رد: المهمة المستحيلة ... رأيــــك يهمنا ..... تصويت
ما شاء الله تبارك الله
أخي أبو مالك الله يوفقك في دينك ودنياك
تعلمنا منك حسن النية وتحسينها
وتعودنا منك دائماً مواضيع مثيرة ومميزة مثل هذا الموضوع الجذاب بكل نواحيه.
اسمحلي أعلق على الموضوع, من وجهة نظر خاصة
انت تواجهك عدة مشاكل, وعشان تقدر تحلها لازم تجزأها وتتعامل مع كل جزء بالأولوية
أول مشكلة ظاهرة, هي وحشيته وتوحشه,,
والحل انك تتعامل معاه بصبر وبتحمل, لأنه بيزعجك وما بيشكرك الآن
لازم تدربه على الشكر, بالترويض والتدريب المكثف,,
بس بذكرك انه تدرب لفترة طويلة على ان الإنسان سيء
ومن الفيديو أتوقع انه أتقن التدريب واستوعبه استيعاب متقن.
يبغالك تجتهد عشان تنزع هذي الفكرة من راسه
والطريقة ببساطة, انك تعطيه الأكل بيدك, حبة حبة,,,
وتمنع عنه الأكل من غير يدك نهائياً,,
بهذي الطريقة المتعبة والصعبة, بيقتنع انك مصدر خير وانك لست عدو مثل ما فهم
لكن تذكر ان هذي الخطوة لوحدها يبغالها وقت طويل ,,, أقل شي شهر مع الإصرار والمواصله
بشرط انه يكون معاك في نفس المكان اللي تجلس فيه طول الوقت. ويكون على استاند أو خارج القفص.
أما المشاكل الأخرى مثل نتف الريش والترويش والتدريب على أمور ثانية أو اللمس وغيره
هذه الأمور تقدر توصل لها بعدين بعد ما تخلص الخطوة الأولى بسهولة ان شاء الله
لكن إذا دمجتها مع الخطوة الأولى أتوقع ان النتيجة تكون عكسية, وما راح تحقق لا الأولى ولا الثانية.
أبو مالك أشكرك جزيل الشكر على الأخلاق الإسلامية الأصيلة
وأنا أيدك بكل قوة حتى لو تشعر انك ما راح تتحمل.
لأن الله حيعينك ما دام ان نيتك طيبة.
ومو كل شي نتعامل معاه بالحسابات وبالمنطق..
أحيانا يجب ان نترك لمشاعرنا العنان, ونعمل بناء على ما تمليه علينا قلوبنا.
خصوصاً مع قلب صافي مثل قلبك,,,
تحياتي
__________________
كيف تحمل ببغائك وتعلمه المصافحة,,
فيديو لأحد أجوازي المنتجة حديثاً حاضنةً على البيض
|