ياشباب الببغاء حقي رافض يدخل القفص وش العمل..؟

[صوغة]

مبرووك عليك ويتربى بعزك

والله يجزي كل من جاوبك كل الجزا

وبساعدك بخبرني الي مالها الا يوم

اليوم شريت فرخ كاسكو 3 اشهر وهو عند البائع واقف على الاستاند وطبعا اخذته بقفص بس قلت للبائع اشلون اطلعه من القفص هو صحيح اليف وحبوب بس اصابعه لثبتت مستحيل تفك

وراني طريقه سهله امسك باصابعي اصابع وحده من رجوله وارفعها عن الاستااند وهو يتهزهز شوي ويشوف اصابعك محكمة المسكة على اصابعه ينقل رجله الثانيه ليدك وطبقتها بالمحل وبالبيت


اتمنى تكون فهمتني

ومبروك مره ثانية

[هتان الشريف]

المشاركة الأصلية كتبت بواسطة صوغة

مبرووك عليك ويتربى بعزك

والله يجزي كل من جاوبك كل الجزا

وبساعدك بخبرني الي مالها الا يوم

اليوم شريت فرخ كاسكو 3 اشهر وهو عند البائع واقف على الاستاند وطبعا اخذته بقفص بس قلت للبائع اشلون اطلعه من القفص هو صحيح اليف وحبوب بس اصابعه لثبتت مستحيل تفك

وراني طريقه سهله امسك باصابعي اصابع وحده من رجوله وارفعها عن الاستااند وهو يتهزهز شوي ويشوف اصابعك محكمة المسكة على اصابعه ينقل رجله الثانيه ليدك وطبقتها بالمحل وبالبيت


اتمنى تكون فهمتني

ومبروك مره ثانية

ابد عندك المعلمين الكبار مجرد علامة والبرنس ابو محمد وحنا تلاميذهم

[هتان الشريف]

مجرد علامة اهم شئ ارسل لى الكتالوج حق الطير عشان اعرف اتفاهم معه

["مجرد علامة"]

هههههههههههههههههههههه


لا ماشاء الله تبارك الله
أهم شيء دبر لك استاند ، توليف من عندك ولا اشتر لك ستاند
او خذ لك شجرة ياسمين من عند مشتل قيمتها 30 ريال وانزع اوراقها ، تطلع لك استاند طبيعي ولا اروع



وليش الياسمين بالذات؟؟؟ اولا اوراقه على شكل ستاند شكل حرف T
ثانيا ريحته زينة ثالثا ماهو سام

................

ثاني شي انتبه الاطفال يزعجونه يبربسون كل من جا حط يده ،
عشان الطير ياخذ على البيت خصوصا بالايام الاولى ، وترى ضيافته اسبوع مو 3 ايام ههههههههههههههههههه

وامنع اذية الطير لأنها تنعكس على نفسيته ، فلو كان اليف 100% مع الرجة والاذية يرجع يجعر ويعض ويطيح ريشه




.....................

ثالث شي الماء
اهم شي يكون لاهو حار ولا بارد
وغيره كل يوم مرتين ان امكن
لأنك تدري الببغاوات تحب توسخ في الموية او تحط فيها قشر
او ترمي فيها قطع فاكهة
نوع من الإستهبال يعني

نوعية الاكل اللي بتقدمها له لازم تكون ممتازة ،
الببغاء اللي اكله يعتمد على الشمسي فقط يطور مشاكل بالكبد

ومرتين بالأسبوع عطه فاكهة تفاح كمثرى عنب
وخضار مثل فلفل رومي وخيار وطماطم مثلا
وتأكد ان الثمار الي تعطيه اياه جديدة ومغسولة زين ،
شلون تعرف؟
" اي شي ماتقدر تاكله بنفسك لاتعطيه للببغاء"



وعطه ذرة حبشي على قولتهم ياتكون جافة مع الحبوب او طازجة وقطعها عشان يلتهمها الأخ بالهنا والشفا ، وهي من افضل الأشياء للطير اللي وزنه ناقص




و3 مرات بالأسبوع فول سوداني



وحاول يكون الفول السوداني جديد ، لونها نظيف وماعليها بقع سود
القديم دايم تلقى له غبرة لونها اصفر مثل السكر المطحون
تلاحظها بالكيس او اذا كسرت حبة ،
واذا مالقيت اغسلها بالماء وخلها الين تجف ولا حطها بالمايكروويف واذا بردت عطهم اياها
لأنها بيئة خصبة للبكتيريا
حيث انها غنية بالبروتين والكثير من المواد المفيدة "ولاتكثر تراها تجيب للطير امساك"



عطه مرة بالشهر بيض يكون مسلوق جيدا واغسله من الخارج واكسر البيض نصفين وعطها اياه بقشرتها




بعد لاتكثر من البيض تراه يجيب امساك


..........................ز


رابع شي انتبه عليه من الحر الزائد والتكييف يكون بارد عليه
يعني يبي له درجة حرارة الغرفة عادية 30 او 25 ....

