اشترك في نشرتنا البريدية ليصلك كل جديد

كويتية · 03-09-2007, 04:12 AM

هلا فيك أخوي

والله من غير رياء الحمد لله كل أقرا القرآن والحمد لله محافظه على أذكار الصباح والمساء والباقيات الصالحات بس وقت الفراغ مشكله أنا أكره التلفزيون وما أحب أسولف مع صديقاتي بالتليفون أكثر من خمس دقايق والنت حفظت كل المواقع والمنتديات وتعلمت الطبخ وبعدين ؟ ملل

شاكره لك مرورك شرف صفحتي
___________

اللي عنده حل للملل يسعفني فيه

فتى الاسلام · 03-09-2007, 04:31 AM

أختي كويتيه أنا عندي حل لهذا الملل بس لازم يكون عندك رغبة

الحل هو فيه كتاب أسمه (( أسعد امراءة في العالم )) هذا الكتاب للشيخ الدكتور (( عايض بن عبدالله القرني )) وما اتوقع انك ما تعرفين هذا الكتاب لانه كتاب مشهوور جدا ليس فقط في عالمنا العربي بل في العالم اجمع ,,,

وهذا الكتاب بيع منه أكثر من مليون نسخة حول العالم ,,,

كتاب جميل جميل جداً جداً أقريه أكثر من مرره وطبقي كل الموجود فيه وصدقيني رايحه تشكريني على هذا الكتاب ,,

هذي نصيحتي لك وأكثري من الاستغفار وشكراً ,,,,

فتى الاسلام · 03-09-2007, 04:40 AM

وعندي سؤال لك هو هل تعرفين الشيخ سعيد بن مسفر القحطاني ؟؟؟؟

ناصـر · 04-09-2007, 01:49 AM

تبيـن حلّ إنك تلقين ولد الحلال
وتتزوجينـه وتجيبـن عيال !!

وراح تنسيـن الملل والفراغ

..

ناصـر · 03-09-2007, 01:16 PM

1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

طبعاً الخسارة والتكاليف ع البابا !!
وأنتم فلــوها على التلفون

2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟

عشان يجيها شد عضلي !!
الأرض صلبـه وأنتم ما شاء الله رقيقات !!

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

عشان تسوي عزاء فـ البيت لا راح شعرها !!
والخسارة طبعاً على الموجودين عندها

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

ثم تفضح بـ أصحاب هالأصوات وتبتزهم !!
يودونها السوق ولكل مكان لها نفس عليـــه

5- امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي

طبعاً بيجيها أخوها الكبير ثم يمصطها بالعقال
أو يرميها من الدور العلويّ !!

6-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها

هذي تصير من المُعجزات طبعاً
البنات ( ثرثارة زايـدة ) عن حدها

7-امسكي منشفة وفكي الشبابيك ونظفيهم

وين فيـه مثل كذا أنتهوا قبل الألفيـــة هالنوعيـــة

8-سوي عصير برتقال واشربيه ؟؟؟

أفضل تسويه وتعطيه الشغالــة ( صدقينيّ )

9-افتحي نوتة التلفونات واختاري ارقام من العائلة ودقي عليهم وسوي حركة صلة رحم..

كذا تفتـح باب الغيـرة وتصير هوشات
ملهاش لزمــه دلوقتي !!

10-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

ماتشجعين ع الصداقــة
تنصحيـن كذا بالانطوائيـــة وتنعكس سلباً عليها !!

11-روحوا مواقع بطاقات وكاردات وارسلوا لصديقاتكم
لا دامه بلاش مايحبون يـ رسلون ( الكرم )
متأصل فيـهم ، ربنا يزدهم كمان وكمان

12-ادخلي غرفتك وحطي مكياج كاامل كانك رايحة لعرس ولطخي وجهك

شيء جميل تشجيع على الترشيد
وعدم الأكثار والروحـه للـ كوفيرات

13-امسكي دفتر تلوين اطفال واقعدي لوني ...كخخخ

طفولة مُتأخرة ياديّ الكسوف !!

14-اذا زهقتي افتحي دولاب ملابسك واقعدي قيسي ملابسك بدلة ورا الثانية<< يمكن يجي الصبح ماخلصتي من كثرهم

وأفضل لو تهديها لأخواتها
بلاش طمــع !!

15-روحي المطبخ سوي كيكة (هذا وجهي اذا احد اكلها)

طبعاً هذا إسراف لأن مصيرها ( الزبالة ) !!
حتى القطاوة ماتأكلها ..

16-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم

ولا طبو في إنسان فاهم بهـ اللُغة
قام يحرجهم ، ويبيـن لهم مدى سطحيـتهم

17-اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة

شيء جيــد ، حثيـهم وشجعيهم أكثر وأكثر
الدهون والشحوم ذبحـتكم بصراحــة

18-اقعدي على الكومبيوتر وحوسيه زي العادة

مافيـه شيء جديد الحوســة أمر طبيعيّ
أصلاً اذا ما حاست تحس فيه شيء غريــب

19-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات

قويات والله تقدرون تصيدون حشرات !!
سبحان الله : )

20-اطلعوا حوشكم ..والعبي كورة..وكسري انوار البيت

أهم شيء لاتتكسر هيّ براسها !!
ثم تونون في البيــت

إعذرينيّ حاب أخربط
لزوم هِـــنا

كويتية · 04-09-2007, 12:32 AM

سكرتها بوجهنا بدال لاتحبطنا عطنا حل

ناصـر · 04-09-2007, 03:45 AM

الموافقــة غير واللقيان غير !!

الموافقـة تعنيّ إنتظار الشخص وبتطوليـن

اللقيان تعنيّ الدورة حول الشخص وتلقينــه

اشحبي المواد بس برفق ، ولامليتِ إلعبيّ
مع رفيقاتك جنجفــــة

،

هو لعبة الجنجفة ، لعبة ورق صح ؟ !

..

كويتية · 04-09-2007, 03:54 AM

الموافقه اني اوافق على اللي يتقدمون لي

اللقيان اني ادور عليه <<<<<<< وين قاعدين

وبشحب المواد على قولتك برفق ( اشحبي = بشحب )

ألعب جنجفه

ناصر السهر مأثر عليك

الجافي · 04-09-2007, 03:53 AM

[COLOR="SeaGreen"]19-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات [/COLOR]

عااااااااااااااااد هذه أفلقيني أن عملوهاااااااااااا^^حلوة عملوها

تقبلي خالص تحياتي

@الجافي@

ناصـر · 04-09-2007, 03:59 AM

الثلاث نُقاط جت من تأثير السحب الارتجالي
من الكيبورد بتاعيّ !!

بعدين الجنجفـه هل هيّ لعبـة ورق ؟!
ولا معلوماتي مغلوطـة

وبالنسبة لسهر بالعكس شبعان نوم
وعويناتي متنفخـــة ( إسم الله ) علي !!