عندي بعض الاسئله عن الكاسكو الرمادي

[كندرينو]

انا عندي كاسكو رمادي محجل او محيل لون ذهبي والطير حده أليف وهادي عمره 7 اشهر
لكن مرات يعض أظافر ايدي حيل ليش وهل يمكن انهاا ترووح هل عاده وشلون اذا تروح

وبالنسبه للكاسكو جم عمره لمه يبدي يتكلم يعني اي عمر يتعلم النطق

وبالنسبه للالعاب الي احطهاا بالقفص شنو فايدتهاا

[- Silver Shadow -]

هلا بك أخوي كندرينو ...

بالنسبة لسؤالك عن قيام ببغاءك بعض أظافره ربما للتنظيف الا اذا كان يعضها بشكل مستمر ولفترات طويلة ففي هذه الحالة يكون الطائر ربما قلقا نفسيا فعليك ان تركز على التنويع في أكله وتغيير روتينه قليلا بتسليته بواسطة الألعاب واللتي هي إجابة لسؤالك الأخير، كما أن الألعاب تزيد من نسبة ذكائه.

وبالنسبة للكلام فالببغاء يستطيع تعلم النطق والكلام من عمر الخمس أشهر وببغاءك في عمر ال 7 شهور وهو عمر ممتاز لتعليمه التحدث وحاول تستفيد من عمره الصغير في تعليمه الكلام وبعض الحركات.

أتمنى أن أكون قد أفدتك ببعض المعلومات عن سؤالك وربما قد يزيد على كلامي بعض الإخوة ممن يمتلكون خبرة أكثر مني.

تقبل فائق إحترامي وتقديري ودمت في حفظ الرحمن.

[كندرينو]

تسلم على الرد الجميل ولكن انا اقصد انه الكاسكو يعض اظافري انا

[naasooh]

إلي فهمته أنه أليف ويعض ظفرك بعض المرات
أذا هالحركه مظايقتك أو ما يبي يعمل هالحركه لهيه بأيدك أثانيه أو حط كف أيدك أمنعه بلطف وأدعك راس أطير
وراح يتغير الوضع مع الوقت

ألألعاب تحصل جاهز بالمحلات وأنصحك تشوف المواضيع بالمنتدى فيها شلون تسوي ألعاب لطيرك أرخص لك
و
ألأفضل أنك تحط صور للطير عشان يفيدونك ألأعضاء

[بووسلطان]

اخوي اظن بان العضة طبيعية انا عندي طير محجل واذا خليت ايدي مدة طويلة يلعب فيها ويعضها بالقوة انتا حاول تلهيه بيدك الثانية مثل ماقالو لك الاخوان ولابد يكون عندك خبرة اوخلفية شوي عن التعامل مع هالطيور اجلس عندها كثير ادرس سلوك الطير وبالنسبة للالعاب انا كان طيري ياكل في ريشه ويجلس يعلب في ريشه ويوم حطيت له الالعاب وقف الحمدلله عن العبث في جسمه وجلس يلعب في الالعاب وهذي ايجابية الالعاب في القفص وتلهي الطير اكثر بحيث انها تسليه الالعاب ضرورية بالنسبة للكاسكو طبعا موكل الكاسكوات ترتاح للالعاب او بالاصح موكلها تحتاج العاب البعض منها مايرتاح لها