منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
|
|
أدوات الموضوع | إبحث في الموضوع | طرق مشاهدة الموضوع |
27-06-2007, 10:21 AM
|
#1 |
|
|
موضوع من انشائي وتجاربي <<لا يفوتكم
 السلام عليكم هلا و غلا بالاعضاء الحلوين انا من زمان وانا نفسي اكتب موضوع من عندي يعني مو مسروق لا الموضوع هاذا يكون من القائي ومن معلوماتي الشخصيه ومن اسئلتي للبيطري واعتقد ان الوقت جا ::يعني حان الوقت:: انا قريت ان بعض الاعضاء اللي يشترون بسس جديده يعني توهم شارينها يتشكون من افرازات تتكون تحت عين القطه والله انا سئلت البيطري ولقيت لكم الحل  الحل هو تاخذون مويه وتحطون فيها ملح وتخلطونها بعدين تجيبون قطنه وتبللونها << بالمويه والملح وتمسحون فيها عين بسكم وحبيبكم بااام وتختفي الاوساخ تماما << ما عليكم مني متأثره بالدعايات  في شي ثاني بعض الاعضاء اللي عندهم اكثر من بس تحصل عندهم شجارات كثيره والقطط يتأذون اللي عنده بس وتأذت عينه من شجار وانتفخت وتصكرت هاذا مو لازم يروح البيطري لانو يقدر يحط لها الدوا بنفسه تلاقون بالصيدليات العاديه مرهم اسمه ..جنتاسين..gentacin.. هاذا خذوه وحطوه على عين البس مرتين باليوم << صدقوني رح يفيدكم وهاذا من تجربه شخصيه لكن اذا كانت عين البس تطلع دم او صار فيها شي غير الانتفاخ و انها تصكر في هاذي الحاله اقول البطري احسن  اكيد انكم لاحظتو ان البنات هم اللي يقتنون البسس اكثر من الاولاد صح في اسطورة تقول <<<اموت بالاساطير المهم في اسطورة افريقيه تقول ان سبب اقتناء البنات للقطط وبكثرة وميل القطط للبنات هو...  كان في بس في غابات افريقيا قرر انه يصير صديق اقوى المخلوقات وهو يفكر مين اقوى مخلوق شاف ارنب يهرب وهو حيل خايف وشاف الثعلب يلحقه قال مادام الارنب خاف من الثعلب كذا اكيد ان الثعلب اقوى مخلوق وراح يمشي معاه وهما يمشون طلع لهم اسد الثعلب خاف وحط رجله والقطو ما شاف الا غباره فقال القطو اكييييييييييد ان الاسد اقوى مخلوق ولا كان ما خاف منه الثعلب وصار صديق الاسد الاسد دخل في منطقة الفيله فثارت الفيله واهجمت على الاسد فخاف الاسد لانه ما يقدر عليها وهرب لما هرب الاسد القطو جلس في محله يفكر مين يصاحب و لما كان ناوي انه يصادق الفيله ماشاف الا الفيله صارت خايفه وتهرب و هو يطالع فيهم الا طاح فيل ومات فتعجب قال مين اللي يقدر يخوف الفيله ويموت واحد منهم والفيله تخوف ملك الغابه راح القطو يستطلع وشاف انو الانسان هو اللي خافت منه الفيله وهو اللي موت واحد منها فقال انا خلاص لقيت ضالتي الانسان اكيد انه اقوى مخلوق بالدنيا هاذي كلها راح و هو سعيد ومتأكد انه بخير وصار صديق الانسان الانسان وصل بيته ودخل والبس جلس برا ينتظر صاحبه الجديد ولا فجأه سمع اصراخ وشاف الانسان يطلع من بيته بسرعه ووراه انعال وصحون تنرمي عليه القطو موته الفضول ميييييييييييييين اللي خوف اقوى مخلوق بالعالم راح وطل داخل البيت ولا شاف المرأه ..زوجة الرجال.. هي اللي خوفته هنا القطو واخيرا لقى ضالته وصار صديق المرا لانها بنظره اقوى مخلوق بالدنيا وخلصت....  الحين السبب الحقيقي اللي يخلي البنات تقتني القطط هو..
 القطط وخاصة صاحبة الشعر الطويل تحتاج لتسريح شعرها كل 3ايام على الاقل والمناطق قصيرة الشعر بجسم القطه مثل الرأس تحتاج لها فرشاة اسنان لتسريحها اذا اهملت شعر قطك رح تتكون لك تكتلات ومارح تقدر تفك التكتلات الا بالقص يعني تسرح شعر قطك احسن من انو تتكون لو تكتلات فالاخير تقصها ويصير شكلو مو حلو هاذا كله من تجاربي الشخصية ومعلوماتي يعني ما سرقت شي بلييييز ابي ردود  اميرة الظلام 
__________________
i Love you alexandra^-^ بعدك سواد الليل يا طول مسراه=وانتَ قمر ليلي وشمسي وضياها هلـّـت دموعي فوق الاوجان تقراه=الله حسيبك يا مزوّد عناها التعديل الأخير تم بواسطة : Dominique بتاريخ 28-06-2007 الساعة 08:37 AM. السبب: اضافة تشجيع |
|
| Bookmarks |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +3. الساعة الآن 11:21 AM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |