محلات لبيع اكل الببغاء ويكون نظيف ؟؟

[أم حبوب]

السلام عليكم

اخواني الطير اللي عندي يقول الطبيب ااحتمال مرضه يكون من الاكل الحبوب فاسدة او مو نظيفة وانا اشتري اكله من سوق الحمام مااعرف غيره
ابي محلات في الرياض تبيع حبوب مشكلة للببغاء الكاسكو ويكون نظيف ويكون الكيس كبير يعني ابي خيشة تكفيه شهر شهرين .. ياليت اللي يعرف يعطيني اسم المحل وفي اي حي ... واكون شاكرة لكم

[hassan-55]

يا اختي كيلوين مشكل و كيلوين حب شمسي تكفي فتره طويله
انا اقترح عليك لا تكثرين
في محل نظيف و الحبوب عنده نظيفه والله اعلم انا دائماً اشتري منه
هو بالزاويه اول السوق وانتم كرامه عند الساحه اللي يبيعون الكلاب والبساس
كيلو المشكل اخذه ب 15 بلجيكي وعنده اكثر من نوع
انا اخذ كيلوين واخليه يشكله من كذا شكل اللي يعجبني
واخذ لي كيلو حب شمسي
وفي رجال طيب ينقاله ابو تركي اشوفه يبسط يوم الجمعه يبيع الزبوريوم
انا اخذ منه رجال خلوق وثقه احسبه والله حسيبه
الزبوريم ممتاز لكن بالبدايه ممكن الطير ما يقبله
عندي طيرين يموتو بشي اسمه زبوريوم
وعندي طير ما تعود عليه لكني احاول معه

اسأل الله لنا ولكم التوفيق..

[hassan-55]

^^
وفي محل داخل السوق تقريباً اخره محل نظيف بس غالي شوي
عنده انواع كثيره من اكل الطيور والالعاب واشياء كثيره بتعجبك

[أم حبوب]

يعطيك العافية بس لو فيه محلات تبيع الاكل في اكياس مقفلة احسن لان في سوق الحمام يبيعونه مفتوح وتاخذ بالكيلوا فاخاف اشتري مرة ثانية وييتعافى الطير ويمرض من جديد لان الطبيب قال مناعته جدا ضعيفة وحساس ولانه مرة نحيف

[الإمـبـراطـور]

مراحب اختي ام حبوب


قوانين المنتدى تمنع ذكر اسامي العلامات التجارية لانها تعتبر كدعاية للمنتج ...

لكن اغلب ما يباع بالسوق خلطات مستوردة هي البلجيكي او الهولندي وجميتها ممتازة من ناحية تنوع الحبوب والفواكه المجففة.. المحلي ماانصح فيه ..

تقبلي ردي مع كل ودي

[أم حبوب]

شكرا اخوي على ردك ربي يسعدك