نصايحكم عندي روت وايلر عمرو 3 شهور لو سمحتو اهل الخبرة ّ!

[ثويمر]

ترى طبع الروت انو لعبوا خشن ومزحوا شوي ثقيل بس انتبه إلا الضرب حاول بس تمنعه بصوت عالي شويتين وراح يفهم وبعدين لس هو صغير فلا تخوفه بعدين يصير خواف على طول
انا عندي 2 إناث ولما كانوا صغار كانوا شياطين ومتآمرين علي وهم أخوات بس الحين عقلوا ويفهموا بالكلام مع اني ماأذكر اني في يوم ضربتهم ابدا .... والحين عمرهم سنه وشهر ومافي احلى منهم ماشاء الله عليهم ..

[trx400]

أنا اايد اكلير او صح كلامهه 100%

[rotty]

المشاركة الأصلية كتبت بواسطة Fahadinho 85

يلعب معاي بخشونة وجرئ معي بس كيف ا سيطر علية وكيف بعلمة القيادة لي ... هل استخدم الضرب ؟؟
عمرة 3 شهور فقط ابي اعرف كيف اشيل الخشونة هذي خصوصا ضدي ويعرف انو انا السيد

على فكرة محد ياكلو الا انا فقط ويحبني حب جنوني بس ما ابغا يكبر ويعتبر القيادة له مش لي .. اي اسلوب استخدم ... وهل الضرب حل ؟؟

(((((لا ننسى انه روت وايلر)))))
هلا كيلر
اول شي الكلب صغير و يبي يلعب يعني فترة تعزيز الثقه بنفسه و فيك مو ترهيبه بالضرب منك .. وبعد تضربه على الأنف .. حتى لو صار فيه ضرب تضربه بجريده و على ضهره او مؤخرته ولا هو بالعمر هذا ينضرب اساسآ .. يا اخي زي الطفل الحين ابو خمس سنين لما يغلط تضربه على خطائه؟!! بس ممكن بالكلام الصوت العالي تعابير الوجه تضهرله عدم ارتياحك للشي اللي سواه ..!!
اخي انت اول اقرا الموضوع زين بعدين رد ؟؟؟؟؟؟؟؟
على فكره هذا مو ردي لك انت بس لحالك .. لا ردي حتى للي يسوي نفس طريقتك موفق

[killer]

والله اخوي لاننسى انه كل شخص ورايه

وانا اقولك كلامي عدل

يعني طريقتك الحين هم غلط

لانك وقت الي تمشى راح تترك الكلب سواء فعل خطأ ام لم يفعل

والضرب اخوي خفيف مو بكس ولا بازوكا في خشمه

لاظربة تنبيه والكلب يفهمها

اكو في واحد الله يستر عليه من المنتدى ضرب جلبه جمن مرة وبالقوة والكلب مافيه شيء ولايخاف من راعيه لما يجوفة ولا شيء والكلب بتبول

والطفل اخوي لما يكبر ماراح يهجم ويعض

وانت كل مرة تنطر الكلب يعضك وتمشي ويعضك وتمشي

ترى بتطيح من عينه بيقول هذا مايشد غشمرة<<لاتحسب الكلام مزاح بس

[برامبي]

الكلب ماينضرب اصلأ يلا بايباي

[rotty]

برامبي وش هالكلام ؟؟؟؟؟؟؟
الكلب ينظرب و ينجلد و بكوس كمان !!!.. مو انت تبيه كلب يخاف من ظله !!!.. وتبيه يستنى اي فرصه
عليك عشان يردها لك بعضه او من هالقبيل !!! اجللللللد هههههههههه
احسنت بقولك اخي برامبي تراي امزح معاك

[ثويمر]

ههههههه

[killer]

انتظر ردك ياروتي

[الكلاسيكي]

ههههههههههههههههههههههههه
مرحبا اخوي
ومرحبا اخواني روتي وكيلير يعطيكم العافيه وتراكم تجننون وانتو تتجادلون كأني جالس اشوف تعابير وجهكم وهذا اذا طل بيدل على حرصكم لتوصيل المعلومه صحيحه ودقيقه المهم اسمحولي اقط رائيي وبسكت لانها تقرقع في داخلي المهم الكلب ممكن ينضرب ويتكسر راسه وممكن يرفع عليه اليد وبصوت دون الضرب وممكن كلمت لا او نوو تكفي بس يعني بنسبة للروت على حسب في منهم ينضرب على انفه بشويش مع الكلام وينفع سواء احتجت تقوي الضربه حاجه بصيطه ولا تخففها . وممكن ماتحتاج لا كلمت لا ، انا بنسبه لي بعطيكم ثلاث امثلة على ثلاث كلاب انا امتلكها في غيرهم بس نبي المثال المفيد مثال عندي رووت ماعمري ضربته بس بالكلام لا وعيب و دونت ونووو وماشي زي الحلاوه / وعندي بت بول برضو بالكلام وبعض المرات ارفع عليه العصى اذا تطلب الامر بس ما اضربه ويمشي الحال / وعندي جيرمن بالكلام بس بعض المرات يستخف دمه ادخل ابقس وارفس وبرضو يمشي الكل على حسب نوعه وتناحته ومقدار زعله والوقت الي قضاه معك ، بس خل احد يقرب وعطي اي واحد منهم امر يخليك لحمه مفرومه وينتظر امر عشان ياكلك هههههههه لا تقولي بترفع عصى ولا غيره مايمشي الحال فا الي ابي اوضحه انت الوحيد الي تعرف كلبك ايش يحتاج صح كيلير ولا عندك كلام ثاني المهم هذا رأيي قطو بحررررررررررررررر .
وتقبلو مرروري . متااااااااااااااااااااابع فقط ،،

[rotty]

الكلاسيكي مسيك بالخير حبيبي ..
كلام منطقي اخوي .. و اكيد صادر من تجربه لشخص ربى نفس النوع (( روت وايلر ))بس الضاهر انك عزيزي ما انتبهة لموضوع اخونا فهدينهو الأساسي ..!!
الكلب يقولك صغييييير و يلعب .. يعني مو من المنطقي تضرب الكلب بالعمر هذا و خصوصآ زي ما انت عارف طبيعة الروت كيف خشنه حتى بلعبه .. زي ما قلت اول لكم هذي فترة تعزيز الثقه في نفس الكلب و صاحبه ..!! والفترة هذي مهمه جدآ انك تخلي كلبك مولع فيك يعني يحبك من كثر ما تقضي وقت معاه و لعب .. مو ضرب !!!
واللي بضيفه انه قمة المهاره لما تسيطر على كلبك بدون ما تضربه .. يعني ممكن انك تقود كلبك بعيونك و هو اكيد بيفهم عليك !! على العموم اانا من اول ماحبيت اني اتشعب في الكلام .. لأنه النصيحه كانت بعمر معين للكلب بس ممكن صار الموضوع بشكل عام عن الكلاب ..
يعطيكم العافيه اخواني ..