اشترك في نشرتنا البريدية ليصلك كل جديد

ديناصورة · 19-08-2008, 06:30 PM

شكرا اختي Luis على مرورج الطيب

تسلمين اختي الحبيبة ماروكو على الرد الطيب اختي الأرنب الي عنده ريش هذا مو حقيقي هذا بس من وحي خيال الغرب ولما طلع الجاكالوب قالو يمكن إن المخلوقات الثانية تطلع حقيقة وبإن الجاكالوب واحد من سلالاتها، اما عن الحفر فمعروف إن الجاكالوب له مخالب أقوى وأحد من الأرنب العادي وكذلك سرعته، فمو مستحيل إن يخفر حفر عميقه ووسيعه تكفي لقرونه ^___^

شكرا أخوي A.M.N على الرد الطيب

* ملاحظة لقراء الموضوع: بما إنكم الحين عرفتو شنو هو الجاكالوب وحابين تبحثون عنه علشان تتأكدو فلا تصدقون كل شي عنه أو تصدقون كل الصور الي تنحط، لإن حاليا هو ليس موجود 100% ورح تشوفه على شكل محنطات ومجسمات، وإذا بتشوف صور فرح تشوف الصور كلها غير حقيقية وملعوب فيها في الفوتوشوب وبرامج الجرافيكس، الحيوان منقرض ويقولون في ناس لي الحين قعد تشوفه وناااااااادر جدا إنه ينشاف في هالوقت، الصور الحقيقة معدودة في النت حوالي 5 أو 4 صور فقط والباجي كله جذب وتركيب مثل هذيلة :

وللجاكالوب تاريخ كبير وذكريات حلوة في نفوس وقلوب الصيادين الغربيين، وهو من الحيوانات الي انقرضت مؤخرا مثل ما حصل ببعض الحيوانات العصرية، يعني الجاكالوب مو من عصر الديناصورات أو عصر الحيوانات البدائية بعد الديناصورات ومراحل التطور .. إلخ، لكن الي الحين يقول عنه إنه مو حقيقي ويكذب هالخبر فهذا بسبب الخرافات والاساطير الي طلعت عنه بسبب دخول مخلوقات الـ Wolperdinger و الـ Skvader وهو الأرنب الطائر فما توقعو إن يمكن يكون هناك شبيه لهم في الحقيقة، وهي مخلوقات مذكور إنها بعضها عملاق وتهاجم قطعان الأغنام والأبقار وهي لحمية ومو نباتية فلا تصدقون هالكلام وهذا مثال للجاكالوب الضخم الخرافي :

قصة الجاكالوب شبيهه بخرافة الـ C-Y القطو إلي له عين وحدة ، طبعا كلها خرافات وإذا لقيتو شي صجي فهذا من تشوهات خلقية والخرافة قديمة من زمان