سؤال وجواب (في تدريب وترويض الببغاوات والعناية بها)

[m7amd.s.t]

المشاركة الأصلية كتبت بواسطة سكر

هلا فيك يا محمد,,

شكل القفص عندك صغير,,

على العموم شيل الألعاب من عنده ووفر له غصن صغير ,, أو عود من الخشب نحيف,,

وكل فترة اعطيه شي نحيف ,, حتى يتعود على انه يلعب بهذي الأشياء,,

وبالنسبة للتدريب,, يعتمد على نوعية التدريب ودرجة الألفة بينك وبينه,,

لكن انصحك تعمل على ترويشه بشكل أكثر,, كل اسبوع مرتين مثلاً بما انه امازوني,,, عن طريق الرذاذ,, أعتقد انه يشعر بالملل,,

وهذي كلها تخمينات لكن لو فيه مقطع فيديو لمدة دقيقة,, وانت تحاول تدريبة او اللعب معاه يكون افضل,,

وربي يوفقك

تحياتي

شكرا لاهتمامك

اخوي القفص كبير مررره لدرجه انه ما ينشال يندف بكفرات ممكن طوله متر ونص وعرضه متر

وانا اروشه بالبخاخ كل 3 او 4 ايام لاكن هو ما يحب

[lost love]

السلام عليكم ..

ببغائي البلو فرونتد كان فيه جرح برجله وإلتأم .. بس اليوم كان على كتفي وطاح على الأرض بس مو بشكل قوي مره ..

ورجع الجرح ينزف شوي .. الحين ابي اسعافات اوليه إلى ما اقدر اجي للرياض عشان اوديه لبيطري لأنه ما فيه اي بيطري بالقصيم إلا للجمال والبقر ..

تكفوووووووووووووون ساعدوني

[ولد العاصمة]

حاول تلف على مكان الجرح

قطعة قماش و لا تخليه يتحرك


إذا كان يخاف لا تخلي احد يمر من المكان

يلي هو فيه علشان ما يمشي غصب عنه

و يتألم و ينزف أكثر اخوي حاول تروح للبيطري

بأسرع وقت

ولد العاصمة

[قرناس الليل]

شباب البغباء اشوفه يبي يفك القفص من فوق من الجوانب يرفعها ومن مكان فتحة الماء اشوفه يرفعها على فوق وتنزل


وش الحل؟؟

اربطها بسيم ولا وش

[الكاااسر]

السلام عليكم

استفساري اليوم بخصوص الجو أو المناخ الملائم لـ البلوفرونتد

الحقيقة الطير اشتريته من حوالي شهر وكان الجو شوي حار خفت على الطير ووضعته في غرفة اشغل له المكيف على برودة هادئة للغاية بحيث انها ماتأثر على الطير

طبعا الطير إلى حد الآن ماسمعت منه ولا شيء لا تصفير ولا كلام وهو عمره سنة
اعتقد انه السبب تغيير المكان من لحظة إلى أخرى

الآن قررت اني اخليه يستقر في مكان دائم ومرتفع وجدت احسن مكان صالة المنزل يوجد بها نوافذ تطل على حديقة المنزل
لكن لا يوجد فيها تكييف

سؤالي هل يتأثر البلوفرونتد من درجات الحرارة في وقت الظهيرة علما أن الشمس تدخل بشيء بسيط في الصالة واحس ان المكان حرارته عادية بس لا اعلم هل هي تأثر على الطير
أو أرجعة في الغرفة المكيفة

انتظر ردكم

تحياتي
ابو عبدالله

[مجنون الامازون]

المشاركة الأصلية كتبت بواسطة الكاااسر

السلام عليكم

استفساري اليوم بخصوص الجو أو المناخ الملائم لـ البلوفرونتد

الحقيقة الطير اشتريته من حوالي شهر وكان الجو شوي حار خفت على الطير ووضعته في غرفة اشغل له المكيف على برودة هادئة للغاية بحيث انها ماتأثر على الطير

