم التاالف التام..

2- بعد فتره لا تزيد عن اسبوعين قومي بنقلهم الى القفص المشترك ويكون مجهز بعشين او ثلاثه..

3- وانا لا احبذ ابدا قصه القفص المشترك.

واسئل الله لك التوفيق في مشوارك

:: دمت بود ::

[محمد الرياض]

و الله موضوع جميل و شيق .. أخذ و رد و هواش و قرون !! لول

عمومًا دقوا علي إذا جت الحلقة الأخيرة =)

أخت ( كاتي ) الله يبارك لك في طيورك و يوفقك إن شاء الله و تشوفين فروخهم عما قريب ..

و الله الموفق ..

[CaTTy]

اوكي مشكور اخوي The end على الايضاح وكثر الله من امثالكم انت والاخ مستر ميمو

_________


محمد من الرياض

تسلم على الدعوات الحلوه

[Mr. MeMo]

سوري جاي متأخر فاتتني الحلقه حقت امس

و كان بطلها the end و كلامك سليم ميه بالميه
و انا اتبع نفس الاسلوب مع طيوري تسلم يالغالي
على المتابعه و تغطيه الموقف

و عساكم على القوه

[hmody]

الله على المواضيع الحلوى الول مره القراة رهيبه مره مشكورين