الي الجميع

[falcon1]

حبيبي الغالي فواز
قديكون كلامك صحيح بس حبيت اقلك انا عندي افريقي بكى علي الولد في جده وانا مار من محل وشريته له طبعا انا مو داخل براسي اني اربي ولا اهتم نظرا لظروف عملي والوقت..
له سنه مخلية عند اهل زوجتي والله سنه او تزيد المهم هو في القفص ماغير ينضفوا القفص ويحطوا الاكل وخلاص مافي اي علاقة له مع احد غير ان العيال يستهبلوا عليه
طبعا ما يعنيني في موضوعك اني قبل 72ساعة تقل بقليل فتحت النت وكتبت في العم قوقل ترويض طبعا انا اقصد الخيول لنيتي شرائها ..طلعت اول شيء ترويض الببغاء مع صور ومقاطع موضوع الغالي سكر ..فتحت قلت شوف وش السالفة الا الموضوع مشجع جداا والنفسية طيبة والبغباء موجود وولدي متعلق فيه بس يخاف والطريقة قدامي بدأت بطرق الاخ سكر ثم نزلت موضوع بالمشكلة الي كانت معي وشفت مواضيع تعلمت منها الكثير وبدأت التطبيق موضوع للأخ على البانيو لحملة على اليد والعسل كلها اول مرة اسمع فيها قبل يومين فقط وطبقتها
وابشرك الحين النتيجة مرضية جدا في وقت قياسي الحين اطلع بالطير على يدي وفي السيارة وفصلت له امس استاند وتبدل حال الطير وصار الولد يبوسة مايعضة مع انه كان يجعر بصوت اقسم بالله يسمع الجيران ولا احد يجرأ يقربه
والحين في بيتي مع قفص ولا افكر اني افرط فيه وتعلقنا فيه البيت كله واصبح احد افرادهاااا مع انه له سنه مافكرت فيه يوم واحد وحبيناه في يومين
وصدقت انه كأبن آدم يحب الملاطفة والرفق وسأحرص عليه وعلى تواجدي هنا فانتم اسرة راااائعة ورااااقية
الي اقصده الله يسلمك ان الخبرات ماتجي الا من التعليم صحيح الحرص على المعلومات امر طيب لكن البعض قد يكون اشتراه او انه المتوفر بالسعر المناسب وكلا له مايرى
احببت طرح موضوعي لأثني عليك وعلى كل الاخوة الاعضاء للتفاعل الرااااائع مع الطرح والحقيقة ماخلوا شارده ولا وارده الا موجوده وعليها افكار حصرية
لايكون طلعت عن الموضوع بس انت كلامك وصل للقلب فكان كلامي من القلب
اطيب المنى للجميع
ابومحمد