مجموعة استفسارات بخصوص الرمادي الهولندي

[تراني جديدة]

السلام عليكم ..
اخواني انا شريت رمادي هولندي صغير بس ما اعرف كم عمره بالضبط هو عيونه رمادي غامغ .. الطير جدا اليف يخليني ااكله وامسد عليه واحك له رقبته وكل شي بس ما يطلع على ايدي ولا يرضي احط اصابعي عند رجوله بس ما يرضى .. انا شريته يوم الجمعه ومن شريته الى الان ما سمعت له صوت ابد هل هاذا شي طبيعي او في مشكله ؟ اكلته شابوره وذره وفايتمين كالسيوم الي يعلق بالقفص وشي ثاني اخضر فايتمين برضوا يعلق بالقفض وعجبته .. وبعد عباد الشمس احس انه عجبه بس ياكل منه .. وماعرف وش حبوب اعطيه .. امس ما قدرت اشوفه بس يحك نفسه قمت جبت رشاش مويه دافيه وبخيته بس ما غرقته كثير .. المهم كرهني شوي بس نشبت له الين ما رضى يعطيني راسه امسد عليه ..وبعد التحميم سار يبرز كثير سائل بس انا خفت وسرت ااكله الين ما مشى الحال وتماسكت فضلاته وانتم بكرامه ..
واول ما جبته يوم شفته اليف قلت خلني اطلعه فوق القفص .. ويوم فتحت له الباب وطلع نهض جسمه وسار يحرك اجنحته ( خوفني ) وبعدين طار بس طيرانه موب ذاك الزود طاح .. قمت شلته بالعصى ورجعته للقفص .. وفي القفص احس حركته نوعا ما زي الاطفال الي توهم يمشون ..

هل طايري طبيعي ؟؟ ماله صوت .. هل اقص اجنحته او انتظر ..ومتى ابداء اقصها اخاف يكرهني ..مثل ما كرهني يوم حممته ..ومتى احممه عشان الحكه .. ومتى ابداء اروضه ؟ ومتى عيونه تسير فاتحه وتعدي مرحله الخطر ؟

شكرا كثير وتحياتي

[المقبل]

السؤال كيف عرفته هولندي ؟ هل برجله حجل ؟ بعدين الطير توه شايفك انت جديدين على بعض يبيلك شهر
كامل بس تعطيه اكل وماء وتحاول تجلس معه وهو داخل القفص وتكلمه بهدؤ ولا تستعجل عليه
بعد الشهر ممكن تحممه بالمرش وممكن تطلعه خارج القفص ياخذ راحته وتبدي تعلمه يطلع على يدك
الحين لا تقص جناحه مايحتاج
ان شالله افدتك

[حب استطلاع]

هل طايري طبيعي ؟؟ ماله صوت

دائماً أشبه الطير الجديد
بالصديق إللي توك متعرف عليه
بالبداية يكون فيه تحفظ وشوي شوي تأخذ وتعطي معه
نفس الشي مع الطير الجديد حتى لو كان إنتاج مزارع
البعض منها جريء لكن الأغلب لازم يأخذ على جو البيت
وبعدها يبدأ يصفر أو يتكلم إذا كان يتكلم

هل اقص اجنحته او انتظر ..ومتى ابداء اقصها

ما يمنع تقصيها إذا خايفه يهرب
بس القص يكون عن طريق شخص يعرف
ويترك أول ثلاث ريشات
ويقص بعدها ست أو سبع ريشات

اخاف يكرهني

على قولة الفنان
إشاعه وصدقوها الناس

ومتى احممه عشان الحكه

أفضل الإبتعاد عن الترويش بالوقت الحالي
لأن الجو بدأ يبرد
والطيور الصغيرة ما تتحمل

ومتى ابداء اروضه ؟

طيرك إنتاج مزرعه ( أليــف )
ما يحتاج ترويض

ومتى عيونه تسير فاتحه وتعدي مرحله الخطر ؟

أنا ما أدري كم عمر طيرك
بس عموماً الطيور المستورده إذا عدت عمر 9 شهور
تكون بإذن الله عدت مرحلة الخطر والمرض إللي تصيب أقرانها

بالتوفيق لنا ولك

[تراني جديدة]

المقبل.. اكيد هولندي بحجل ذهبي ..وهو اليف يدور الي يحك راسه لعوب بس يلعب ..وشكرا على الافاده ..

حب الاستطلاع .. الله يجزاك خير جدا افدتني ماشاء الله عليك ..
هو اليف بس انا اقصد بالترويض اني اخليه يطلع على ايدي واني اخرجه من القفص حسيت انه مره انبسط يوم طلعته من القفص اول مره .. ماشاء الله على طيري ما يخاف احس انه بايعه مايخاف من الحركه حوله وحول القفص .. الله يجزاك خير شكرا كثير ..

معليش سؤال ثاني .. انا عندي كروانات عادي يكونون مع بعض في نفس السيب او لازم منعزلين ؟

[مجنون فلته]

السلام عليكم الطير المفروض يكون بروحه والحين لاتدريب على اي شي مجرد قعده معاه وتطليعه برى القفص وخلك دائما جنبه عشان يعرف سبب انبساطه انتي

ويتعود عليج بسرعه بعد اسبوع حاولي انك تخلينه يطلع على ايدج

بالتوفيق

[تراني جديدة]

مجنون فلته .. الله يجزاك خير خلاص بحاول اشوف مكان ثاني للرمادي ..شكرا كثير افدتني ..