طبعا الطير إلى حد الآن ماسمعت منه ولا شيء لا تصفير ولا كلام وهو عمره سنة
اعتقد انه السبب تغيير المكان من لحظة إلى أخرى

الآن قررت اني اخليه يستقر في مكان دائم ومرتفع وجدت احسن مكان صالة المنزل يوجد بها نوافذ تطل على حديقة المنزل
لكن لا يوجد فيها تكييف

سؤالي هل يتأثر البلوفرونتد من درجات الحرارة في وقت الظهيرة علما أن الشمس تدخل بشيء بسيط في الصالة واحس ان المكان حرارته عادية بس لا اعلم هل هي تأثر على الطير
أو أرجعة في الغرفة المكيفة

انتظر ردكم

تحياتي
ابو عبدالله

وعليكم السلام ورحمة الله وبركاته

اخي العزيز "ابو عبدالله" .. بالنسبة للبلوفرونتد او الامازونيات بصفة عامة لديها مناعة قوية و اكثر من ممتازة من جميع الامراض العامة التي تصيب الطيور .. والسبب في ذلك هو طبقة الريش التي تميزها عن غيرها و الامر الثاني (الاهم) هذه الطيور تندرج من منطقة الامازون الاستوائية والجو الاستوائي عادة ما يكون رطب مع توافر الامطار بشكل دائم ..

انا عارف اني اتفلسفت شوي .. لكن اللي ابغا اوصله لك ان الموضوع عادي جدا وان شاء الله ما يصيبه مكروه .. لكن لا تحاول ترفعه فوق لان البلوفرونتد من الطيور الاجتماعية المميزة

[الكاااسر]

السلام عليكم

يعني بالعربي هل الامازون يتحمل الجلوس في أماكن داخل البيت غير مكيفة
وخصوصا هاليومين عندنا في الدمااام شوية رطوبة

تحياتي
ابو عبدالله

[no0La]

المشاركة الأصلية كتبت بواسطة الكاااسر

السلام عليكم

يعني بالعربي هل الامازون يتحمل الجلوس في أماكن داخل البيت غير مكيفة
وخصوصا هاليومين عندنا في الدمااام شوية رطوبة

تحياتي
ابو عبدالله

وعليكم السلام

هلا بك اإخوي

يتحمل بمكان غير مكيف بس درجة الحراره تكون معتدله لا حراره ولا بروده
وتقول ان جوكم هـ الايام رطوبه راإح يتحمل بأإذن الله

مثل ماقالك اإخوي مجنون الامازون مناعة الامزونيات ممتازه

موفق أإخوي

[رورو12]

اخواني
عندي فرخ هولندي كان يلعب ونشيط عطيته ماء فيه عصرة ليمون ومن عقبها بساعات قليلة الفرخ ماعاد ياكل وخامل وذابل ونافش ريشه شوي ولا هو واقف وقفة عدلة كأن وده يجلس؟وش جاه؟؟وش توقعون؟ووش اسوي به؟هل ممكن انه تسمم؟ ومالحل؟

[راينو]

المشاركة الأصلية كتبت بواسطة رورو12

اخواني
عندي فرخ هولندي كان يلعب ونشيط عطيته ماء فيه عصرة ليمون ومن عقبها بساعات قليلة الفرخ ماعاد ياكل وخامل وذابل ونافش ريشه شوي ولا هو واقف وقفة عدلة كأن وده يجلس؟وش جاه؟؟وش توقعون؟ووش اسوي به؟هل ممكن انه تسمم؟ ومالحل؟

اختي اشك ان الليمون اثر على الطير
لان الفروخ مناعتها ضعيفة و الفروخ بشكل عامل تحتاج غذاء يحتوي على عناصر غذائية مهمه
كالبروتين
لكن انتي عطيته حمض او حامض شديد عليه ولو انه مخفف بالماء
انا انصحك تودينه لبيطري والا ان شاء الله اللي عنده جواب كامل من الاخوان المساعدين يساعدكي ان شاء الله

الله يحفظ لك طيرك