أرجو المساعدة

[farah dh]

السلام عليكم ورحمة الله وبركاته

انا عندي قطة حامل والحمدلله , م بقى ع ولادتها شي كم يوم وتولد بإذن الله

هي قبل كذا ولدت وجابت وحده , عاشت اسبوع وللاسف ماتت

قد ايش زعلت عليها

لما وديتهم ع البيطري قاللي ان حلمات الام متحجرة

و م وصفلي دوا ولا شي , قاللي في حلمة وحدة فقط تنزل حليب وحاولي تسحبي الحليب ب السرنجه

حاولت بس م قدرت ماتت الصغيره

وهي الحين حامل وماشاء الله بطنها كبير مو زي اول مره يعني اكثر من كتن

وانا مابي يصير لهم مثل ما صار ف اللي قبل

ف قررت اشتري رضاعه وانا ارضعهم ب نفسي

لقيت ذي الرضاعة من العضوة ناديا الله يسعدها ويجزاها خير

وحابة اسأل مين متوفر عنده مثلها ؟

او مين تعرف محل يوفر هالنوع من الرضاعات في الرياض ؟

الصورة في هالرابط

http://animalslovers.com/upload/uplo...0469492081.png

ساعدوني ارجوكم

ودّي لكم,,

[فاتـــو]

شوفي بالاول لازم تعرفين وش مشكله الام وتتابعين مع دكتور لان حليب الام اكيد مايتعوض

بالنسبه للرضاعة تلاقينها بمحلات الحيوان مو لازم تكون بنفس التصميم اي رضاعة خاصه بالقطط بتصلح

او ممكن تصنعين وحده بالبيت

[farah dh]

شكراً لك أختي

طيب أنا ابي اعرف نوع رضاعة كويس

لاني جبت وحده قبل كذا و ما مشى الحال

كانت قاسيه عليها شوي و م تنزل الحليب بسهوله

[فاتـــو]

علشان كذا اقولك دوري بالمحلات بتلاقين كذا نوع واذا مالقيتي وحده طريه

مالك الا تصنعين وحده بالبيت المهم تناسب القط

[farah dh]

أدري بتعبك معايا , بس كيف أقدر أسويها ف البيت ؟

[فاتـــو]

هذي ابسط طريقه

جيبي سبونج وجه وعلبه قطره نظيفه وسوي زي الصورة

الرضاعة مريحه جدا وتنزل الحليب تدريجيا بدون ماتضايق القط وعن تجربه

[farah dh]

من جد من جد شكراً لك أختي

الله يجزاك الجنة يارب

[فاتـــو]

العفو ياقمر )