تدريب الكاسكو خلال اسبوع فقط

[سمساار]

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح



في حال اي استفسار مستقبلا انا موجود و





انا دائما بالخدمه

[yasserالكاسر]

اخوي يشرفني اكون تلميذ عندك..
المهم انا خذيت طير غيني عينه بيضاء على رمادي العمر ماادري بالضبط كم..المهم الطير جعيره خفيف وادخل يدي القفص جعير خفيف اذا قربت منه يبدأ يراوغ ويبي يعض وعضني امس اول ماجبته..
وانا عاادي اسوي اي شي عشان يولف..يعني مايهمني العض..
وماسمعت له ولاصوت من امس ساكت..
ياليت الحل يااستاذ سمسار...
ولك رساله على الخاص..

[ملووك]

السلام عليكم اخووي

الف شكر لك على الموضوع

يلا خذ الاجوبه وهآت الحلول << هع


1-عمر الكاسكو (لون العيون)؟

من 11 شهر الى سنه

2-الكاسكو أليف ولا لاء؟

يآكل من اليد بس يعض لما تحاول تطلعه عليها ولا يجعر الا زمآن

3-جناح الكاسكو كامل ولا مقصوص؟

مقصوص

4-عندك طولة بال على الكاسكو؟

ايه عندي

5-انت اتخاف من الكاسكو يعضك؟

لا

6- حاط الكاسكو داخل قفص ولا على استاند؟

في القفص واطلعه كل يوم فووق القفص بس


انتظر ردك بفآآرغ الصبر

[ولد ابو متعب]

آتمنى ان اكون تلميذ عندك ..

وهذي الاجوبه يالغلا ..


1-عمر الكاسكو (لون العيون)؟
6 شهور

2-الكاسكو أليف ولا لاء؟
لا والله موب اليف

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
افضى له سنه كامله مافي اي مشاكل ..

5-انت اتخاف من الكاسكو يعضك؟
بالنسبه لي اخاف منه بدون قفاز لاكن بقفاز منيب خايف منه لو يتشقلب

6- حاط الكاسكو داخل قفص ولا على استاند؟
استاند لو حطيه بالقفص يعصب و يعيي

[FrEe LeGeNd]

هل هذا التدريب مخصص

للكاسكو؟

انا عندي دره ويطلع على اليد وياكل من يدي وعمره 5 شهور بس اول ما يشوف الشبك يبي يطير له

[سمساار]

المشاركة الأصلية كتبت بواسطة yasserالكاسر

اخوي يشرفني اكون تلميذ عندك..
المهم انا خذيت طير غيني عينه بيضاء على رمادي العمر ماادري بالضبط كم..المهم الطير جعيره خفيف وادخل يدي القفص جعير خفيف اذا قربت منه يبدأ يراوغ ويبي يعض وعضني امس اول ماجبته..
وانا عاادي اسوي اي شي عشان يولف..يعني مايهمني العض..
وماسمعت له ولاصوت من امس ساكت..
ياليت الحل يااستاذ سمسار...
ولك رساله على الخاص..

حياك الله
تم الرد على الرسالة الخاصه
وبنسبى لطيرك اقرأ طريقة التدريب الي انا كاتبها وطبقها حرفيا وراح تشوف التغيير بعينك
اتمنالك التوفيق والنجاح
وفي حال اي استفسار مستقبلا تلقاني جمبك













انا دائما بالخدمه

[سمساار]

المشاركة الأصلية كتبت بواسطة ملووك

السلام عليكم اخووي

الف شكر لك على الموضوع

يلا خذ الاجوبه وهآت الحلول << هع


1-عمر الكاسكو (لون العيون)؟

من 11 شهر الى سنه

2-الكاسكو أليف ولا لاء؟

يآكل من اليد بس يعض لما تحاول تطلعه عليها ولا يجعر الا زمآن

3-جناح الكاسكو كامل ولا مقصوص؟

مقصوص

4-عندك طولة بال على الكاسكو؟

ايه عندي

5-انت اتخاف من الكاسكو يعضك؟

لا

6- حاط الكاسكو داخل قفص ولا على استاند؟

في القفص واطلعه كل يوم فووق القفص بس


انتظر ردك بفآآرغ الصبر

حياك الله
لاشكر على واجب
اخي العزيز اقرأ طريقه التدريب الي انا كاتبه وطبقها حرفيا على طيرك وراح تشوف الفرق بعينك
اتمننالك التوفيق والنجاح
وفي حال اي استفسار مستقبلا تلقاني جمبك














انا دائما بالخدمه

[سمساار]

المشاركة الأصلية كتبت بواسطة ولد ابو متعب

آتمنى ان اكون تلميذ عندك ..

وهذي الاجوبه يالغلا ..


1-عمر الكاسكو (لون العيون)؟
6 شهور

2-الكاسكو أليف ولا لاء؟
لا والله موب اليف

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
افضى له سنه كامله مافي اي مشاكل ..

5-انت اتخاف من الكاسكو يعضك؟
بالنسبه لي اخاف منه بدون قفاز لاكن بقفاز منيب خايف منه لو يتشقلب

6- حاط الكاسكو داخل قفص ولا على استاند؟
استاند لو حطيه بالقفص يعصب و يعيي

حياك الله
الله يبارك لك فيه
اخي العزيز نصيحه مني لاتتعامل مع الطير بالقفاز
لانك بتأثر بنفسيت الطير واجد
صحيح بتقول لي ان النتيجه وحده وبالنهايه بيتروض الطير
ولكن انا اقولك تعب بالبدايه وسعاده بالنهايه افضل
راحه بالبدايه وتعب بالنهايه ولك الاختيار
اما طريقة التدريب فهي مكتوبه بموضوعي اقراها وطبقها
حرفيا على طيرك وراح تشوف الفرق بعينك
اتمنالك التوفيق والنجاح
وفي حال اي استفسار مستقبلا تلقاني جمبك














انا دائما بالخدمه

[سمساار]

المشاركة الأصلية كتبت بواسطة FrEe LeGeNd

هل هذا التدريب مخصص

للكاسكو؟

انا عندي دره ويطلع على اليد وياكل من يدي وعمره 5 شهور بس اول ما يشوف الشبك يبي يطير له

حياك الله
هذا التدريب شامل لجميع انواع البغبغاوات

(الشبك) تقصد انه القفص

اذا كان القفص فهذا من الطبيعي لنه يحس ان هذا القفص بيته وموطنه

اذا كان هذا التصرف الذي يتصرف في طيرك يزعجك بامكانك انك تبعد القفص عنه

كي لا يراه ويطير له وتنتهي كل المشكله

اتمنالك التوفيق والنجاح وان يكون طيرك من مشاهير الطيور الناطقه

في حال اي استفسار مستقبلا تلقاني جمبك








انا دائما بالخدمه

[FrEe LeGeNd]

مشكوووووور اخوي وما تقصر

الببغاء الي اسمه الدره قبل لايعضك تظهر عليه علامات انه بيعضك
مثل عينه تصير بيضاء وفيها نقطه سوداء بالنص

بس انا طيري يعض بدون ما تطلع هالعلامه
العض مع ان عضته مو لدرجه انه ينزف دم او زي كذا
لا
......