بعد غياااااااااب عن المواضيع..!~!

[هاااايز]

مرحبا اخوي فوفو مشكلتك ان شاء الله سهله وانت صبرت وروضته ما بقى الا الكلام قريت جميع ردود الاخوان وانا بعطيك طريقه واسئل الله انها تفيدك وتعينك على تدريبه ونطقه للكلام سلمك الله

اول شي تسويه يالغالي تروح اقرب محل مكسرات وتشتري منه عين الجمل ( الجوز ) وتكون بقشورها وتكسرها نصفين وتحطها بالقشور مع الاكل حقه عشانه مراح يقدر يكسرها بس ضروري تكون بقشرتها في اليوم عطه حبيتن وحده الصبح والثانيه العصر .

ثانيا :تنوم الطير بعد صلاة المغرب مباشره تدخله بغرفه مظلمه مافيها اي صوت واي ازعاج الين صلاة الفجر وتحطه في مكان فيه اضاءه أو تفتح عليه ستاير الغرفه .

ثالثا : حبس البغبغاء في القفص ولا تطلعه ابدا طوال فترة التدريب .

رابعا : اختار كلمة كوكو وكررها على الببغاء بصوت واضح وبهدوء وخلك رايق وانت تقولها بحيث تقولها من غير لا تكون مزعجه يعني قلها بدلع وانت تبتسم وهو راح يراقبك وكل هذا وهو محبوس بالقفص.

استمر اخوي على التلقين على فترات افضلها اول ما يصحى من النوم وهو شبعان نوم نايم من المغرب كرر الكلمه مدة عشر دقايق بس مو بشكل متواصل منرفز للبغبغاء يعني قول كوكو واسكت شوي كم ثانيه وكرر مره ثانيه واسكت وكرر راح تلاحظ انه راح يكون منصت لك في البدايه ممكن ما تحصل تجاوب بس صدقني ثلاث ايام بالكثير راح تشوفه مركز معك وعيد التلقين الظهر والعصر قبل النوم بساعه او نص ساعه هذا اللي عندي اتمنى افدتك .

واسف على الاطاله والله يوفقك وان شاء الله تفرح بسماع كلامه وتحياتي لك

[’Parrot ’fofo]

^^^

أنا من يوم بديت أخليه ينام زيين صار يصفر وحركات..

بس انشاء الله بيتكلم وحركاااات...

منورينا ولا تحرمونا مروركم...

[ام ليان]

شوف اخوي انا طيري له 5 شهور ولا بدا يصفر الا من شهر تقريبا وكان بالتدريج اول شي صفيره ثم صفيرتين ثم ثلاث وهكذا الى ان صار يعطينا اشكال والوان من التصافير لكن الى الان ماتكلم لكن ان شالله عندي امل انه راح يتكلم

لاحظت اني بعد ماصرت احبسه انه يصفر يعني لاتطلعه من القفص ابد الا اذا روشته او بغيته ينفض جنحانه يعني 10 دقايق فقط كل فتره

يوم كنت اطلعه برى القفصماكنا نسمع له تصافير ولاحتى حركة
برضو النوم مهم لازم ينوم بدري يعني على العشاء
والصبح تلقاه من الساعة 6 ماشالله نشيط وانواع التصافير
الشي الثالث حاول تحطه بمكان مرتفع تقريبا متر وكل مامريت عليه لقنه مثلا قله كوكو 10 مرات ورى بعض بشكل بطي واسكت ثم بعدها ب 10 دقايق ارجع وكرر عليه اسمه
وكل ماطلعت او دخلت عليه قله اسمه وهكذا
لان هذي طريقتي معه الان لحثه على الكلام وان شالله تنجح

[بووسلطان]

نصيحة من تجربة شخصية مع طيور اليفة دربت طير اليف لمدة تقريبا 5شهور والطير حركاته ذكية لكنه كبير بالعمر اكبر من سنتين لكن المشكلة انه ماتكلم معي وكثير من الزملاء اعرفهم قالوا نفس الشئ الطير الكبير نسبة ضئيلة يتكلم حتى لو تكلم بكون كلامه قليلة مرة وينسى بسرعة يعني بيعه اذا كان كبير واذا صورته اللي بالتوقيع بيعه اليوم قبل بكرة لانو كبير مرة