خامس شي : راحته ، لازم يكون المكان مهيئ بحيث ان الببغاء له 10 ساعات ظلام ينام فيها بدون ازعاجات
وراحة الطير بتنعكس على صحته وكلامه
اذا صعبت سالفة الظلام ، خذ لك غطا تبع الأقفاص وغط القفص وحبذا لو يكون نومه بالليل
واذا مالقيت شرشف قديم بس يكون نظيف او منشفة كبيرة




.....................................

سادس شي : الشمس ،
لابد تطلع الطير لو ربع ساعة في الشمس بس مو بالقايلة
يعني الساعة 7 الصبح قبل دوامك ، او 5 العصر
الشمس مفيدة لعظام ومنقار وريش الطير فاحرص عليها



..............................

سابعا اللألعاب : اما اشتريهها له او صممها بنفسك



واذا مشيت على هالنظام اللي يمكن يكون صعب شوي بالبداية ،
بس من يوم تستمر عليه " خذ ولد "




وتفضل بقراءة هالموضوع

http://www.2zoo.com/vb/showthread.php?t=114427


"وكذا سلمناك الكاتلووج"



وموفق بإذن واحد احد

[هتان الشريف]

هههههههههههههههههههههههههههههههههههههه يسلموووو

بس تصدق يوم قلت الاولاد لا يقربون كانك معنا جالس امس من اول ما جاء كل واحد يمسح على راسة وانا وهما مضاربة عليه هههههههههههههههه

على العموم معلومات قيمة وراح اطبعها واحطها جنب القفص
بس ماقلت لى وش اسمة خخخخخخ ترى نسيت اسمة

[iam moon]

هلا حبيبي ,,,

شووف

انت انتبه ممكن يعضك حتى لو كان اليف ,,

خد منشفه <<<معليش بعدين غسلهاا

وطبقها وخليها على شكل مربع وعريضه عشان لو عض ما يوصل ليدك ,,

وارميها فوقه وبعدين امسكه من الظهر و اسحبه لو مسك القفص بفمه حاول تفتح فمه قوول كيف ,,,

تغطي عينه وفك فمه بحذب وبعدين فك القفص و حطه وخلاص ,,

نصيحه اشتري له العاب عشان يحب يدخل داخل القفص




تقبل مرووووري

[هتان الشريف]

المشاركة الأصلية كتبت بواسطة iam moon

هلا حبيبي ,,,

شووف

انت انتبه ممكن يعضك حتى لو كان اليف ,,

خد منشفه <<<معليش بعدين غسلهاا

وطبقها وخليها على شكل مربع وعريضه عشان لو عض ما يوصل ليدك ,,

وارميها فوقه وبعدين امسكه من الظهر و اسحبه لو مسك القفص بفمه حاول تفتح فمه قوول كيف ,,,

تغطي عينه وفك فمه بحذب وبعدين فك القفص و حطه وخلاص ,,

نصيحه اشتري له العاب عشان يحب يدخل داخل القفص




تقبل مرووووري

لا بالعكس ما يعض حتى لو حطيت يدك يقرب منها ولا يعض تربية مجرد علامة وانا انصح اى شخص عنده طير قبل يمتلكة يودية عند مجرد علامة يجيك جاهز واليف

[هتان الشريف]

[@الزير@]

اخوي نصيحه مني اذا سويت له كذا بيبدا يكرهك فيه شي على طووول يخليه يدخل الي هو تفاحه قطعه صغيره او اي شي لونه زاهي المهم اذا طلع افتح الباب وخله مثبت مفتوح واذا ماقدرت جيب سيم وامسكه فيه ولا مشكبك حق الشعر المهم ثبته ودخل التفاحه بارضيه بس قطعه او فول سوداني الاصفر يدخل على طوووول طوالي ولا تزعجه ولا شي وهاذي طريقتي الحين ماعمري دخلته الا كذا ولا يطيح الي براسه ويدخل وشكراا تقبل مروري

["مجرد علامة"]

هاه يابويزن

كيف الأخ اليوم؟؟؟

عطنا التقارير ؟










يارب عفوك